កម្ពុជ
[ក័ម -ពុច ឬ ក័ម-ពុ ជៈ]- ន ( សំ. បា. ) ម. ព. កម្ពុជ ឬ កម្ពុជា ។ ពាក្យសម្រាប់ប្រើផ្សំជាមួយនឹងសព្ទដទៃជាសមាសនាម ( អ. ថ. កម្ពុជៈ ) ដូចជា កម្ពុជប្រទេស ប្រទេសកម្ពុជា ។ កម្ពុជមិត្រ មិត្ររបស់ប្រទេសកម្ពុជា ។ កម្ពុជរដ្ឋ រដ្ឋ ឬ ប្រទេសកម្ពុជា ( ប្រទេសខ្មែរ ) ជាដើម ។វចនានុក្រម សម្ដេចសង្ឃរាជ ជួនណាត
- ន ( សំ. បា. កម្ពុ "មាស" + ជ ឬ ជា "កើត ,កំណើត" = សុវណ្ណភូមិ "ទីកើតមាស, ភូមិប្រទេសជាទីកើតនៃមាស" ) ពាក្យនេះជាឈ្មោះនៃ ប្រទេសខ្មែរយើង, យើងហៅប្រទេសរបស់យើងថា កម្ពុជរដ្ឋ ក៏បាន, ថា កម្ពុជប្រទេស ក៏បាន, ថា ប្រទេសកម្ពុជា ក៏បាន, ថា ប្រទេសខ្មែរ ក៏បាន, ថា ខេមរប្រទេស ក៏បាន, ថា ខេមររដ្ឋ ក៏បាន កាលណាបើកវីជាតិយើងត្រូវការប្រើក្នុងកាព្យ ឬក្នុងការតែងសេចក្ដីជាពាក្យរាយខ្លះ, យើងអាចហៅប្រទេសយើងបានតាមត្រូវការ, ប៉ុន្តែពាក្យប្រើក្នុងផ្លូវការ យើងសរសេរ យើងហៅ កម្ពុជរដ្ឋ ឬ ប្រទេសកម្ពុជា; ឯជនបរទេស គេហៅតាមយើងដែរក៏មាន គេហៅតាមការសន្មតិរបស់គេក៏មាន ដូចជាបារាំងសែស គេហៅប្រទេសយើងថា Cambodge, អង់គ្លេសហៅ Cambodia. អ្នកបរទេសខ្លះទៀតហៅ Cambodja, ខ្លះហៅ Kambuja ។ ល ។ ប្រទេសកម្ពុជាយើង តាំងពីត្រឡប់បានឋានៈជាប្រទេសឯករាជ្យ អព្យាក្រឹត ពុទ្ធសាសនិក កើតមានសង្គមរាស្ត្រនិយម ដោយព្រះគតិបណ្ឌិតដ៏ឈ្លាសវាងវៃភ្លឺថ្លានៃ សម្តេច ព្រះនរោត្តម សីហនុ ព្រះប្រមុខរដ្ឋ របស់យើង រៀងមក យើងមាន សាមគ្គី ស្រុះគ្នាដូចគេវេញខ្សែបញ្ចូលធ្លុងមាំមួនរឹងប៉ឹង យើងបានប្រកបដោយ សន្តិសុខ សន្តិភាព វឌ្ឍនភាព លូតលាស់ ចម្រុងចម្រើន កើតកើន ឡើងជានិច្ច ស្ទើរតែនឹងគណនាត្រារាប់ពុំបានប្រមាណពុំអស់មានកិត្តិនាមថា ខ្មែរជួយខ្មែរគ្នាឯងដោយពេញសមត្ថភាព, ខ្មែរបង្កើតជីវភាពខ្លួនឯង, បង្កើតសុខសន្តិភាពខ្លួនឯង, បង្កើតវឌ្ឍនភាពខ្លួនឯង, ខ្មែរមានកល្យាណមិត្រច្រើនក្នុងសកលលោក។ល។ ។ល។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
អាយ រៀប ជាយ រិះ វិហារ ពិសោធន៍ ការដឹកជញ្ជូន លទ្ធកម្ម ងូត ក្ដារ បង្គោល ជ្រុល ចុក ធាត់ ទាល់តែ ស្ងៀម លាត នគរ ភរិយា ប្រជែង ជ្រលក់ ចាញ់ នាយក ក្រុមហ៊ុនធានារ៉ាប់រង
Source: Samdech Chuon Nath Khmer dictionary and Khmer lexicons.