កាកបាទក្រហមអន្តរជាតិ
- វិទ្យាសាស្ត្រនយោបាយ អង្គការមនុស្សធម៌ដែលត្រូវបានបង្កើតឡើងដំបូងដោយលោក ហង់រី ឌុយណង់(Henry Dunant) នៅឆ្នាំ១៨៦៣ នៅទីក្រុងហ្សឺណែវ ប្រទេសស្វ៊ីស។ ទិសដៅដំបូងបង្អស់របស់អង្គការនេះ គឺសង្គ្រោះជនរងគ្រោះដោយសង្គ្រាម ព្យាបាលរបួស សង្គ្រោះយុទ្ធជនដែលពើបប្រយុទ្ធគ្នា ដោយមិនប្រកាន់ពូជសាសន៍និងនិន្នាការនយោបាយ។ ក្រោយមកទៀត អង្គការនេះបានក្លាយជាចលនាមនុស្សធម៌អន្តរជាតិដ៏ធំក្នុងកម្រិតពិភពលោក ដែលប្រតិបត្តិការរបស់ខ្លួនផ្អែកលើគោលការណ៍គ្រឹះ៧យ៉ាងគឺ ១- ភាពមនុស្សធម៌ : ចលនាការពារអាយុជីវិតនិងសុខភាពមនុស្សជាតិដោយមិនរើសអើង ធានាឱ្យមានការគោរពក្នុងឋានៈជាមនុស្សផងគ្នា យោគយល់គ្នា សហការជួយគ្នាបង្កើតមិត្តភាព ដើម្បីធ្វើឱ្យសង្គមមនុស្សលើសកលលោកមានសន្តិភាពយូរអង្វែង។ ២- ភាពមិនលម្អៀង : ការបំពេញភារកិច្ចដោយមិនរើសអើងសញ្ជាតិ ពូជសាសន៍ ជំនឿ សាសនា វណ្ណៈសង្គម ឬគំនិតនយោបាយអ្វីឡើយ ដោយខិតខំប្រឹង ដើម្បីសម្រាលទុក្ខវេទនាខ្លោចផ្សាដល់រាល់បុគ្គលដែលរងគ្រោះ ផ្អែកទៅតាមតម្រូវការចាំបាច់ជាអាទិភាពគឺជួយសង្គ្រោះមនុស្សចំពោះករណីគ្រោះអាសន្នធ្ងន់ធ្ងរបំផុត។ ៣- ភាពអព្យាក្រឹត : ការចៀសវាងដាច់ខាតការចូលរួមទាក់ទិននឹងភាគីជម្លោះណាមួយ ទោះជាកាលៈទេសៈណាក៏ដោយ ក៏មិនចូលរួមវែកញែកបញ្ហានយោបាយ ពូជសាសន៍ ជំនឿ សាសនា ឬប្រភេទមនោគមវិជ្ជាណាឡើយ។ ៤- ឯករាជភាព : ការរួមចំណែកជួយដល់រដ្ឋាភិបាលក្នុងការងារមនុស្សធម៌ក្រោមឱវាទច្បាប់ប្រទេសរបស់ខ្លួនក្នុងសមាគមជាតិទាំងនោះត្រូវតែរក្សាស្វ័យភាពក្នុងការធ្វើសកម្មភាពស្របតាមគោលការណ៍ជាសារវន្តរបស់ខ្លួន។ ៥- សេវាកម្មស្ម័គ្រចិត្ត : ការជួយសង្គ្រោះដោយស្ម័គ្រចិត្ត ដោយមិនគិតផលកម្រៃតបស្នងវិញឡើយ។ ៦- ឯកភាព : ការកំណត់ជាឯកច្ឆន្ទថាក្នុងប្រទេសនីមួយៗត្រូវមានសមាគមជាតិកាកបាទក្រហមតែមួយប៉ុណ្ណោះ។ សមាគមជាតិកាកបាទក្រហមនេះត្រូវបើកទ្វារចំហសម្រាប់មនុស្សទូទៅ ហើយបំផុសនិងពង្រីកសកម្មភាពមនុស្សធម៌របស់ខ្លួនពាសពេញផ្ទៃប្រទេស។ ៧- សកលភាព : លក្ខណៈជាសកល ហើយសមាគមជាតិទាំងនេះមានឋានៈស្មើៗគ្នានិងមានភារកិច្ចជួយគ្នាទៅវិញទៅមកទូទាំងពិភពលោក។វិទ្យាសាស្ត្រនយោបាយ
Look up another word in the Khmer Dictionary
More words
កាព្យប្រវត្តិសាស្ត្រ បទព្រះចន្ទ្របាំងឆត្រ ប្រលោមលោកមនោគមវិជ្ជា ប្រលោមលោកមនោសញ្ចេតនា ការចាក់បញ្ចូលក្នុងដី ការកាត់ក្បាលសសរគ្រឹះ គ្រឿងបង្គុំបន្តឹងមុន ម៉ូម៉ង់និចលភាពប៉ូលែរ រចនាគ្រឿងបង្គុំសំណង់ សម្ពាធក្នុងវិស្វកម្ម ស្នាមប្រេះក្រឡាខ្ជឹង អគារកម្ពស់ទាប(ខ្យល់) ការបាត់ខ្លួនដោយបង្ខំ ឆន្ទានុសិទ្ធិរដ្ឋបាល បរិវេណបេសកកម្មការទូត សង្គ្រាមចិត្តសាស្ត្រ សន្ធិសញ្ញាអង់តាក់ទិក សមាជិកនៃបុគ្គលិកឯកជន សមាជិកបេសកកម្មការទូត សម្លាប់មាន់បំភ័យស្វា អត្តសញ្ញាណបណ្ណការទូត ចលនាទៅមុខនៃគល់អណ្ដាត បុនមាបនកម្មបែបវិទ្យា ព្រឹទ្ធឯកអគ្គរដ្ឋទូត
Source: Samdech Chuon Nath Khmer dictionary and Khmer lexicons.