Skip to content

ការបោះឆ្នោតជាកញ្ចប់

  1. វិទ្យាសាស្ត្រនយោបាយ ការបោះឆ្នោតដើម្បីអនុម័តឬសម្រេចបញ្ហាជាច្រើនក្នុងពេលតែមួយ ដោយសមាជិកម្នាក់ប្រើសន្លឹកឆ្នោតឬសំឡេងតែមួយ។ នីតិវិធីនេះត្រូវបានដកស្រង់ពីរដ្ឋធម្មនុញ្ញប្រទេសបារាំងយកមកកែច្នៃទៅតាមបរិបទនយោបាយកម្ពុជា ដែលអ្នកនយោបាយខ្មែរយកមកប្រើក្រោយពីជាប់គាំងនយោបាយពីឆ្នាំ២០០៣ រហូតដល់ខែកក្កដា ឆ្នាំ២០០៤។ ឧ. ក្រោយការបោះឆ្នោតសកលជ្រើសរើសតំណាងរាស្ត្រឆ្នាំ២០០៣ គណបក្សប្រជាជនកម្ពុជាជាប់ឆ្នោតបាន៧៣អាសនៈ គណបក្សហ៊្វុនស៊ិនប៉ិចបាន២៦អាសនៈ និងគណបក្សសម រង្ស៊ី បាន២៤អាសនៈ។ យោងតាមចំនួននេះ គ្មានគណបក្សណាមួយមានសំឡេងគ្រប់ចំនួនពីរភាគបី ដើម្បីបង្កើតរដ្ឋាភិបាលតែម្នាក់ឯងបានទេ។ តាមច្បាប់រដ្ឋធម្មនុញ្ញឆ្នាំ១៩៩៣ ការបោះឆ្នោតជ្រើសរើសប្រធាននិងអនុប្រធានរដ្ឋសភាក៏ដូចជាជ្រើសរើសនាយករដ្ឋមន្ត្រីត្រូវការសំឡេងគាំទ្រពីរភាគបីទើបអាចជ្រើសតាំងបាន ហើយដោយសារគណបក្សហ៊្វុនស៊ិនប៉ិចនិងគណបក្ស សម រង្ស៊ី បានបង្កើតសម្ព័ន្ធភាពអ្នកប្រជាធិបតេយ្យដែលមិនព្រមឱ្យគណបក្សណាមួយចូលជាមួយគណបក្សប្រជាជនកម្ពុជាដើម្បីបង្កើតរដ្ឋាភិបាល(បើចូល ចូលទាំងអស់គ្នា បើចេញ ចេញទាំងអស់គ្នា)។ ស្ថានភាពនយោបាយក៏ត្រូវបានកកស្ទះ។ ក្រោយមកដំណោះស្រាយចំពោះភាពទ័លច្រកបានចេញរួច ដោយគណបក្សហ៊្វុនស៊ិនប៉ិចព្រមចូលរួមបង្កើតរដ្ឋាភិបាលចម្រុះជាមួយគណបក្សប្រជាជនកម្ពុជា។ ការជ្រើសតាំងប្រធានសភានិងរដ្ឋាភិបាលអាណត្តិទី៣ តាមច្បាប់រដ្ឋធម្មនុញ្ញ តំណាងរាស្ត្រត្រូវបោះឆ្នោតជ្រើសរើសប្រធាន អនុប្រធាន និងគណៈកម្មការនានាជាមុនសិន។ ក្រោយពីបោះឆ្នោតនេះហើយ ទើបបោះឆ្នោតជ្រើសនាយករដ្ឋមន្ត្រីចេញពីគណបក្សដែលមានអាសនៈច្រើនជាងគេក្នុងរដ្ឋសភា។ តែដោយការបាត់ជំនឿទុកចិត្តលើគណបក្សដៃគូ គេបានធ្វើវិសោធកម្មរដ្ឋធម្មនុញ្ញដោយបញ្ចូលការបោះឆ្នោតជាកញ្ចប់ដើម្បីសម្រេចបញ្ហាពីរក្នុងពេលតែមួយ។
    វិទ្យាសាស្ត្រនយោបាយ

Look up another word in the Khmer Dictionary

More words

ក្បាច់ឈរពង់ជើងស្ដាំ ក្បាច់លៀមឈរបិទឆ្វេង ក្បាច់លៀមឈរបិទស្ដាំ ក្បាច់លៀមឈរបើកឆ្វេង ក្បាច់លៀមឈរបើកស្ដាំ ក្បាច់លៀមផ្ដេកឆ្វេង ក្បាច់លៀមផ្ដេកស្ដាំ ក្បាច់ហួនកាំបិតខ្លី វិធីប្រវត្តិវប្បធម៌ របាំប្រជាប្រិយខ្មែរ ការបង្រួបបង្រួមជាតិ ការបណ្ដេញចេញពីអំណាច នយោបាយការ៉ុតនិងដំបង រដ្ឋាភិបាលផ្ដាច់ការ អាណានិគមនិយមបែបថ្មី គ្រឹះស្ថានឥណទានជនបទ ប្រធានក្រុមផ្នែកលក់ ម៉ាក្រូកិច្ចទីផ្សារ កុងត្រាក់ទួរសាច់ដុំ ក្រួស(វេជ្ជសាស្ត្រ) ផ្លាសង់តាប្រេវ៉ីយ៉ា អត្រាមរណៈទារកពេលកើត អត្រាមរណៈទារកមុនកើត ជំងឺចុងអង្ករគោក្របី

Source: Samdech Chuon Nath Khmer dictionary and Khmer lexicons.