ការបោះបង់តំណែង
- វិទ្យាសាស្ត្រនយោបាយ ការដើរចេញឬការលាឈប់ពីមុខតំណែងដោយសារមូលហេតុផ្សេងៗដូចជាការមិនពេញចិត្តនឹងការងារ ទំហំការងារហួសពីសមត្ថភាព ឬរងសម្ពាធនយោបាយណាមួយ។ ឧ. បន្ទាប់ពីទទួលជ័យជម្នះលើរបបសាធារណរដ្ឋខ្មែរនៅថ្ងៃទី១៧ ខែមេសា ឆ្នាំ១៩៧៥មក របបកម្ពុជាប្រជាធិបតេយ្យ ដែលមានសម្ដេចព្រះនរោត្តម សីហនុ ជាព្រះប្រមុខរដ្ឋ បានចាប់ផ្ដើមឡើងកាន់កាប់អំណាចនៅប្រទេសកម្ពុជាចាប់ពីថ្ងៃទី១៧ ខែមេសា ឆ្នាំ១៩៧៥។ ប៉ុន្តែនៅឆ្នាំ១៩៧៦ ព្រះអង្គបានសម្រេចព្រះទ័យបោះបង់អំណាចជាព្រះប្រមុខរដ្ឋចោល។ ឧ. ក្រោមការដឹកនាំរបស់លោកប្រធានាធិបតី បូរីស យែលស៊ីន ពីឆ្នាំ១៩៩១ដល់ឆ្នាំ២០០០ សហព័ន្ធរុស្ស៊ីបានជួបប្រទះនូវវិបត្តិនយោបាយនិងសេដ្ឋកិច្ចយ៉ាងធ្ងន់ធ្ងរ។ មូលហេតុដែលធ្វើឱ្យមានវិបត្តិទាំងនេះគឺដោយសារការផ្ដាច់ខ្លួនរបស់ប្រទេសចំនួន១៥ចេញពីសហភាពសូវៀត បញ្ហានយោបាយនៅអឺរ៉ុបខាងកើត ការដួលរលំជញ្ជាំងប៊ែរឡាំង ការដកកងទ័ពរុស្ស៊ីចេញពីអាហ្វហ្កានីស្ថាន និងការផ្ទុះសង្គ្រាមមួយនៅឆេឆេនី។ ដូច្នេះហើយ ដោយមិនអាចដោះស្រាយវិបត្តិទាំងអស់នេះបាន លោកប្រធានាធិបតី បូរីស យែលស៊ីន បានបោះបង់តំណែងរបស់ខ្លួនជាប្រធានាធិបតី ដោយផ្ទេរអំណាចទៅឱ្យលោក ប្លាឌីមៀ ពូទីន គ្រប់គ្រងអំណាចជំនួសវិញ ហើយរង់ចាំរហូតដល់មានការបោះឆ្នោតសាជាថ្មី។ ឧ. ក្រោយពីការបោះឆ្នោតជ្រើសរើសតំណាងរាស្ត្រនីតិកាលទី៣ រដ្ឋាភិបាលចម្រុះមួយត្រូវបានបង្កើតឡើង ដែលក្នុងនោះគណបក្សប្រជាជនកម្ពុជានិងគណបក្សហ៊្វុនស៊ិនប៉ិច បានព្រមព្រៀងគ្នាធ្វើជាដៃគូក្នុងការដឹកនាំរដ្ឋាភិបាលរហូតដល់ចប់អាណត្តិ។ ប៉ុន្តែក្រោយមកដោយសារគណបក្សប្រជាជននិងគណបក្សសម រង្ស៊ីបានឯកភាពគ្នាធ្វើវិសោធនកម្មរដ្ឋធម្មនុញ្ញដោយកែប្រែមាត្រានៃរដ្ឋធម្មនុញ្ញស្ដីពីការបោះឆ្នោតផ្ដល់សេចក្ដីទុកចិត្តបង្កើតរដ្ឋាភិបាលដោយសំឡេងពីរភាគបីមកនៅត្រឹមតែសំឡេងហាសិបបូកមួយនេះ គណបក្សហ៊្វុនស៊ិនប៉ិចក៏លែងជាដៃគូសំខាន់នៅក្នុងការអនុម័តច្បាប់និងការធ្វើវិសោធនកម្មរដ្ឋធម្មនុញ្ញទៀតហើយ គឺចំណុចនេះហើយដែលជាគំនាបនយោបាយធ្វើឱ្យសម្ដេចក្រុមព្រះ នរោត្តម រណប្ញទ្ធិ បោះបង់តំណែងជាប្រធានរដ្ឋសភាអាណត្តិទី៣មុនពេលចប់អាណត្តិ។វិទ្យាសាស្ត្រនយោបាយ
Look up another word in the Khmer Dictionary
More words
ក្បាច់ហួនផ្លិត ក្បាច់ហួនលំពែង ក្បាំងសំពត់មុខ ក្រវិលពុកបង្កង តួព្រាហ្មណ៍កេស មកុដរាមបរមាសូរ ស្រទាប់វប្បធម៌ សំពត់ក្បិនខ្លី សំពត់ក្បិនគឃារ សំពត់ព្រែអំបោះ តួបន្ទាប់បន្សំ បុរាណវត្ថុវិទូ នយោបាយច័ក្កច័ន សង្គ្រាមចៃដន្យ អព្យាក្រឹតនិយម អ្នកធ្វើនយោបាយ កាណាល់ទិន្នន័យ លក្ខណៈសម្បត្តិ អាសយដ្ឋានអាយភី ការិយាល័យឥណទាន ឌីជីថលម៉ាឃិធីង ឋានានុក្រមកម្ម ផែនការធុរកិច្ច ផ្សាររូបិយបណ្ណ
Source: Samdech Chuon Nath Khmer dictionary and Khmer lexicons.