ការរំសាយសញ្វវុធ
- វិទ្យាសាស្ត្រនយោបាយ វិធានការដើម្បីបំផ្លាញចោល កាត់បន្ថយ ឬដាក់កម្រិតនូវមធ្យោបាយធ្វើសង្គ្រាម ដែលជាលក្ខខណ្ឌចាំបាច់សំដៅលុបបំបាត់ហានិភ័យសង្គ្រាម។ ដោយសារការរីកសាយភាយនៃអាវុធនុយក្លេអ៊ែរ អាវុធមហាប្រល័យ និងមធ្យោបាយសម្លាប់រង្គាលផ្សេងៗទៀត ដែលមានកម្លាំងបំផ្លាញដ៏មហាប្រល័យ ការរំសាយសព្វាវុធបានក្លាយជាវិធានការអន្តរជាតិដែលត្រូវបានយកចិត្តទុកដាក់ជាពិសេសដោយបណ្ដារដ្ឋាភិបាលនានាលើពិភពលោក។ វិធានការអន្តរជាតិសំដៅកាត់រំសាយសព្វាវុធត្រូវបានដាក់ចេញតាមរយៈកិច្ចព្រមព្រៀងនិងសន្ធិសញ្ញាអន្តរជាតិមួយចំនួន ដូចជាសន្ធិសញ្ញាស្ដីពីការមិនរីកសាយភាយអាវុធនុយក្លេអ៊ែរ ឆ្នាំ១៩៧០ សន្ធិសញ្ញាស្ដីពីការហាមប្រាមការសាកល្បងអាវុធនុយក្លេអ៊ែរ ឆ្នាំ១៩៩៦ សន្ធិសញ្ញាស្ដីពីការហាមឃាត់ការសាកល្បងអាវុធនុយក្លេអ៊ែរនៅក្នុងបរិយាកាស លំហអាកាស និងក្រោមទឹក ឆ្នាំ១៩៦៣ កតិកាសញ្ញាស្ដីពីការហាមឃាត់ និងការបំផ្លាញ ការបង្កើត ការផលិតនិងការរក្សាទុកអាវុធជីវសាស្ត្រនិងអាវុធមានសារជាតិពុល ឆ្នាំ១៩៧៥ អនុសញ្ញាស្ដីពីការហាមឃាត់និងការបំផ្លាញ ការបង្កើត ការផលិត និងការរក្សាទុកអាវុធគីមី ឆ្នាំ១៩៩៧ ពិធីសារស្ដីពីការហាមឃាត់ការប្រើប្រាស់ក្នុងសង្គ្រាមនូវឧស្ម័នធ្វើឱ្យថប់ដង្ហើម ឧស្ម័នពុលឬឧស្ម័នដទៃទៀត និងការប្រើប្រាស់វិធីសាស្ត្រវេត្រាណូនៅក្នុងសង្គ្រាម ឆ្នាំ១៩២៥ កិច្ចព្រមព្រៀងស្ដីពីការគ្រប់គ្រងសកម្មភាពនៅលើភពព្រះចន្ទនិងភពផ្កាយដទៃទៀតរបស់បណ្ដារដ្ឋ ឆ្នាំ១៩៨៤ សន្ធិសញ្ញាស្ដីពីការគ្រប់គ្រងសកម្មភាពរបស់បណ្ដារដ្ឋក្នុងការរុករកនិងការប្រើប្រាស់លំហអាកាស រួមមានភពព្រះចន្ទនិងភពផ្កាយដទៃទៀតជាដើម។វិទ្យាសាស្ត្រនយោបាយ
Look up another word in the Khmer Dictionary
More words
ស្នាមប្រេះកម្ដៅ ស្នាមប្រេះទ្រោម ស្នាមប្រេះស្ងួត ស្នាមប្រេះស្រុត អគារចំហដោយផ្នែក អគារបិទដោយផ្នែក អង្គគ្រឿងបង្គុំ ការគេចវេះជម្លោះ ការចរចាផ្លូវទូត ការបង្ការជម្លោះ ការប្រឈមមុខគ្នា ការរាលដាលជម្លោះ កិច្ចសន្យាសង្គម នយោបាយផ្សងព្រេង បដិអាណានិគមនិយម ប្រព័ន្ធពហុបក្ស ប្រេសិតវិសាមញ្ញ មុខតំណែងសាធារណៈ សត្រូវស្លាប់រស់ សម្ព័ន្ធអារ៉ាប់ សហភាពអាហ្រ្វ៊ិក សីលធម៌អន្តរជាតិ សេរីភាពខាងសាសនា អនាធិបតេយ្យនិយម
Source: Samdech Chuon Nath Khmer dictionary and Khmer lexicons.