កិច្ចប្រជុំអាស៊ី-អឺរ៉ុប
- វិទ្យាសាស្ត្រនយោបាយ ដំណើរការអន្តររដ្ឋាភិបាលដែលត្រូវបានបង្កើតឡើងក្នុងឆ្នាំ១៩៩៦ ដើម្បីជំរុញកិច្ចសន្ទនានិងកិច្ចសហប្រតិបត្តិការរវាងទ្វីបអាស៊ីនិងអឺរ៉ុប។ កិច្ចប្រជុំអាស៊ី-អឺរ៉ុប(Asia-Europe Meeting)ត្រូវបានគេស្គាល់ជាទូទៅតាមអក្សរកាត់ភាសាអង់គ្លេសថា អាសិម(ASEM)ដូចគ្នានឹងអាស៊ានដែរ ដែលគេហៅខ្លីតាមអក្សរកាត់ភាសាអង់គ្លេស។ គោលបំណងចម្បងរបស់អាសិម គឺដើម្បីផ្ដល់នូវវេទិកាមួយដើម្បីជំរុញកិច្ចសន្ទនានយោបាយ ពង្រឹងកិច្ចសហប្រតិបត្តិការសេដ្ឋកិច្ច និងដោះស្រាយបញ្ហាប្រឈមជាសកលជាមួយគ្នា។ នៅក្នុងទិដ្ឋភាពជាច្រើន ការវិវឌ្ឍថ្មីៗនៅក្នុងទិដ្ឋភាពអន្តរជាតិបានលើកតម្លៃអាសិមជាវេទិកាដ៏សំខាន់មួយសម្រាប់ប្រព័ន្ធអន្តរជាតិដែលបើកចំហសហប្រតិបត្តិការ និងផ្អែកលើច្បាប់។ ជារួម អាសិមគឺជាភាពជាដៃគូដ៏គ្រប់ជ្រុងជ្រោយដែលមានឥទ្ធិពលបំផុតរវាងអាស៊ីនិងអឺរ៉ុបដែលជំរុញការតភ្ជាប់គ្រប់សណ្ឋានរវាងតំបន់ទាំងពីរ។ កិច្ចប្រជុំកំពូលអាសិមលើកទី១ត្រូវបានរៀបចំឡើងនៅទីក្រុងបាងកក ប្រទេសថៃ នាខែមីនា ឆ្នាំ១៩៩៦។ កិច្ចប្រជុំកំពូលនេះបានចេញសេចក្ដីសម្រេចដែលកំណត់ឱ្យមានកិច្ចប្រជុំកំពូលនៃប្រមុខរដ្ឋនិងប្រមុខរដ្ឋាភិបាល រៀងរាល់២ឆ្នាំម្ដង។ ប្រទេសដែលចូលរួមក្នុងអាសិមដំបូងរួមមានប្រទេសសមាជិកសហភាពអឺរ៉ុបចំនួន១៥ ប្រទេសសមាជិកអាស៊ានចំនួន៧ ចិន ជប៉ុន កូរ៉េ និងគណៈកម្មការអឺរ៉ុប។ អាសិមផ្អែកលើសសរស្ដម្ភចំនួន៣គឺកិច្ចសន្ទនានយោបាយ កិច្ចសហប្រតិបត្តិការសេដ្ឋកិច្ច និងការផ្លាស់ប្ដូរសង្គមវប្បធម៌។ សកម្មភាពសំខាន់ៗរបស់អាសិម រួមមានកិច្ចប្រជុំកំពូល កិច្ចប្រជុំថ្នាក់រដ្ឋមន្ត្រីការបរទេស និងកិច្ចប្រជុំថ្នាក់រដ្ឋមន្ត្រីផ្សេងៗទៀត។ ការងារប្រចាំថ្ងៃរបស់អាសិមត្រូវបានសម្របសម្រួលតាមរយៈកិច្ចប្រជុំឧត្តមមន្ត្រីអាសិម។ កិច្ចប្រជុំកំពូលត្រូវរៀបចំឡើងដើម្បីកំណត់គោលការណ៍អាសិមនិងបញ្ហាអាទិភាពនានា។ កិច្ចប្រជុំកំពូល២ឆ្នាំម្ដងនេះត្រូវបានធ្វើឡើងឆ្លាស់គ្នា ម្ដងនៅទ្វីបអាស៊ី និងម្ដងនៅទ្វីបអឺរ៉ុប។ កិច្ចប្រជុំរដ្ឋមន្ត្រីការបរទេសអាសិម មានភារកិច្ចសម្របសម្រួលទូទៅនិងរៀបចំផែនការគោលនយោបាយគ្រប់សកម្មភាពទាំងអស់ អនុម័តឯកសារណែនាំ និងគំនិតផ្ដួចផ្ដើមថ្មី។ កិច្ចប្រជុំឧត្តមមន្ត្រីអាសិមត្រូវបានរៀបចំឡើងដើម្បីធានានិរន្តរភាពនៃកិច្ចការអាសិមនិងត្រួតពិនិត្យការរៀបចំនានាសម្រាប់កិច្ចប្រជុំកំពូលនិងកិច្ចប្រជុំរដ្ឋមន្ត្រីការបរទេសអាសិម។ ព្រឹត្តិការណ៍ដ៏សំខាន់បំផុតរបស់អាសិមគឺកិច្ចប្រជុំកំពូលដែលជាកិច្ចប្រជុំត្រូវរៀបចំឡើងពីរឆ្នាំរវាងប្រមុខរដ្ឋនិងប្រមុខរដ្ឋាភិបាល ប្រធានក្រុមប្រឹក្សាអឺរ៉ុប ប្រធានគណៈកម្មការអឺរ៉ុប និងអគ្គលេខាធិការអាស៊ាន។ លើសពីនេះ រដ្ឋមន្ត្រីនិងមន្ត្រីជាន់ខ្ពស់អាសិមក៏ជួបប្រជុំគ្នាក្នុងកិច្ចសន្ទនាតាមវិស័យរៀងៗ ខ្លួនផងដែរ។វិទ្យាសាស្ត្រនយោបាយ
Look up another word in the Khmer Dictionary
More words
ក្បាច់អង្គុយពង់ជើងស្ដាំ វិទ្យាសាស្ត្រកុំព្យូទ័រ អ្នកសម្របសម្រួលផ្នែកលក់ ជំងឺមេតាស្ត្រុងហ្ស៊ីឡូស ក្រវាត់លើ(នាងយោង/ហ្វែម) បន្ទុកអង្គ(គ្រឿងបង្គុំ) បន្ទះ(គ្រឿងបង្គុំសំណង់) បម្រែបម្រួលរាងវិស្វកម្ម ប្រព័ន្ធកម្លាំងជួបចំណុច ប្រព័ន្ធកម្លាំងរួមប្លង់ សូលីដ(គ្រឿងបង្គុំសំណង់) ការត្រួតពិនិត្យសព្វាវុធ គោលនយោបាយសេដ្ឋកិច្ចថ្មី ពលរដ្ឋនៃរដ្ឋដាក់កុងស៊ុល សន្ធានកម្មបែបផ្ដល់យោបល់ សមាជិកនៃបុគ្គលិកកុងស៊ុល អ្នកបម្រើការផ្ទាល់ខ្លួន បម្រែបម្រួលសូរអលក្ខខណ្ឌ ទេវមារព្រហ្មនាគសុណ្ណាទិ នាតិសង្ខេបនាតិវិត្ថារវស ទ្រង់ប្រសូត, ទ្រង់សម្ភព ព្រះនិពន្ធបាទ, កព្រះបាទ ការជំនុំជម្រះក្តីលើកទី១ ការបង្អង់នីតិវិធីបណ្តឹង
Source: Samdech Chuon Nath Khmer dictionary and Khmer lexicons.