Skip to content

ជប

[ជប់]
  1. កិ (សំ.បា.) ខ្សឹប; ស្វាធ្យាយខ្សឹបៗ, សូត្ររាយមន្ដអាគមខ្សឹបៗ ឬសូត្រនឹកតែក្នុងចិត្ត; ប្រឡេះផ្គាំសូត្រខ្សឹបៗ ឬសូត្រដោយនឹកតែក្នុងចិត្ត ។
    វចនានុក្រម សម្ដេចសង្ឃរាជ ជួនណាត
  2. ន កិរិយាខ្សឹប, ដំណើរសូត្រខ្សឹបៗ ឬសូត្រនឹកតែក្នុងចិត្ត ។មានសេចក្ដីតំណាលក្នុងរឿងរ៉ាវពីព្រេងនាយថា ឥសីជប នោះគឺឥសីសូត្ររាយមន្ដអាគមខ្សឹបៗ ឲ្យកើតបានជាអ្វីៗ តាមបំណង ។ បើរៀងភ្ជាប់ពីខាងដើមសព្ទឯទៀត អ. ថ. ជ:ប: ដូចជា ជបក: ( –ក:; សំ. បា. ជបក ) អ្នកជប ។ បើស្ត្រីជា ជបិកា ។ ជបករណ៍ ( –ក; សំ.បា. ជបករណ ) ដំណើរជប, ការជប ។ ជបកម្ម ( –ក័ម ) ដូចគ្នានឹង ជបករណ៍ ។ ជបការ ឬ ជបការក៍ ( –កា; សំ. បា. ជបការក ) ដូចគ្នានឹង ជបក: ។ អ្នកដែលចូលចិត្តតែខាងនិយាយខ្សឹប, មនុស្សហៃខ្សឹប ។ បើស្ត្រីជា ជបការិនី ឬ ជបការិកា ។ ជបនាការ ( –ន៉ាកា ) អាការជប, អាការដែលជប ។ ជបមន្ត ( –មន់ ) មន្ត, អាគមសម្រាប់សូត្របានតែខ្សឹបៗ ឬសូត្រនឹកតែក្នុងចិត្ត ។ ជបមាលា ( – មាលា ) កម្រងសម្រាប់ប្រឡេះសូត្រខ្សឹបៗ ( ផ្គាំ ) ។ ជបលក្ខណ៍ ឬ ជបលក្សណ៍ ( –ល័ក ; បា. ជប + លក្ខណ; សំ. ជប +លក្សណ ឬ ជប + លក្សណ៑ ) នាមកុមារម្នាក់ក្នុងរឿងរាមកេរ្ដិ៍ថាកើតដោយឥសីជប . . . ( ម. ព. ជប និង លក្ខណ, លក្សណ ) ។ ជបសូត្រ ( –សូត; សំ.; បា. ជបសុត្ត ) ផ្គាំ ។ អំបោះចំណងដែលគេសូត្រខ្សបៗ ផ្លុំប្រសិទ្ធីសម្រាប់ចងបង្ការភ័យ ( ប្រើតាមជំនឿអ្នកត្រូវការ ) ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

គោម រារាំង សង្កត់សង្កិន ល្អៀង ស្បូន ប្រា ស្មុគ ម៉េច រណ្ដំ រលឹក ឈ្លោះ ហ្មត់ចត់ ជន់ សម្បក សំណល់ រហាម វន្ត បុញ្ញ លោហៈឆ្លង ពេញវ័យ សីតុណ្ហភាព អាជ្ញាធរមានសមត្ថកិច្ច ភាពធន់ បទទ្វេមាត្រ

Source: Samdech Chuon Nath Khmer dictionary and Khmer lexicons.