Skip to content

ណាស៊ីនិយម

  1. វិទ្យាសាស្ត្រនយោបាយ មនោគមវិជ្ជានយោបាយមួយដែលផ្សារភ្ជាប់ជាមួយគណបក្សសង្គមនិយមជាតិអាល្លឺម៉ង់ ដឹកនាំដោយ អាដុលហ្វ៍ ហ៊ីត្លែរ(Adolf Hitler)។ គណបក្សនេះបានឡើងកាន់អំណាចនៅឆ្នាំ១៩៣៣ និងបានដល់ទីបញ្ចប់នៅឆ្នាំ១៩៤៥ នៅចុងបញ្ចប់នៃសង្គ្រាមលោកលើកទី២។ បញ្ញវន្តជាច្រើនគិតថា ណាស៊ីនិយមគឺជាទម្រង់នយោបាយស្ដាំនិយមជ្រុលបែបហ្វាស៊ីសនិយមនិងប្រកាន់ពូជសាសន៍បែបជីវសាស្ត្រ និងនោគមវិជ្ជាប្រឆាំងនឹងពួកជ្វីហ្វ។ ទស្សនវិជ្ជានៃចលនានេះភាគច្រើនផ្អែកលើគំនិតមួយដែលថា មានតែជាតិសាសន៍អាល្លឺម៉ង់ទេដែលល្អប្រសើរនិងមានសមត្ថភាពដ៏សម្បើមអស្ចារ្យបំផុតជាងជាតិសាសន៍ដទៃទៀត។ ផ្អែកលើទស្សនៈនេះ ការបង្កើតប្រជាជាតិអាល្លឺម៉ង់ដោយឈរលើមូលដ្ឋានជាតិសាសន៍ទៅតាមគំនិតរបស់ហ៊ីត្លែរ មានន័យពីរយ៉ាង ទីមួយ មានន័យថា ប្រជាជាតិអាល្លឺម៉ង់គឺទុកសម្រាប់តែជាតិសាសន៍អាល្លឺម៉ង់តែប៉ុណ្ណោះ ចំណែកឯជាតិសាសន៍ផ្សេងទៀតត្រូវតែកម្ចាត់ចោលដើម្បីបន្សុទ្ធជាតិសាសន៍អាល្លឺម៉ង់។ គំនិតបន្សុទ្ធជាតិសាសន៍នេះហើយ ដែលជាដើមហេតុមួយនាំឱ្យមានការសម្លាប់រង្គាលជនជាតិជ្វីហ្វនៅអាល្លឹម៉ង់និងនៅតាមបណ្ដាប្រទេសស្ថិតក្រោមការកាន់កាប់របស់ហ៊ីត្លែរ នៅក្នុងអំឡុងសង្គ្រាមលោកលើកទី២ ហើយប្រសិនបើហ៊ីត្លែរជាអ្នកឈ្នះសង្គ្រាមលោកលើកទី២វិញ ប្រហែលមិនមែនតែជនជ្វីហ្វមួយទេដែលត្រូវទទួលរងការសម្លាប់រង្គាលផ្ដាច់ពូជ។ ទីពីរ ការបង្កើតប្រជាជាតិអាល្លឺម៉ង់ដោយឈរលើមូលដ្ឋានជាតិសាសន៍ គឺមានន័យថា ព្រំដែនរបស់ប្រទេសអាល្លឺម៉ង់នឹងមិនត្រូវកំណត់តាមលក្ខណៈភូមិសាស្ត្រនោះទេ តែទៅតាមលក្ខណៈជាតិសាសន៍ ឬអាចនិយាយបានម្យ៉ាងទៀតថា នៅទីណាក៏ដោយ ឱ្យតែមានជាតិសាសន៍អាល្លឺម៉ង់រស់នៅទីនោះត្រូវតែជាទឹកដីរបស់អាល្លឺម៉ង់។ ដោយឈរលើគោលគំនិតនេះហើយ ដែលហ៊ីត្លែរបានចូលឈ្លានពានតំបន់ដែលមានប្រជាជនដើមកំណើតអាល្លឺម៉ង់រស់នៅក្នុងប្រទេសឆេកូស្លូវ៉ាគីនិងប៉ូឡូញ ហើយដែលជាឆ្នួនដុតបញ្ឆេះសង្គ្រាមលោកលើកទី២ នៅឆ្នាំ១៩៣៩។
    វិទ្យាសាស្ត្រនយោបាយ

Look up another word in the Khmer Dictionary

More words

ន័យតា វចនតា ផ្នត់ជែក សូរផ្ទុះ ស្រៈកន្លះ បេះបិទ វិរុទ្ធ ពូថៅ វូ បុរេប្រវត្តិវិទ្យា រដ្ឋសហព័ន្ធ ហូម៉ូអេរ៉ិចទូស ស្ដាំនិយម ក្រាដ ឧតុភូតវិទ្យា ឧតុភូត អូវុល ព្រិល ក្លឹប ខ្យល់មូសុង ខ្សែបណ្ដោយគោល សម្ពាធបរិយាកាស ចំណោលផែនទីសាស្ត្រ ប្រទេសដើមកំណើត

Source: Samdech Chuon Nath Khmer dictionary and Khmer lexicons.