តមត្ថំ
[តៈ-មុ័ត-ថាំង]- កិវិ ( បា. < តំ "នោះ" + អត្ថំ "សេចក្តីឬរឿង" > តមត្ថំ "សេចក្តីឬរឿងនោះ" ) មិនទាន់ដាច់ស្រេច, មិនទាន់ប្រាកដ, ស្ទាក់ស្ទើរ ...រឿងនោះដូចជានៅក្នុងតមត្ថំ ខ្ញុំនឹងសម្រេចថាយ៉ាងម៉េចពុំទាន់បាននៅឡើយ, រឿងតមត្ថំ, ដំណើរតមត្ថំ (ពាក្យនេះមានដំណើរជាប់ទាក់ទងមកពីបាលីថា "តមត្ថំ បកាសេន្តោ សត្ថា អាហ " ក្នុងគម្ពីរមហាវេស្សន្តរជាតកប្រែរយបុរាណ ដែលប្រែថា "រីអាថ៌ធម៌ឯណា ពុំទាន់ប្រាកដ បទព្រះបាលីឯណា ពុំទាន់ចែងច្បាស់ លុះព្រះបានត្រាស់ហើយ ព្រះអង្គមានព្រះបន្ទូល សូត្រសានូវបាទ គាថាទាំងឡាយដូច្នេះថា ... " ; បាលីនេះ បើប្រែត្រង់តាមរូបស័ព្ទ បានសេចក្តីយ៉ាងខ្លីថា " ព្រះសាស្តាកាលទ្រង់ប្រកាសនូវសេចក្តីនោះ ព្រះអង្គមានព្រះបន្ទូលដូច្នេះថា ... " តែប៉ុណ្ណោះ, តែអ្នកប្រាជ្ញបុរាណបានពង្រឹកពាក្យប្រែក្នុងសាស្ត្រាប្រែរយនោះឱ្យលើសពីបាលីដូចសេចក្តីខាងលើ ដើម្បីឲ្យងាយស្តាប់, ពាក្យប្រែនេះឯងហើយ ដែលនាំឲ្យអ្នកវប្បធម៌ខ្មែរបុរាណចាប់ច្បុចចុចយកតែពាក្យបាលីឃ្លាខាងដើមថា " តមត្ថំ " នោះមកប្រើជាមេពាក្យមួយ សំដៅន័យថា " មិនទាន់ដាច់ស្រេច, មិនទាន់ប្រាកដ, ... " ដោយយោលយកសេចក្តីតាមពាក្យប្រែនោះឯង) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ក្របែល កុះ សាប៊ូ សម៉ តូង ច្រហោង អាម៉ាស់ ឈើគូស មណ្ឌប អំប៉េះអំប៉ោះ តេះតោះ តនុ តម្រាយ បន្លាច នក្ខត្តឫក្ស ច្រេញច្រុញ រោក ម៉ត់ចត់ តំណិះ ស្ដឺត សុញ ទេវរាជ តោក តៀម
Source: Samdech Chuon Nath Khmer dictionary and Khmer lexicons.