ទន្លេសាប
- ន ឈ្មោះបឹងធំសម្បើមសន្លឹមបាត់ត្រើយស្រដៀងនឹងសមុទ្រ តែមានទឹកសាប ។ ក្នុងកម្ពុជរដ្ឋយើងមានទន្លេសាបមួយនៅខាងទិសពាយព្យក្រុងភ្នំពេញ ជាទីសម្បូរមច្ឆជាតិបំផុតជាងបឹងជាងទន្លេឯទៀតក្នុងលោក ។ បើស្រាវជ្រាវរកដើមកំណើតពាក្យ ទន្លេសាប នេះ គួរយល់ថា សៀមហៅសមុទ្រថា ទះលេ (អ. ថ. ថៈល៉េ ), សាប ខ្មែរថា " មិនប្រៃ", សៀមថា ចឺត (អ. ថ. ជឺត "មិនប្រៃ" ), គួរតែសៀមហៅបឹងធំស្រដៀងនឹងសមុទ្រនេះថា ទះលេចឺត (ថៈល៉េជឺត ) = "សមុទ្រសាប" , មិនដូច្នោះទៅជា ទះលេសាប, ទះលេ ជាពាក្យសៀម, សាប ជាពាក្យខ្មែរ, សៀមថា ទះលេ " សមុទ្រ", ខ្មែរថា ទន្លេ "មហានទី", ទន្លេសាប ថា "ទន្លេមិនប្រៃ" គឺទន្លេមានទឹកសាប, តើមាន ទន្លេប្រៃ នៅឯណាដែរឬទេ? —គ្មានទេ, បើគ្មាន ទន្លេប្រៃទេ ម៉េចក៏មានទន្លេសាប? —បើខ្មែរហៅបឹងធំនោះថា សមុទ្រសាប, សៀមថា ទះលេចឺត យ៉ាងនេះវិញទើបសម ។ ប៉ុន្តែយើងកែពាក្យនេះឲ្យទៅជា សមុទ្រសាប ឬ ទះលេចឺត វិញពុំកើតទេ ព្រោះពាក្យថា ទន្លេសាប នេះមានចុះក្នុងផែនទីលោករួចទៅហើយ, ក្នុងសកលលោកគេស្គាល់ថា ទន្លេសាប ឬ ទះលេសាប អស់ទៅហើយ, ត្រូវតែទុកឲ្យនៅដូចដែល ពុំគួរកែឡើយ ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ធ្លោ សុខចិត្ត លន្លឹម ទន្ត លត់ ព្រួស រលង់ សម្នាក់ ស្វាធ្យាយ ជ្រលម ទំនើង ពាត មាគ៌ មឈូស វក ដង្កោ នក្សត្រ ជំទប់ ផ្ដន្ទា ថ្វីដៃ ជ្រមុជ ជ្រាក ជ្រួត សំបោរ
Source: Samdech Chuon Nath Khmer dictionary and Khmer lexicons.