Skip to content

បដិវត្តន៍វប្បធម៌

  1. វិទ្យាសាស្ត្រនយោបាយ ចលនាមហាអស្ចារ្យរបស់ពលករនៃរបបសាធារណរដ្ឋប្រជាមានិតចិន ដែលត្រូវបានបង្កើតឡើងនៅថ្ងៃទី១៦ ខែឧសភា ឆ្នាំ១៩៦៦ ជាថ្ងៃដែលលោក ម៉ៅ សេទុង បានចុះហត្ថលេខាលើសារាចរណ៍មួយរបស់បក្សកុម្មុយនីស្តចិន អនុញ្ញាតឱ្យមានការបោសសម្អាតក្នុងជួរបក្សប្រឆាំងនឹងអំណាចការិយាល័យនិយមដែលប្រឆំាងនឹងបដិវត្តន៍។ គោលការណ៍ស្វែងរកភាពស្អាតស្អំ ការបោសសម្អាត និងការលាងខួរក្បាល មានចែងក្នុងកូនសៀវភៅក្រហម ដែលក្រោយមកបានក្លាយជាទម្របដិវត្តន៍។ មនោគមវិជ្ជានៃកូនសៀវភៅក្រហមត្រូវបានបង្ហាត់បង្រៀនបញ្ជ្រាបចូលក្នុងខួរក្បាលយុវវ័យចិន ពីអាយុ១៥ ទៅ៣០ឆ្នាំ ឱ្យចងចាំរត់មាត់គ្រប់ៗគ្នាថា «បដិវត្តន៍មិនមែនជាឧក្រិដ្ឋកម្ម បដិវត្តន៍មានហេតុផលជានិច្ច»។ ក្រុមយុវជនឬហៅថា ឆ្មាំក្រហម ដែលបានក្លាយជាកម្លាំងដ៏សកម្ម ងើបធ្វើបដិវត្តន៍ កម្ចាត់រាល់អ្វីៗដែលជានិមិត្តរូបនៃរបបចាស់។ វត្តអារាម ព្រះវិហារ វិមាន រូបសំណាក ឯកសារ សាស្ត្រា ឬសៀវភៅតំណាងវប្បធម៌អរិយធម៌ចាស់ត្រូវបានដុតបំផ្លាញ។ ក្នុងបុព្វហេតុបដិវត្តន៍ បញ្ញាជន បញ្ញវន្ត និងសូម្បីតែថ្នាក់ដឹកនាំជាន់ខ្ពស់ក្នុងបក្សកុម្មុយនីស្តផ្ទាល់ដែលជាប់និន្នាការចាស់ក៏ត្រូវបានជាន់ឈ្លីឬត្រូវបានសម្លាប់។ មនុស្សរាប់លាននាក់ត្រូវបានបញ្ជូនទៅកាន់ជំរំលត់ដំដើម្បីរៀនសូត្រ លាងខួរក្បាលនៅទីជនបទដាច់ស្រយាល ដោយបង្ខំឱ្យធ្វើការជាទម្ងន់ បង្អត់អាហារ និងគ្មានការព្យាបាល។ គោលបំណងសំខាន់បំផុតនៃបដិវត្តន៍នេះគឺដើម្បីពង្រឹងអំណាចផ្ទាល់ខ្លួនរបស់លោក ម៉ៅ សេទុង បន្ទាប់ពីប្រទេសចិនបានជួបការលំបាកខ្លាំង ទាំងផ្នែកនយោបាយនិងសេដ្ឋកិច្ច។ ក្នុងនាមជាប្រមុខបក្ស និងដើម្បីធានាកុំឱ្យមានសត្រូវបៀតបៀនបាន លោក ម៉ៅ សេទុង បានពឹងលើកម្លាំងឆ្មាំក្រហម ដែលមានសៀវភៅក្រហមក្នុងដៃ ប្រមូលផ្ដុំគ្នារាប់លាននាក់ពេញផ្ទៃប្រទេសធ្វើបដិវត្តន៍វប្បធម៌ប្រឆាំងនឹងគំនិតមូលធននិយម ក្នុងគោលបំណងបោសសម្អាតក្នុងជួរបក្ស ដើម្បីឱ្យលោកបានកាន់អំណាចពេញដៃ។
    វិទ្យាសាស្ត្រនយោបាយ

Look up another word in the Khmer Dictionary

More words

ឯកតោ ភ្នាក់ងារការទូត ពន្ធលើមធ្យោបាយដឹកជញ្ជូន គោលនយោបាយការបរទេស ម៉ៅនិយម វៀតមិញ សងសឹក បង្គោលព្រំដែន វិទ្ធង្សនា នយោបាយកុងសង់ស៊ីស លោកសេរី អាកប្បកិរិយានយោបាយ សក្ដិភូមិ បដិវត្តន៍ប្រជាជន បម្រាមគោចរ ភាពអាសន្ន បរិវេណការទូត ប្រព័ន្ធឯកប៉ូល ប្រព័ន្ធទ្វេប៉ូល សមូហភាពនិយម អត្តាធិបតេយ្យ ប្រជាធិបតេយ្យតំណាង ប្រជាធិបតេយ្យផ្ទាល់ ប្រព័ន្ធទ្វេបក្ស

Source: Samdech Chuon Nath Khmer dictionary and Khmer lexicons.