បឋម
[ប៉ៈឋៈម៉ៈ ឬ ប៉ៈឋំ]- គុ ( បា.; សំ. ប្រថម ) ដំបូង, មុន, មុនគេ, ទី១ : គ្រាជាបឋម ។ ពាក្យនេះច្រើនប្រើជាបទសមាសរួមភ្ជាប់ជាមួយនឹងសព្ទដទៃ ដូចជា បឋមកប្ប (ប៉ៈឋំម៉ៈក័ប) ឬ ប្រថមកល្ប (ប្រៈថំម៉ៈក័ល) ន. ( បា. ឬ សំ. ) កប្បឬកល្បដំបូង គឺសម័យដែលទើបនឹងកទឹកកដីជាដំបូង ដែលមានជាប់ដរាបមកដល់សព្វថ្ងៃនេះ ( ម. ព. កប្ប និង កល្ប ផង ) ។ បឋមជ្ឈាន ( ប៉ៈឋៈម័ចឈាន ) ន. ( បា.; សំ. ប្រថមធ្យាន ) ឈានឬធ្យានទី១ ( ម. ព. ឈាន ន. ) ។ បឋមពុទ្ធវចនៈ ( ប៉ៈឋៈម៉ៈពុត-ធៈវៈចៈន៉ៈ ) ន. ( បា. ) ពុទ្ធវចនៈដែលទ្រង់ត្រាស់បន្លឺជាដំបូងបំផុតក្នុងកាលដែលព្រះពុទ្ធទ្រង់ទើបបានត្រាស់ថ្មីៗ ។ បឋមយាម ( ប៉ៈឋំម៉ៈយាម ) ន. ( បា. ) យាមទី១ ( ម. ព. យាម ន. ផង ) ។ បឋមវ័យ ( ប៉ៈឋំម៉ៈវៃ ) ន. ( បា. –វយ ) វ័យទី ១ ( ម. ព. វ័យ ទៀតផង ) ។ បឋមសង្គាយនា ( ប៉ៈឋៈម៉ៈ ឬ ប៉ៈឋំម៉ៈសង់គាយៈនា ) ន. ( បា. ច្រើនប្រើជា បឋមសង្គីតិ ) ការប្រជុំផ្ទៀងរួបរួមធម្មវិន័យព្រះពុទ្ធសាសនាជាដំបូងបំផុត ក្នុងកាលដែលព្រះសក្យមុនីសម្ពុទ្ធ ទ្រង់ចូលបរិនិព្វានទៅបាន ៨៩ ថ្ងៃ . . . ។ បឋមសម្ពោធិ ( ប៉ៈឋៈម៉ៈស័មពោធិ ឬ –ពោត ) ន. ( បា. ) ការទើបបានត្រាស់នៃព្រះសព្វញ្ញុពុទ្ធ ។ ឈ្មោះគម្ពីរនិយាយអំពីប្រវត្តិ (ពង្សាវតារ) នៃព្រះសម្មាសម្ពុទ្ធ។ បឋមហេតុ ( ប៉ៈឋំម៉ៈហែត ) ន. ( បា. បឋម + ហេតុ ) ហេតុដំបូង គឺហេតុដែលកឬផ្តើមឡើងជាដំបូង ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ដួង ប្រឈម បរិបទ នាគា រវិ កាត របារ អាទិភាព ប្រតិបត្តិករ របាយការណ៍ហិរញ្ញវត្ថុ ស្នង គោះ ពង្ស សក្យមុនី ទោល ថៃ ក្រហាយ លយ ញាក់ នាមសព្ទ លូ ជាំ មារយាទ ផែនទី
Source: Samdech Chuon Nath Khmer dictionary and Khmer lexicons.