បទគោព័ទ្ធស្នឹង
- អក្សរសិល្ប៍ បទទ្វេមាត្រដែលមានរង្វាស់កាព្យ ចំណាប់ចួន ចង្វាក់ ដូចបទណាមួយនៃមេកាព្យមូលដ្ឋាន ដោយគ្រាន់តែបន្ថែមព្យាង្គផ្ទួនគ្នារវាងព្យាង្គខាងចុងនៃឃ្លាខាងដើមនិងព្យាង្គខាងដើមនៃឃ្លាបន្ទាប់ក្នុងល្បះនិងឆ្លងល្បះជាបន្តបន្ទាប់។ តាមការសិក្សា បទនេះភាគច្រើនមាននៅក្នុងមេកាព្យមូលដ្ឋាន បទកាកគតិ បទពាក្យ៧ បទពាក្យ៨...។ បទគោព័ទ្ធស្នឹង កាកគតិ ឧ. ប្អូនអើយបងគិត គិតកែវពេកពិត ពិតពុំភ្លាំងភ្លេច ភ្លេចភោជនា នាកាលណាធ្មេច ធ្មេចទៅគិតខ្ទេច ខ្ទេចខ្ទាំក្ដួលក្ដៅ។ ក្ដៅក្ដួលនឹកមិត្ត មិត្តមួលជួបជិត ជិតជាមួយនៅ នៅនែបនិត្យហើយ ហើយម្ដេចបាត់ពៅ ពៅអើយបងក្ដៅ ក្ដៅពន់ពេកក្រៃ។ បទគោព័ទ្ធស្នឹង ពាក្យ៧ ឧ. ប្រាសាទអង្គរគ្រឹះជាតិខ្មែរ ខ្មែរយើងត្រូវតែថែឱ្យគង់ គង់កេរ្តិ៍ដំណែលតផៅពង្ស ពង្សយើងជាវង្សសាងប្រាង្គប្រា។ ប្រាសាទរាប់ពាន់លោកសាងទុក ទុកតទៅមុខតាងសាវតារ ដាដាក់ដាប់ឆ្លាក់ល្អថ្លៃថ្លា ថ្លាថ្កើងអស្ចារ្យដូនតាយើង។ បទគោព័ទ្ធស្នឹង ពាក្យ៨ ឧ. ជនជាតិខ្មែរគួរតែចាំឱ្យច្បាស់ ច្បាស់ជាមិនវិបល្លាសវប្បធម៌ថេរ ថេរវប្បធម៌ជាតិជាតិនៅកេរ កេរពូជខ្មែរក៏ថេររុងរឿងថ្លា។ ថ្លាវប្បធម៌រន្ទឺឮសុសសាយ សាយសព្វកេរ្តិ៍ខ្ចរខ្ចាយគ្រប់ទិសា សាទរនឹងវប្បធម៌អង្គរចារ ចារជាប់ជាសាវតារអស្ចារ្យក្រៃ។អក្សរសិល្ប៍
Look up another word in the Khmer Dictionary
More words
អាស៊ីត អំប៊្រីយ៉ុង ខ្ទឹមស ទ្រមាំង កូនជ្រូក ពងស្វាស សិប្បី មមាច មូសប្លុង សេរ៉ូទីប ហោប៉ៅ តំណាលកថាប្រជាប្រិយ ប្រលោមលោកបុរាណ ត្រែ ផ្ដោះផ្ដង កល្យាណ ការផ្សះផ្សា កន្លះលំហ ឡុកឡាក់ មុំកែង ពហុមុខ ចតុមុខ អថេរចៃដន្យ ខ្សែកោង
Source: Samdech Chuon Nath Khmer dictionary and Khmer lexicons.