បទបន្ទោលកាក
- អក្សរសិល្ប៍ បទកាព្យមួយប្រភេទដែលក្នុង១ល្បះមាន៤ឃ្លា ឃ្លាទី១មាន៤ព្យាង្គ ឃ្លាទី២មាន៦ព្យាង្គ ឃ្លាទី៣មាន៤ព្យាង្គ និងឃ្លាទី៤មាន៦ព្យាង្គ។ ពាក្យ បន្ទោលកាក ប្រហែលជាក្លាយមកពីពាក្យមណ្ឌុកដ/មណ្ឌុកគតិ ដែលមានន័យថា កង្កែបលោត។ គេប្រើបទនេះ សម្រាប់បរិយាកាសឆ្លើយឆ្លងគ្នា ដៀមដាមដាក់គ្នា សាសងគ្នា ជួនកាលគេក៏អាចប្រើសម្រាប់ការផ្ដាំផ្ញើផងដែរ។ គេសូត្របទនេះ ដោយទម្លាក់សំឡេងលើព្យាង្គទី២ ចំពោះឃ្លាដែលមាន៤ព្យាង្គ និងទម្លាក់សំឡេងលើព្យាង្គទី២និងទី៤ ចំពោះឃ្លាដែលមាន៦ព្យាង្គ។ ចំណាប់ចួន ឧ. (...) ថ្លែងម្ល៉ោះគ្រុឌា ម្នីម្នារផ្លោះហោះប្រញាប់ ហើរទៅឆាប់ៗ ទៅប្រាប់ឥន្ទ្រីនោះហោង។ ដល់ហើយពុំលង់ ឯក្រុងឥន្ទ្រីច្បាស់ច្បង ឃើញក្លើហើយហោង ឥន្ទ្រីផងម្នីម្នាអរ។ (...) (...) ស្ដេចមានធុរៈ ដូចអញប្រាប់អ្នកមុននៃ នេះណាឆាប់ក្រៃ មកពឹងអស់ឰគ្រុឌា។ ច្នេះគ្នាយើងអើយ កុំថាអ្វីឡើយរាល់គ្នា ចូរអស់បរិពារ ទៅជួយរាជការនេះម្ដង។ (...) កំណត់សម្គាល់ បើចំណាប់ចួនត្រង់ព្យាង្គទី២ ត្រូវឱ្យចួននឹងព្យាង្គទី២រហូត។ បើចួនត្រង់ព្យាង្គទី៤ ត្រូវឱ្យចួននឹងព្យាង្គទី៤រហូត។អក្សរសិល្ប៍
Look up another word in the Khmer Dictionary
More words
ជំងឺគោឆ្កួត ប្រ៊ុយសែឡូស ត្រឡាចស្រូវ បរាសិតក្នុង មធុវប្បកម្ម មំសាហារសត្វ រុក្ខវិទ្យា កាព្យវីណកថា កាព្យវីណភេទ កាព្យវីរភេទ កាព្យសារភេទ កាព្យស្នេហា បទរលកយោលយាវ មូលបញ្ហារឿង កាតាលីសកម្ម ការីឡាប្លាស ចំណុចចតុភាគ ចំនួនគត់សេស ចំនួនសនិទាន ចតុមុខនិយ័ត ទម្រង់ប៉ូលែ ភវនីយវិទ្យា ផ្ចិតរង្វង់ ពហុកោណនិយ័ត
Source: Samdech Chuon Nath Khmer dictionary and Khmer lexicons.