Skip to content

បទពស់លេបកន្ទុយ

  1. អក្សរសិល្ប៍ បទទ្វេមាត្រដែលមានរង្វាស់កាព្យ ចំណាប់ចួន ចង្វាក់ ដូចបទណាមួយនៃមេកាព្យមូលដ្ឋាន ប្លែកត្រង់កវីសរសេរតែពីរឃ្លាប៉ុណ្ណោះ (ឃ្លាទី១និងឃ្លាទី២) ក្នុងមួយល្បះ ហើយបន្ថែមចំណុចរាយ (...) ប៉ុន្តែពេលអាន ត្រូវអាន៤ឃ្លាក្នុងមួយល្បះ គឺអានឃ្លាទី២ធ្វើជាឃ្លាទី៣ និងអានឃ្លាទី១ធ្វើជាឃ្លាទី៤។ បទនេះ ប្រើបានតែចំពោះបទណាដែលក្នុងមួយល្បះមាន៤ឃ្លាប៉ុណ្ណោះ។ តាមការសិក្សា បទនេះភាគច្រើនឃើញមាននៅក្នុងមេកាព្យមូលដ្ឋានពាក្យ៧ និងពាក្យ៩ដូចតទៅ។ បទពស់លេបកន្ទុយ ពាក្យ៧ អូនកុំអន់ចិត្តត្បិតយើងក្រ ធ្វើល្អបានល្អណាមាសម៉ុម ...។ អូនកុំអន់ចិត្តត្បិតយើងក្រ ធ្វើល្អបានល្អណាមាសម៉ុម ធ្វើល្អបានល្អណាមាសម៉ុម អូនកុំអន់ចិត្តត្បិតយើងក្រ។ បទពស់លេបកន្ទុយ ពាក្យ៩ ស៊ឹករឡែនសែនរលឹកនឹកវរមិត្រ បិទភ្នែកជិតដិតរូបម៉ុមទុក្ខអួលណែន ...។ កាកលំប៊ិតគិតលំបាកចាកសយនា ព្រោះកនិដ្ឋាចារសាវរីយ៍ញីគំនិត ...។ តឹងឱរាតាឱរ៉ឹងប្រឹងមិនចង់ មិនជាតក្លង់មិនចង់ឃ្លាតពៅជីវ៉ា …។ -ស៊ឹករឡែនសែនរលឹកនឹកវរមិត្រ បិទភ្នែកជិតដិតរូបម៉ុមទុក្ខអួលណែន បិទភ្នែកជិតដិតរូបម៉ុមទុក្ខអួលណែន ស៊ឹករឡែនសែនរលឹកនឹកវរមិត្រ។ -កាកលំបិតគិតលំបាកចាកសយនា ព្រោះកនិដ្ឋាចារសាវរីយ៍ញីគំនិត ព្រោះកនិដ្ឋាចារសាវរីយ៍ញីគំនិត កាកលំបិតគិតលំបាកចាកសយនា។ -តឹងឱរាតាឱរ៉ឹងប្រឹងមិនចង់ មិនជាក្លង់មិនចង់ឃ្លាតពៅជីវ៉ា មិនជាក្លង់មិនចង់ឃ្លាតពៅជីវ៉ា តឹងឱរាតាឱរ៉ឹងប្រឹងមិនចង់។
    អក្សរសិល្ប៍

Look up another word in the Khmer Dictionary

More words

នវកម្ម បទកង្កែបលោតកណ្ដាលស្រះ បទកង្កែបលោតលើគោក បទកង្កែបលោតស្លាក់ពេជ្រ បទក្របចក្រវាឡ ក្លុំ បទថយក្រោយ មេកាព្យ បទបថ្យាវត្ត បរាភវសូត្រ ច្បាស់ច្បង បទផ្កាឈូករីក ពពេច កុណី ចម្រៀងប្រជាប្រិយ ព្រហ្មគីតិ ក្ដុងក្ដាំង ប្រយែង បទអក្សរសង្វាស គំនូសតាង ប្រធានវិស័យនិយម ប្រលោមលោកទំនើប បន្ទាយលង្វែក ក្ងង់

Source: Samdech Chuon Nath Khmer dictionary and Khmer lexicons.