បទពាក្យ៨
- អក្សរសិល្ប៍ បទកាព្យមួយប្រភេទ ដែលក្នុង១ល្បះមាន៤ឃ្លា ក្នុង១ឃ្លាមាន៨ព្យាង្គ។ គេប្រើបទនេះនៅគ្រប់បរិយាកាសទាំងអស់។ គេសូត្របទនេះ ដោយទម្លាក់សំឡេងលើព្យាង្គទី៣ និងទី៥ គ្រប់ឃ្លា។ ចំណាប់ចួន មានបីបែប បែបទី១ ឧ. មកដោយសេចក្ដីគិតមានអាល័យ ដែលអាឡោះនឹកថ្លៃសោកសែនសល់ ហើយសែនណែនទ្រូងខ្ញុំទ្រាំទុក្ខទល់ ទ្រាំទុក្ខទៀបដាច់ខ្យល់ខ្ចាត់ពីកាយ។ ពីកើតមករៀមមិនដែលទុក្ខដូច្នឹង ទុក្ខដូច្នេះសមនឹងទ្រូងប្រេះខ្ចាយ ទ្រូងបែកខ្ចាត់បាត់ជន្មចេញពីកាយ ទុក្ខក្រំផ្សាពុំរសាយសាន្តទុក្ខា។ បែបទី២ ឧ. -ប្រាសាទកំពូលប្រាំខ្ពស់ត្រដែត ល្អហួសហេតុលើសលប់ភពលោកា គ្មានជនជាតិណាមួយក្នុងទ្វីបា ស្ថាបនាឱ្យបានដូចអង្គរ។ យើងជាខ្មែរគ្រប់រូបមានអំនួត លើកស្ទួយអួតបង្ហាញមិនភូតភរ ដល់ជនជាតិនានាគ្រប់នគរ ឮល្បីខ្ទរពាសពេញទាំងទ្វីបា។ - សូមកំណត់កត់កំណាព្យបែបកំណាន់ គិតប្រកាន់ប្រាកដបទប្រាំបី មិនពិរំពុំពីរោះខ្ពស់សំដី ព្រោះចេះថ្មីខ្ចីសារសព្ទវាទី។ នឹងសូមចែងថ្លាថ្លែងពីក្រុងក្រៃ នាមព្រះត្រៃបុរីរាជធានី នៅជ្រុងព្រៃប្របនៃអរញ្ញី មានគិរីរៀបរិមហិមពាន្ត។ (...) បែបទី៣ ឧ. គេងឹតពាក់វ៉ែនតាមើលឃើញច្បាស់ ផ្ទុយស្រឡះឯងងឹតងឹតសូន្យសុង ពាក់វ៉ែនតាហើយងឹតងឹតជិតស្លុង ភាពងឹតមាននៅក្នុងងឹតពេកក្រៃ។ ងឹតនេះចំតួងឹតអវិជ្ជា វេទនាមិនភ្លឺងឹតទាំងថ្ងៃ ងឹតមិនចេះអក្សរងឹតចង្រៃ រោគឧត្បាតព្រៃផ្សៃកើតព្រោះងឹត។អក្សរសិល្ប៍
Look up another word in the Khmer Dictionary
More words
លំហូរឈាម វដ្ដរដូវ អេម៉ាតូម ការក្លូន ជីរតាំងឱ ជីរបន្លា ធូបនកម្ម ផ្អកស្មៅ វនវិទ្យា បទជាប់ទង បទពាក្យ៦ បទពាក្យ៧ បទពាក្យ៩ បទអឺយរ៉ា ប្រភពរឿង ព្រេងកថា ករណីស្រប កាឌីណាល់ ខ្នាតគូប ចំនួនបឋម ទ្រឹស្តី ភវនីយភាព មុំបំពេញ មុំស្រួច
Source: Samdech Chuon Nath Khmer dictionary and Khmer lexicons.