បទ ក ខ
- អក្សរសិល្ប៍ បទទ្វេមាត្រដែលមានរង្វាស់កាព្យ ចំណាប់ចួន ចង្វាក់ ដូចបទណាមួយនៃមេកាព្យមូលដ្ឋាន ដោយគ្រាន់តែប្រើព្យញ្ជនៈតាមលំដាប់អក្ខរក្រម(ពី ក ខ គ ឃ ង រហូតដល់ ឡ អ )ជាព្យាង្គដើមនៃឃ្លានីមួយៗ ហើយព្យាង្គទី២ជាព្យាង្គរណ្ដំនឹងព្យាង្គទី១ គ្រប់ឃ្លាទាំងអស់។ តាមការសិក្សា បទនេះភាគច្រើនឃើញមាននៅក្នុងមេកាព្យមូលដ្ឋានពាក្យ៧ ដូចតទៅ។ បទ ក ខ ពាក្យ៧ ឧ. ក កើតជាមនុស្សក្នុងលោកិយ ខ ខំឃ្មាតខ្មីរករៀនធ្វើ គ គិតឱ្យគ្រប់សព្វអន្លើ ឃ ឃើញអំពើពេញជាមនុស្ស។ ង ងាកឆ្វេងស្ដាំមើលគេឯង ច ចេះចាត់ចែងបែងឱ្យធ្លុះ ឆ ឆើតកើតការយ៉ាងណានោះ ជ ជាតិជាមនុស្សឱ្យដូចគេ។ ឈ ឈានជើងដើរគិតជញ្ជឹង ញ ញើតវិលវឹងបើទំនេរ ដ ដើរទៅណាឥតការទេ ឋ ឋិតឋានថេររៀបចំផ្ទះ។ ឌ ឌិនអង្កាំមាសកែវកង ឍ ធនធានផងបើមានខ្លះ ណ ណាៗល្អកុំប្រើណាស់ ត តិចទុកផ្លាស់ប្ដូរម្ដងៗ។ ថ ថប់ចំប្រប់ចំពោះពាល ទ ទើបមិនរាលរោលសៅហ្មង ធ ធៀបពួកពាលដូចពស់ផង ន នឹកប៉ុនប៉ងចៀសឱ្យឆ្ងាយ។ ប បើមនុស្សល្អមានធម៌ពិត ផ ផុតគំនិតពាលទាំងឡាយ ព ពួកនោះគួរគិតផ្ញើកាយ ភ ភឿនជិតឆ្ងាយអែបឱ្យស្និទ្ធ។ ម មានចំណង់ចង់កើតការ យ យល់យ៉ាងណាធ្វើឱ្យល្អិត រ រកប្រយោជន៍ជាកម្រិត ល លុះដូចចិត្តចាំគិតថ្មី។ វ វាងចៀសចាយបង្អួតគេ ស សំចៃគ្នេរក្រែងក្រក្រី ហ ហិនហោចទ្រព្យជាប់ចេះខ្ចី ឡ អ ឡើងអីបីជាបួន។អក្សរសិល្ប៍
Look up another word in the Khmer Dictionary
More words
ស្ប៉ុត លីប៉ូម ដំបៅងា នោមឈាម នោមតិច ឌីសួរី ភាពជាំ អាប់សែ ទាចទឹក ភ្រូណា សន្តាន ឋានរឿង មាលីបទ កំណញើស ខួបគោល ទ្វេធា បកាសន៍ ពហុគុណ មិល្លី មុំទាល មុំរាប វិធីដក ការផើម គោសាច់
Source: Samdech Chuon Nath Khmer dictionary and Khmer lexicons.