Skip to content

បន្លា

[បន់-ល៉ា]
  1. ន រុក្ខាវយវៈស្រួចមុតរបស់ឈើ, ឫស្សី, ផ្ដៅ, វល្លិពួកខ្លះជាដើម : បន្លាក្រសាំង, បន្លាល្វៀង ។ ពុទ្ធភាសិតថា កណ្តកេន កណ្តកុទ្ធរណំ "ជោះបន្លាដោយបន្លា" ។ ខ្មែរបុរាណបានយកពុទ្ធភាសិតនេះជាគោលមកចងក្រងជាភាសិតថា បន្លាមុតយកបន្លាជោះ, សេះដាច់ជិះសេះតាម ។ អត្ថន័យរបស់ភាសិតនេះ មានដើមថា "ចិត្តជាប់ជំពាក់នឹងរូបថាល្អថាស្អាត, ត្រូវយកការរំពឹងពិចារណាឲ្យឃើញតាមការណ៍ពិតថា រូបជាបដិកូលមិនល្អមិនស្អាតទៅវិញ ព្រោះសុទ្ធសឹងតែគ្រឿងឆ្អេះឆ្អាបស្អុយពេញទាំងខ្លួន"; ជនជាតិបរទេសណាគ្របសង្កត់ដោយមុខរបរជំនួញក្នុងប្រទេសណា, ជនក្នុងប្រទេសនោះត្រូវខំប្រឹងរៀនអក្សរនិងភាសានៃជនបរទេសនោះឲ្យចេះស្ទាត់ជំនាញ ទាំងត្រូវរៀនពិធីធ្វើជំនួញឲ្យចេះស្ទាត់ជំនាញផងដែរ...; យ៉ាងនេះឯងហៅថា បន្លាមុតយកបន្លាជោះ, សេះដាច់ជិះសេះតាម ។ ព. ប្រ. បន្លាក្នុងភូមិ គឺមានមនុស្សកាចអាក្រក់នៅក្នុងភូមិជាមួយ ។ ល ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ព្រួយ ជូរ ស្ងប់ នាវា ទទឹង ចៀស កម្រ នេសាទ សុខភាព លី លិខិតបទដ្ឋានគតិយុត្ត គាប់ ប្រញាប់ ក្រម រម្យ អឺរ៉ុប សូរសព្ទ កថា សព បក់ ជួរ សៀវភៅ ស្គរ ទ្រង់ទ្រាយ

Source: Samdech Chuon Nath Khmer dictionary and Khmer lexicons.