Skip to content

បបែល

  1. ន ឈ្មោះមច្ឆជាតិពួកមួយមានរូបមូល នៅមាត់ខាងក្រោម មានជាយគ្រែងជុំវិញ កន្ទុយវែង ស្បែករឹងគគ្រាត, បើស្ងួតក្រៀម ប្រើការរូសឈើបាន។ បបែលមានច្រើនបែបគឺ បបែលកូនមាន់ មាត្រតូចល្មមរាងមូល; បបែលភ្នែកលៀន មាត្រនិងរាងដូចបបែលកូនមាន់តែភ្នែកលៀន; បបែលរុយ ទ្រង់ទ្រាយដូចគ្នា តែមាត្រធំជាង មានផ្កាយខ្មៅៗ; បបែលត្រី ទ្រង់ទ្រាយនិងមាត្រស្រដៀងគ្នា តែខ្លួនសម្បុរស; បបែលទង់ រាងនិងមាត្រប្រហែលគ្នានឹងបបែលត្រីដែរតែកន្ទុយមានពណ៌ស-ក្រហមដូចជាទង់ជាតិ; បបែលអក ទ្រង់ទ្រាយខុសពីបបែលទាំងប៉ុន្មានខាងលើនេះ គឺខ្លួនខ្លី ជាយគ្រែងមានសណ្ឋានជាស្លាបដូចស្លាបសត្វបក្សី កន្ទុយវែងសម្បុរខ្មៅមានផ្កាយ-ស; បបែលខ្លែង ដូចបបែលអក តែខ្លួនស្តើងកន្ទុយវែង; បបែលខ្លា មាត្រធំទម្ងន់ដល់ទៅមួយរយគីឡូក្រាមក៏មាន សម្បុរដូចខ្លាសុទ្ធសាធ; បបែលក្របី ដូចបបែលអក តែមាត់វែង; បបែលរលួស មាត្រធំខ្លួនមានបន្លាដូចបន្លារលួស; បបែលស្លឹក ខ្លួនស្ដើងដូចស្លឹក ជាយគ្រែងវែងកន្ទុយវែង; បបែលខ្យល់ ស្រដៀងនឹងបបែលកូនមាន់ តែខ្លួនមានផ្កាយខៀវក្រហមសណ្ឋានដូចផ្កា; បបែលសេះ ដូចបបែលអក តែក្បាលដូចក្បាលសេះ; បបែលត្រោក មាត្រធំសម្បុរក្រហម មានជាយត្រង់ចុងកន្ទុយ; បបែលភក់ ទ្រង់ទ្រាយដូចបបែលត្រី តែខ្លួននិងពោះមានសម្បុរខ្មៅ ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ហ៊ុន ប្រាស្រ័យ ចំណេរ រាន ជូត គន្លឹះ ភ័ស្តុ ផត រលុប តក់ស្លុត ប្រមុខរដ្ឋ សង្វាត រអិល សៀមរាប ផ្កាប់ ធ្យូង គម្រប ប្រហើរ ខេ ខ្វាក់ ខាត់ មួ រង្វាល់ បញ្ញត្ត

Source: Samdech Chuon Nath Khmer dictionary and Khmer lexicons.