បុគ្គលដែលត្រូវផ្លាស់ប្ដូរក្នុងសាជីវកម្មតែមួយ
- <p>វាក្យសព្ទនេះមាននិយមន័យច្រើន ដូចខាងក្រោម៖</p><br><p>១. រូបវន្តបុគ្គលដែលបម្រើការងារឱ្យនីតិបុគ្គលណាមួយនៃប្រទេសសមាជិកផ្សេងទៀតក្នុងរយៈពេលមិនតិចជាង ០១ ឆ្នាំ ហើយជាបុគ្គលដែលមានបំណងចូលមកជាបណ្ដោះអាសន្ន ដើម្បីផ្តល់សេវាកម្មតាមរយៈ សាខាតំណាង ក្រុមហ៊ុនបុត្រសម្ព័ន្ធ និងក្រុមហ៊ុនសាខា នៅក្នុងព្រះរាជាណាចក្រកម្ពុជា ហើយបុគ្គលនោះគឺជា៖</p><br><p>a) នាយកប្រតិបត្តិ៖ ដោយពុំមានការតម្រូវឱ្យអនុលោមនឹងការធ្វើតេស្តទីផ្សារពលកម្ម ជាបុគ្គលក្នុងអង្គភាពមួយ ដែលមានភារកិច្ចចម្បងដឹកនាំការគ្រប់គ្រងអង្គភាព ដែលអនុវត្តសេរីភាពនៃការសម្រេចចិត្តទូលំទូលាយ និងទទួលការគ្រប់គ្រងជាទូទៅ ឬទិសដៅពីនាយកប្រតិបត្តិជាន់ខ្ពស់ ក្រុមប្រឹក្សាភិបាល ឬម្ចាស់ភាគហ៊ុនពាណិជ្ជកម្មតែប៉ុណ្ណោះ។ នាយកប្រតិបត្តិមិនបំពេញការងារដោយផ្ទាល់ទាក់ទងនឹងការផ្តល់សេវាកម្មមួយ ឬសេវាកម្មច្រើនរបស់អង្គភាពឡើយ។</p><br><p>b) អ្នកគ្រប់គ្រង៖ ដោយពុំមានការតម្រូវឱ្យអនុលោមនឹងការធ្វើតេស្តទីផ្សារពលកម្ម ជារូបវន្តបុគ្គលដែលបម្រើការងារឱ្យនីតិបុគ្គលមួយ ព្រមទាំងជាអ្នកដែលមានចំណេះដឹងកម្រិតខ្ពស់លើជំនាញ ឬមានចំណេះដឹងពាក់ព័ន្ធនឹងការសម្ងាត់វិជ្ជាជីវៈនៃផលិតផលសេវាកម្ម ការស្រាវជ្រាវគ្រឿងបរិក្ខារបច្ចេកទេស ឬការគ្រប់គ្រងរបស់នីតិបុគ្គល និងជាអ្នកដែលដឹកនាំអង្គភាព ឬផ្នែកណាមួយនៃអង្គភាពគ្រប់គ្រងនិងត្រួតពិនិត្យកិច្ចការរបស់ប្រធានផ្នែកផ្សេងៗ បុគ្គលិកជំនាញ ឬបុគ្គលិកផ្នែកគ្រប់គ្រងផ្សេងទៀត មានអំណាចក្នុងការជួល និងការបញ្ឈប់ការងារ ឬផ្តល់ជាអនុសាសន៍ចំពោះការជួល ការបញ្ឈប់ការងារ ឬចំណាត់ការបុគ្គលិកផ្សេងៗ និងអនុវត្តនូវអំណាចឆន្ទានុសិទ្ធិចំពោះប្រតិបត្តិការនានាប្រចាំថ្ងៃ។ អ្នកគ្រប់គ្រងមិនរាប់បញ្ចូលឋានៈប្រធានក្រុមឡើយ លុះត្រាតែបុគ្គលិកដែលស្ថិតក្រោមបង្គាប់ជាអ្នកមានជំនាញវិជ្ជាជីវៈ ហើយក៏មិនរាប់បញ្ចូលបុគ្គលិកដែលជាទូទៅបំពេញកិច្ចការចាំបាច់នានា សម្រាប់ការផ្គត់ផ្គង់សេវាកម្មផងដែរ។</p><br><p>c) អ្នកឯកទេស៖ សំដៅលើរូបវន្តបុគ្គលនៅក្នុងអង្គភាពមួយ ដែលមានចំណេះដឹងក្នុងកម្រិតឯកទេសជាន់ខ្ពស់ ហើយជាអ្នកមានចំណេះដឹងពាក់ព័ន្ធនឹងការសម្ងាត់វិជ្ជាជីវៈនៃសេវាកម្មបរិក្ខារស្រាវជ្រាវ បច្ចេកទេស ឬការគ្រប់គ្រង។</p><br><p>រូបវន្តបុគ្គលដែលត្រូវបានចាត់ចូលក្នុងប្រភេទបុគ្គលដែលត្រូវផ្លាស់ប្ដូរក្នុងសាជីវកម្មតែមួយតម្រូវឱ្យមានទិដ្ឋាការស្នាក់នៅបណ្ដោះអាសន្ន និងបណ្ណការងារ។ ការអនុញ្ញាតទាំងនេះមានសុពលភាពរយៈពេលពីរឆ្នាំ ហើយអាចធ្វើឡើងវិញជារៀងរាល់ឆ្នាំរហូតសរុបរយៈពេលជាអតិបរមាប្រាំឆ្នាំ។</p><br><p>២. ស្ថិតក្នុងបរិបទនៃការចូលមក និងការស្នាក់នៅជាបណ្ដោះអាសន្នរបស់រូបវន្តបុគ្គលនៃភាគីផ្សេងទៀតនៅក្នុងដែនដីនៃរដ្ឋសមាជិកអាស៊ានណាមួយ រូបវន្តបុគ្គលដែលជានិយោជិតរបស់នីតិបុគ្គលមួយដែលបានបង្កើតឡើងនៅក្នុងដែនដីនៃភាគីផ្សេងទៀត ហើយដែលត្រូវបានផ្ទេរមកជាបណ្ដោះអាសន្ន ដើម្បីផ្គត់ផ្គង់សេវាកម្មតាមរយៈវត្តមានពាណិជ្ជកម្ម (តាមរយៈការិយាល័យតំណាង សាខា ក្រុមហ៊ុនសាខា ឬក្រុមហ៊ុនបុត្រសម្ព័ន្ធ) នៅក្នុងដែនដីនៃរដ្ឋសមាជិកអាស៊ាននោះ និងជានិយោជិតរបស់នីតិបុគ្គលក្នុងរយៈពេលដូចបានបញ្ជាក់ក្នុងលក្ខខណ្ឌកំណត់នៃការសន្យាជាក់លាក់ ដូចមានចែងក្នុងឧបសម្ព័ន្ធ៩ និងជា៖</p><br><p>(i) “នាយកប្រតិបត្តិ” ជារូបវន្តបុគ្គលនៅក្នុងអង្គភាពដែលមានភារកិច្ចចម្បងដឹកនាំការគ្រប់គ្រងអង្គភាពជាចម្បង ដែលអនុវត្តសេរីភាពនៃការសម្រេចចិត្តទូលំទូលាយ ដោយទទួលការគ្រប់គ្រងជាទូទៅនិងទិសដៅពីនាយកប្រតិបត្តិជាន់ខ្ពស់ ក្រុមប្រឹក្សាភិបាល ឬម្ចាស់ភាគហ៊ុនពាណិជ្ជកម្មប៉ុណ្ណោះ នាយកប្រតិបត្តិមិនបំពេញការងារដោយផ្ទាល់ទាក់ទងទៅនឹងការផ្ដល់សេវាកម្មមួយ ឬសេវាកម្មច្រើនរបស់អង្គភាពឡើយ</p><br><p>(ii) “អ្នកគ្រប់គ្រង” ជារូបវន្តបុគ្គលនៅក្នុងអង្គភាព ដែលមានភារកិច្ចចម្បងដឹកនាំអង្គភាព/នាយកដ្ឋាន/ផ្នែកមួយៗ ហើយអនុវត្តមុខងារត្រួតពិនិត្យនិងគ្រប់គ្រងលើអ្នកគ្រប់គ្រងផ្សេងទៀត ឬបុគ្គលិកជំនាញ។ អ្នកគ្រប់គ្រងមិនរាប់បញ្ចូលអ្នកគ្រប់គ្រងជួរមុខលើកលែងតែនិយោជិតដែលស្ថិតក្រោមបង្គាប់គឺជាអ្នកជំនាញ ហើយអ្នកគ្រប់គ្រងមិនរាប់បញ្ចូលនិយោជិតដែលបំពេញការងារជាចម្បងចាំបាច់សម្រាប់ការផ្ដល់សេវាឡើយ ឬ</p><br><p>(iii) “អ្នកឯកទេស” ជារូបវន្តបុគ្គលនៅក្នុងអង្គភាពមួយ ដែលមានចំណេះដឹងក្នុងកម្រិតឯកទេសជាន់ខ្ពស់ ដែលចាំបាច់ដើម្បីបង្កើត ឬផ្ដល់សេវាកម្ម និង/ឬមានចំណេះដឹងចាំបាច់លើសេវាកម្ម បរិក្ខារស្រាវជ្រាវ បច្ចេកទេស ឬការគ្រប់គ្រងរបស់អង្គភាព ហើយអាចរួមបញ្ចូលទាំងប៉ុន្តែមិនកំណត់ចំពោះសមាជិកអ្នកឯកទេសដែលមានអាជ្ញាបណ្ណ និងស្ថិតក្នុងបរិបទនៃការចូលមកនិងការស្នាក់នៅបណ្ដោះអាសន្នរបស់រូបវន្តបុគ្គលនៃរដ្ឋសមាជិកអាស៊ានក្នុងដែនដីនៃប្រទេសជប៉ុន សកម្មភាពរបស់បុគ្គលដែលត្រូវផ្លាស់ប្ដូរក្នុងសាជីវកម្មតែមួយដែលត្រូវបានអនុញ្ញាតឱ្យស្នាក់នៅក្នុងដែនដីប្រទេសជប៉ុន ត្រូវបានពិពណ៌នានៅក្នុងលក្ខខណ្ឌកំណត់នានានៃការសន្យាជាក់លាក់ដូចមានចែងក្នុងឧបសម្ព័ន្ធ៩។</p>សទ្ទានុក្រមគតិយុត្ត MEF
Look up another word in the Khmer Dictionary
More words
លក្ខខណៈវិនិច្ឆ័យមូលដ្ឋាន-Threshold Criteria លក្ខន្តិកៈក្រុមហ៊ុន-Articles of Association លទ្ធភាពទទួលយកនៃទីផ្សារ-Market Acceptability ការវាយតម្លៃមុនការអនុវត្ត-Ex-Ante Evaluation ស្តាត១(សន្ធិសញ្ញាកាត់បន្ថយអាវុធយុទ្ធសាស្ត្រ) ការដឹកជញ្ជូនផល ផលិតផលជលផលជាលក្ខណៈពាណិជ្ជកម្ម ការត្រួតពិនិត្យផ្ទៀងផ្ទាត់ក្នុងពេលប្រើប្រាស់ កាលបរិច្ឆេទនៃលិខិតស្នាម ឬលិខិតជូនដំណឹងផ្សេងៗ គម្រោងថវិការបស់រដ្ឋបាលថ្នាក់ក្រោមជាតិទាំងអស់ ចំណាយតម្រូវឱ្យអនុវត្តនីតិវិធីលទ្ធកម្មសាធារណៈ តាវកាលិកថែទាំសុខភាព/តាវកាលិកផ្នែកថែទាំសុខភាព ទីស្នាក់ការត្រួតពិនិត្យច្រកទ្វារតំបន់ព្រំដែន ប្រតិបត្តិករសេដ្ឋកិច្ចដែលត្រូវបានផ្ដល់សិទ្ធិ ប្រភេទឈើដែលប្រជាជនមូលដ្ឋានចោះយកជ័រតាមប្រពៃណី ផលិតផលថ្នាំកសិកម្មលាយផ្សំមានគ្រោះថ្នាក់ខ្ពស់ វិញ្ញាបនបត្រភូតគាមអនាម័យសម្រាប់បន្តការនាំចេញ អាជីវកម្ម សេវាកម្មថតរូប ផ្ដិតរូប និងថតវីដេអូ ការបិទបញ្ចប់ផ្នែកហិរញ្ញវត្ថុ-Financial Close កិច្ចលទ្ធកម្មប្រពៃណី-Traditional Procurement ទីប្រឹក្សាអន្តរជាតិ-International Consultant បញ្ជីទិន្នន័យសំណើដេញថ្លៃ-Proposal Data Sheet វិញ្ញាបនបត្រអនុលោមភាព-Compliance Certificate ហានិភ័យនៃការបញ្ចប់ការសាងសង់-Completion Risks អ្នកតំណាងពេញសិទ្ធិ-Authorized Representative
Source: Samdech Chuon Nath Khmer dictionary and Khmer lexicons.