Skip to content

បូង៉ា

  1. វប្បធម៌និងវិចិត្រសិល្បៈ ពាក្យកម្ចីពីភាសាឥណ្ឌូណេស៊ី មានន័យថា ផ្កា។ គេប្រទះឃើញមានប្រើពាក្យនេះនៅក្នុងទំនុកច្រៀងរបាំអប្សរានៃល្បះទី២«(...) នឹងធ្វើបូង៉ា(២ដង)ច្រើនចំនួន ដាក់ខាងជិតខ្លួន ទីសយនា ...»។ ធ្វើ«បូង៉ា» សំដៅរបៀបធ្វើផ្កាបីបែបគឺ ១- ផ្កាស្រស់ខ្ចប់ស្លឹកចេកដែលគេកេវជាកន្ទោង រាងសាជីដាក់ផ្កាសម្រាប់ស្រង់ក្លិន។ កន្ទោងនោះជួនគេទុកចំហមាត់ ជួនគេបិទមាត់ឱ្យជិតហើយកាត់ចុងត្រង់កំពូលស្រួចបន្តិច។ ២- ផ្កាសម្រាប់ខ្ចប់ដោយស្បៃ ស្ត្រីខ្មែរជំនាន់ដើមនិយមខ្ចប់អប់ផ្កានឹងស្បៃដែលជាក្រណាត់ស្ដើងប៉ើងរ៉ើងៗសម្រាប់កាន់ដើរឬដាក់ក្បាលដំណេកសម្រាប់ស្រង់ក្លិន។ ផ្កាស្រស់ដែលគេចូលចិត្តខ្ចប់អប់ ច្រើនជាផ្កាម្លិះ ផ្កាកុលាប ផ្កាចម្ប៉ាក្រហម ផ្កាក្រពេន ផ្កាក្ដាំងងា...។ ចំពោះផ្កាក្ដាំងងា បើចង់អប់ឱ្យចេញក្លិនក្រអូបខ្លាំងមុតឆួល គេច្រើនយកទៅរោលភ្លើងទៀនសិន។ ៣- ផ្កាសម្រាប់ដាក់ជូនសព គេយកផ្កាក្រៀមមកខ្ចប់នឹងស្បៃពណ៌ស ហើយក្របួចចងបូពណ៌ខ្មៅ រាងជាដុំមូល។
    វប្បធម៌និងវិចិត្រសិល្បៈ

Look up another word in the Khmer Dictionary

More words

ម៉ូឌុល ប្រជាសាស្ត្រ វាលស្មោង បាយ័ន កងទងឈូក សំពត់ក្បិន ក្បាច់ជីប ជញ្ជ្រំ ក្បាច់លាផ្ងារ ចិញ្ចៀនចម្រៀកផ្ដៅ នានាភាព បាំងខ្លោង តួរង ពងត្រី តួត្លុក ប៉ុកចាយ ចុកជាយ សំពត់បញ្ចពណ៌ គែន សេរ៉ាមិក នាគព័ន្ធ របាំព្រះរាជទ្រព្យខ្មែរ ខ្ពង់ និម្មាបនកម្មទេសភាព

Source: Samdech Chuon Nath Khmer dictionary and Khmer lexicons.