បេក្ខជន
[ប៉េក-ខៈជន់]- ន ( បា. បេក្ខ + ជន ) ជនអ្នកសម្លឹង, អ្នកប៉ងប្រាថ្នា, អ្នកចង់បាននូវមុខតំណែង, មុខការងារឬឋានន្តរផ្សេងៗដូចជាអ្នកប្រឡងប្រជែងដណ្ដើមយកមុខតំណែងជាស្មៀន, ជាសិស្សចូលរៀនក្នុងសាលា ឬអ្នកសុំចុះឈ្មោះបោះឆ្នោតជាដើម : បេក្ខជនទាំងពីរប្រភេទ អាចសុំចុះឈ្មោះចូលប្រឡងប្រជែងបាន; មានបេក្ខជនតែពីររូបទេ ដែលឈរឈ្មោះក្នុងការបោះឆ្នោតជ្រើសរើសប្រធានរដ្ឋសភាក្នុងគ្រានេះ ។ បេក្ខជនស្វៃរិន ន. ( សំ. ស្វៃរិន៑; បា. សេរី ) បេក្ខជនសេរី, បេក្ខជនដែលមានអំណាចចូលប្រឡងប្រជែងបាន គឺបេក្ខជនក្រៅពីសិស្សនៃគ្រឹះស្ថានសិក្សាជាផ្លូវរាជការ ដែលបានទទួលអនុញ្ញាតឲ្យចូលប្រឡងបាន ។ បេក្ខភាព ន. ( បា. –ភាវ ) ភាព, ឋានៈ, លក្ខណសម្បត្តិរបស់បេក្ខជន ។ បេក្ខសមណៈ ន. ( បា.) សមណៈដែលមានបំណងប្រឡងប្រជែងយកឋានៈជាសិស្សនៃសាលារៀនជាដើម ។ បេក្ខសេនីយ៍ ( –សេន៉ី ) ន. ឋានន្តររបស់នាយទាហាន នៅក្រោមថ្នាក់អនុសេនីយ៍ត្រីមួយថ្នាក់ គឺនាយទាហានដែលប្រឡងជាប់លេខក្នុងសាលារៀនខាងយោធា ហើយត្រូវហាត់ហ្វឹកហ្វឺនធ្វើការឲ្យស្ទាត់ មុននឹងឡើងទៅកាន់ឋានន្តរជាអនុសេនីយ៍ត្រី ។ ហៅថា នាយចំណង់ ក៏បាន ( បារ. Aspirant ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ចម្រៀក គំ គប់ អណ្ដូង នោម ចោម ឆាក ទាស ភ្លែត រកកល់ ជ្រែក ភោជន និយោជិត អធិការ ពន្ធដារ យតិ រដោះ ការកាត់ កំណើន ការនាំចូល រង្វាស់កាព្យ ការដេញថ្លៃ មធ្យោបាយដឹកជញ្ជូន ក្រចក
Source: Samdech Chuon Nath Khmer dictionary and Khmer lexicons.