ប៊
- ក៏គឺតួ ប នុះឯង គ្រាន់តែប្រើ ត្រីសព្ទ ( ៊ ) នេះគឺលេខ ៣ ខ្មែរសម្រាប់ប្រើជាលេខ នព្វន្ដ ដាក់ពីលើឲ្យជា សិថិល-ឃោសៈ មានសំឡេងធំ សម្រាប់សរសេរឈ្មោះមនុស្សខ្លះ ដូចជាឈ្មោះ ប៊ន, ប៊ិន, ប៊ី, ប៊ុត, ប៊ុន . . . និងឈ្មោះប្រទេស, ឈ្មោះក្រុង . . . ដូចជា ប៊ុលហ្គារ, ប៊ុលហ្គារី, ប៊ុយដាប៉េស្ដ Bulgar, Bulgarie, Budapest ។ ល ។ និងឈ្មោះវត្ថុជាពាក្យបរទេសកុំឲ្យខ្មែរយើងខ្វះអក្សរប្រើប៉ុណ្ណោះឯង ។ ឯពាក្យបរទេសដែលខ្មែរក៏ហៅតាមឈ្មោះដើមដែរ ត្រូវសរសេរដោយតួ ប៊ ព្រោះជាការចាំបាច់នោះមានតិចតួចណាស់ ។ សម្រាប់ភាសាខ្មែរ, បណ្ដាអក្សរមានសំឡេងតូច ៤ តួ គឺ ប > ប៊, ស > ស៊, ហ > ហ៊, អ > អ៊ នេះ, ស៊, ហ៊, អ៊ បីតួនេះ កាលបើផ្សំជាមួយនឹងស្រៈ អិ, អី, អើ ដែលមានសំឡេងធំជា អ៊ិ, អ៊ី, អ៊ើ សរសេរផ្សំជា ឈ្មោះ ស៊ិន, ឈ្មោះហ៊ិន, ឈ្មោះអ៊ិន; ស៊ីបាយ, លេងហ៊ី, អ៊ីចឹង, ស៊ើកៗ . . . ប៉ុន្ដែដើម្បីសម្រួលកុំឲ្យត្រួតលើគ្នាពីរជាន់, ត្រូវសរសេរ ឈ្មោះស៊ិន, ឈ្មោះហ៊ិន, ឈ្មោះអ៊ិន; ស៊ីបាយ, លេងហ៊ី, អ៊ីចឹង, ស៊ើកៗ . . . ដូច្នេះវិញក៏បាន, ឯតួ ប៊ នេះទោះផ្សំជាមួយនឹងស្រៈ អ៊ិ, អ៊ី, នោះក៏ដោយ អ្នកសរសេរក៏ពុំអាចប្រើជា ប៉ិ, ប៉ី ឲ្យច្រឡំនឹង ប៉ ឡើយ, ដូចជាឈ្មោះ ប៊ិន កុំសរសេរ ប៉ិន, ឈ្មោះ ប៊ី កុំសរសេរ ប៉ី ព្រោះកុំឲ្យច្រឡំនឹងពាក្យថា ប៉ិនធ្វើការ, ប៉ិនប្រសប់; ផ្លុំប៉ី, ប៉ីពក; ឆក់ប៉ី; ផ្កាចំប៉ី ជាដើម ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ឆើយ ថាំង ប្រិត មរកត ពោះធំ ត្របាញ់ ត្រកួន តម្រង ពន្ធនាគារ ភាណ អមរ ត្រឡែងកែង ក្រួច ថ្វីមាត់ ត្រៀល ធ្លះ ដំអក់ ក្រមាច់ ក្រឡែត បន្ទារ មុតមាំ ស្តោក ទុក្ខវេទនា ប្រាំង
Source: Samdech Chuon Nath Khmer dictionary and Khmer lexicons.