Skip to content

យាម

  1. ន ប្រដាប់របស់នង្គ័លដែលភ្ជាប់ផ្នៀងនិងដងមានសណ្ឋានរៀវខាងចុង រាងកោងស្រួចមកខាងក្រោយសម្រាប់កាន់ភ្ជួរ
    យាមនង្គ័ល ។
    វចនានុក្រម សម្ដេចសង្ឃរាជ ជួនណាត
  2. ន ( សំ. បា. ) វេលាដែលបែងជាសង្កាត់ៗក្នុងថ្ងៃមួយៗ, បើគិតជាម៉ោង ក្នុងមួយយាមមានបីម៉ោងឬបួនម៉ោង, ក្នុងថ្ងៃមួយយប់មួយមាន ៨ យាម ឬ ៦ យាម ត្រូវជា២៤ម៉ោង ហៅរួមថាមួយថ្ងៃ ។ ក្នុងសម័យបុរាណច្រើនប្រើហៅថា យាម តែក្នុងវេលាយប់ៗមួយមានបីយាមគឺ យាមទី ១ ហៅ បឋមយាម ឬ ប្រថមយាម, ទី ២ ហៅ មជ្ឈិមយាម ឬ មធ្យមយាម, ទី ៣ ហៅ បច្ឆិមយាម ឬ បស្ចិមយាម ( ក្នុងយាមមួយៗ បើគិតជាម៉ោងមាន ៤ ម៉ោង ) ។ យាមយោគ ដំណើរប្រកបផ្សំតាមពេលយាមគឺការកំណត់ពេលយាមថាមានជោគល្អឬការទាយតាមពេលយាម។ យាមយោគ យាត្រា ដំណើរចេញចរ, ការចេញដើរ, តាមយាមយោគ គឺការពិនិត្យមើលពេលតាមក្បួនតម្រារួចទើបចេញដើរ ។ ចាប់យាម សង្កេតពេលយាមតាមក្បួនតម្រា ហើយទាយតាមក្បួនប្រាប់ពិតខ្លះទេខ្លះ ។ ល ។
    វចនានុក្រម សម្ដេចសង្ឃរាជ ជួនណាត
  3. ន ( ស. យ់ាម អ. ថ. យ៉ាម ) ថង់សំពត់មានដៃឬយោគស្ពាយបាន
    ស្ពាយយាម ។
    វចនានុក្រម សម្ដេចសង្ឃរាជ ជួនណាត
  4. កិ ចាំរក្សាឬក្រវែលឃ្លាំមើលដោយការប្រយ័ត្នក្នុងពេលមានកំណត់ : យាមឃ្លាំង, យាមផ្លូវ, យាមគុក ។ យាមល្បាត ល្បាតឃ្លាំមើលក្នុងពេលមានកំណត់ ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

បញ្ឈរ ភាពយន្ត យុទ្ធ បង្រៀន តភ្ជាប់ ប៉ាន់ វស្សា គ្រឹះ ទារ ការជួល ដំឡើង ជំនាន់ ពពួក ផែន កំណាព្យ បរិយាកាស កាលៈទេសៈ អតីត អន្តរាគមន៍ កញ្ញា រដក ចំណាំ សេក ខ្ទប់

Source: Samdech Chuon Nath Khmer dictionary and Khmer lexicons.