យុគ
[យុក]- ន ( សំ. បា. ) នឹម; គូ; អាយុ, អាយុពិភពលោក; កាល, គ្រា, សម័យ ។ ដំណើរកំណត់កាលរបស់ពិភពលោក; តាមលទ្ធិបុរាណថាយុគមាន ៤ គឺ ទី ១ ក្រឹតយុគ ( សំ. ក្ឫត– ) "យុគមាស, អាយុមាស" ( ហៅ សត្យយុគ "យុគប្រកបដោយពាក្យសត្យ" ក៏បាន ) មានកំណត់ត្រឹម ១.៧២៨.០០០ ឆ្នាំមនុស្ស ត្រូវជា ៤.៨០០ឆ្នាំទិព្យ( ពួកមនុស្សក្នុងយុគនេះមានអាយុវែងៗ មានសេចក្ដីសុខច្រើន ); ទី ២ ត្រេតយុគ ឬ ត្រេតាយុគ "យុគប្រាក់, អាយុប្រាក់" មានកំណត់ត្រឹម ១.២៩៦.០០០ ឆ្នាំមនុស្ស ត្រូវជា ៣.៦០០ ឆ្នាំទិព្យ ( ពួកមនុស្សក្នុងយុគនេះមានអាយុវែងយ៉ាងមធ្យម ទាំងសេចក្ដីសុខក៏យ៉ាងមធ្យមដែរ ); ទី ៣ ទ្វាបរយុគ " យុគមានចំនួនលេខពីរៗ គឺលេខគត់គូរ " មានកំណត់ត្រឹម ៨៦៤.០០០ ឆ្នាំមនុស្ស ត្រូវជា ២.៤០០ ឆ្នាំទិព្យ ( ក្នុងយុគនេះ អាយុមនុស្សនិងសេចក្ដីសុខយ៉ាងអន់ ); ទី ៤ កលិយុគ " យុគប្រកបដោយទោស, ប្រកបដោយជម្លោះ " មានកំណត់ត្រឹម ៤៣២.០០០ ឆ្នាំមនុស្ស ត្រូវជា ១.២០០ ឆ្នាំទិព្យ ( យុគយើងសព្វថ្ងៃនេះឯង, ពួកមនុស្សមានអាយុនិងសេចក្ដីសុខតិចណាស់ ); បូករួមកំណត់ឆ្នាំរបស់យុគទាំង៤ ជាបួនលានបីសែនពីរហ្មឺន( ៤.៣២០.០០០ ) ឆ្នាំមនុស្ស ត្រូវជា ១២.០០០ ឆ្នាំទិព្យហៅថា មហាយុគមួយ ។ យើងសព្វថ្ងៃនៅក្នុងកលិកយុគ យើងសព្វថ្ងៃនៅក្នុងយុគទី ៤ ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
សុចរិត ពុក បណ្ដើរ ផ្ដិល លម្អិត រួបរួម គត់ សម្មាសម្ពុទ្ធ យោបល់ ប្រដូច ភ្ញៀវ ថេរៈ បេសកកម្ម មតិ ការដ្ឋាន ឡង់ វិញ្ញាបនបត្រ ស្ថាប័នសាមី អ្នកដេញថ្លៃ វេយ្យាករណ៍ អាប់ អាគម ជំពាក់ ព្យួរ
Source: Samdech Chuon Nath Khmer dictionary and Khmer lexicons.