យ៉ាវឆាខ្វៃ
- ន ( ចិ. យ៉ាវ "ខ្លាញ់" + ឆា "ចម្រាញ់" + ខ្វៃ "មនុស្សក្បត់ឈ្មោះខ្វៃ" > យ៉ាវឆាខ្វៃ ) ឈ្មោះនំចិនមួយបែប ជានំដែលគេធ្វើទុកឲ្យជាគ្រឿងសម្គាល់នូវរឿងរ៉ាវនៃមនុស្សក្បត់ផែនដីម្នាក់ឈ្មោះ ខ្វៃ ដែលរាជការសឹកចិនក្នុងបុរាណសម័យព្រេងនាយ បានចាប់យកមកធ្វើទារុណកម្មដោយអារសាច់ទាំងរស់ ចម្រាញ់ធ្វើជានំឲ្យឈ្មោះ ខ្វៃ ស៊ីសាច់របស់វា ហើយគេឲ្យជាងឆ្លាក់ថ្មធ្វើជារូបវាទុកនៅទីមួយជាសញ្ញាផ្ចាញ់ផ្ចាល កុំឲ្យជនឯទៀតៗយកតម្រាប់តាម, គេឲ្យធ្វើនំមួយបែបទុកជាព័ស្តុតាង ដើម្បីឲ្យបច្ឆាជនទាំងពួងស្គាល់ឈ្មោះជនក្បត់ផែនដីនោះតៗមក គេឲ្យឈ្មោះនំនោះថា យ៉ាវឆាខ្វៃ "នំចម្រាញ់ខ្លាញ់អាខ្វៃ" ។ ចិននៅប្រទេសកម្ពុជា ពពាយនាយលក់នំនេះថា យ៉ាវឆាខ្វៃ!; អ្នកខ្លះហៅនំនេះថា នំឆាខ្វៃ, អ្នកខ្លះហៅ នំប្រៃៗ ពីព្រោះនំនេះមានរសប្រៃបន្តិចៗ, អ្នកខ្លះទៀតហៅ នំប្រៃឡមៗ, គេច្រើនប្រើបរិភោគផ្សំជាមួយនឹងទឹកកាហ្វេ ឬគុយទាវជាដើម តាមទម្លាប់ប្រើ ។ រូបថ្មអាខ្វៃនោះមាននៅប្រទេសចិនដរាបមកដល់សព្វថ្ងៃនេះ ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
កោលាហល មាតុលៈ វិជ័យ មារជ្រែក អារាមព្រឹក្ស កាកគតិ កល្យាណមិត្ត យមបាល ឥស្សរភាព តោកយ៉ាក សិនិទ្ធ យាវ បវា ព្រះបាទម្ចាស់ យ៉ើរ យៃ ស្មាគម ប្រវ័ញ្ចន៍ យោសោ យែក រក្សាភិបាល ភូមិន្ទ រខែក សោកប៉ត្រោក
Source: Samdech Chuon Nath Khmer dictionary and Khmer lexicons.