រមតិ
[រៈមៈតិ]- កិ ( បា. រម + អ + តិ ជាកិរិយាអាខ្យាតត្រង់បឋមបុរិសៈ ) ត្រេកអរ, តែងត្រេកអរ, រីករាយ, រមែងរីករាយ ។ ពាក្យសម្រាប់អានឲ្យចាប់ចួន របស់អ្នករៀនបាលី ដោយប្រើអក្សរកាត់ ៨តួគឺ ថី "ស្ត្រី" , បុ ( ប៉ុ ) "បុរស"; ខុ "ភិក្ខុ" , ធំ ( ធ័ង ) " ធម៌ " ; ហឹ ( ហិង ) "ក្របី", បំ (បុ័ង ) "ភក់"; ហំ ( ហ័ង ) "សត្វហង្ស" , បោ ( ប៉ោ ) "ស្រះបោក្ខរណី គឺស្រះដែលមានឈូក" ; រៀងតាមលំដាប់ថា ថី រមតិ បុ; ខុ រមតិ ធំ; ហឹ រមតិ បំ; ហំ រមតិ បោ ( ឬថាត្រឹមតែ ថី - បុ, ខុ- ធំ , ហឹ- បំ, ហំ- បោ ប៉ុណ្ណេះក៏បាន ) មានអត្ថន័យថា ស្រ្តីតែងត្រេកអរចំពោះបុរស; ភិក្ខុតែងត្រេកអរចំពោះធម៌; ក្របីតែងត្រេកអរចំពោះភក់; សត្វហង្សតែងត្រេកអរចំពោះស្រះបោក្ខរណី ( យើងយកមកចុះជាពិសេសក្នុងវចនានុក្រមនេះតាមលំដាប់មេពាក្យ សម្រាប់អ្នករៀនបាលីឲ្យឈ្លាសវៃក្នុងការប្រើបាលីកាត់ជា លុបន័យ ) ។ ពាក្យចួនរណ្ដំមិនពេញជាកាព្យសុទ្ធសាធថា ស្ត្រីតែងត្រេកអរនឹងបុរស, ភិក្ខុទាំងអស់តែងត្រេកអរចំពោះធម៌, ក្របីតែងត្រេកអរចំពោះភក់មិនបវរ , សត្វហង្សតែងត្រេកអរចំពោះស្រះមានឈូក ( មើលពាក្យ លុបន័យ ឬ លោបន័យ ផង ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ពិម្ពា ទាយាទ រំហ័ស រកេត រគាម រងទឹក រងោក សោភា រតាត់ រខិញ រហុយ របើស រមាំង រម្លុប រលោក រវ៉ាច់ វតិ រ៉ៃ សន្ធិ ល័ក្ខណ៍ កកេរ កញ្ឆេង ស៊ាំ វិបុល
Source: Samdech Chuon Nath Khmer dictionary and Khmer lexicons.