រលក
- ន រំជួលទឹកដែលខ្ជោលៗឡើង ឬពោរពូនឡើងដោយអំណាចកម្លាំងខ្យល់ជាដើម ។ រលកដកពពារ រលកដែលពូនៗងើបៗសណ្ឋានពស់ដកពពារ ។ រលកដោះក្រមុំ រលកដែលពូនៗជាកំពូកតូចៗសណ្ឋានដោះក្រមុំ ។ រលកបែកផ្កាត្រែង រលកដែលបោកប៉ះគ្នា បែកចេញជាភាពសត្រសុសសណ្ឋានផ្កាត្រែង ។ រលកយោល រលកធំៗដែលយោលខ្ជោលៗវែងៗ ។ រលករងដំឡូង រលកដែលខូងៗកណ្ដាលជាជ្រលងវែងៗ សណ្ឋានរងដំឡូង ។ ពុលរលក រង៉ាប់រងើ រអាក់រអើ ឬក្អួតចង្អោរ ដោយអំណាចចាញ់រលកធំៗ ( ម. ព. ពុល ផង ) ។ ព. ប្រ. រលកចិត្ត រញ្ជួយចិត្ត, កម្រើកចិត្ត ។ ទឹកថ្លាដ្បិតរលក ពុំយល់ស្រមោល ទោសកើតដ្បិតពោល ល្មមមាត់ឈ្លានពាន ( សាស្ត្រាច្បាប់ រាជនេតិ ជាព្រះនិពន្ធនៃព្រះរាជសម្ភារ ) ។វចនានុក្រម សម្ដេចសង្ឃរាជ ជួនណាត
- កិ ( នាមកិរិយា ) កក្រើកទឹកកើតជារំជួលឡើងទឹករលក ។វចនានុក្រម សម្ដេចសង្ឃរាជ ជួនណាត
- កិ ព. ប្រ. កក្រើកចិត្តចិត្តរលក; គ្នាកំពុងស្រួលចិត្ត អាណិតកុំធ្វើឲ្យរលក !វចនានុក្រម សម្ដេចសង្ឃរាជ ជួនណាត
- គុ ( ព. ប្រ. ) ដែលមានសម្បុរភ្លឺថ្លាឆ្លុះស្រមោលហាក់ដូចជាមានរលកភ្លឺរលក ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
អប់រំ វិនិយោគ អនុក្រឹត្យ រដ្ឋបាលថ្នាក់ក្រោមជាតិ ប្រុង បន្តួច ភត្ត ចាន កើន ប្រឡាក់ វាង សម្រប គង់ រលំ អត្ថន័យ និមន្ត ថ្នល់ រៀបរាប់ អក្សរសិល្ប៍ សត្រូវ បញ្ចុះ ឫក ម៉ោង គណៈកម្មការ
Source: Samdech Chuon Nath Khmer dictionary and Khmer lexicons.