លិខិតឆ្លងដែនការទូត
- វិទ្យាសាស្ត្រនយោបាយ លិខិតឆ្លងដែនដែលអាជ្ញាធរមានសមត្ថកិច្ចផ្ដល់ឱ្យមន្ត្រីការទូតនិងឥស្សរជនជាន់ខ្ពស់ សម្រាប់បំពេញបេសកកម្មនៅបរទេសតាមការកំណត់របស់រដ្ឋនីមួយៗ។ ឧ. យោងអនុក្រឹត្យលេខ២០២ អនក្រ-បក ចុះថ្ងៃទី០៣ ខែធ្នូ ឆ្នាំ២០០៨ របស់រាជរដ្ឋាភិបាលកម្ពុជា លិខិតឆ្លងដែនការទូតចេញថ្វាយនិងជូនដល់ឥស្សរជនជាន់ខ្ពស់និងមន្ត្រីការទូតខ្មែរទៅតាមលំដាប់នៃឋានន្តរសក្ដិនិងមុខតំណែង ព្រមទាំងសហព័ទ្ធនិងកូនដែលនៅក្នុងបន្ទុកនៅលីវ ហើយមានអាយុក្រោម១៨ឆ្នាំ ដូចតទៅ។ ១- ព្រះមហាវីរក្សត្រ ព្រះវររាជមាតា ព្រះមហាក្សត្រ ព្រះមហាក្សត្រិយានី ឬសម្ដេចព្រះរាជអគ្គមហេសី។ ២- ព្រះរាជបុត្រា ព្រះរាជបុត្រី ព្រមទាំងព្រះរាជវង្សានុវង្ស ដែលបញ្ជាក់ដោយក្រសួងព្រះបរមរាជវាំង។ ៣- ប្រធាន អនុប្រធាន និងសមាជិកព្រឹទ្ធសភា ប្រធាន អនុប្រធាន និងសមាជិករដ្ឋសភា។ ៤- ប្រធាននិងសមាជិកក្រុមប្រឹក្សាធម្មនុញ្ញ។ ៥- នាយករដ្ឋមន្ត្រី ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី ព្រមទាំងរដ្ឋលេខាធិការ(ដែលជាប្រធានស្ថាប័នរបស់រាជរដ្ឋាភិបាល) ទេសាភិបាលធនាគារជាតិនៃកម្ពុជានិងអគ្គលេខាធិការរាជរដ្ឋាភិបាល។ ៦- ប្រធានតុលាការកំពូល អគ្គព្រះរាជអាជ្ញាអមតុលាការកំពូល។ ៧- អគ្គមេបញ្ជាការនៃកងយោធពលខេមរភូមិន្ទនិងអគ្គស្នងការនគរបាលជាតិ។ ៨- ឧត្តមប្រឹក្សាផ្ទាល់របស់ព្រះមហាក្សត្រនិងឥស្សរជនដែលមានងារជាសម្ដេច។ ៩- អតីតប្រធានព្រឹទ្ធសភា អតីតប្រធានរដ្ឋសភា អតីតនាយករដ្ឋមន្ត្រី អតីតឧបនាយករដ្ឋមន្ត្រី និងអតីតរដ្ឋមន្ត្រីក្រសួងការបរទេស។ ១០- នាយកខុទ្ទកាល័យព្រះមហាក្សត្រ នាយកខុទ្ទកាល័យប្រធានព្រឹទ្ធសភា នាយកខុទ្ទកាល័យប្រធានរដ្ឋសភា នាយកខុទ្ទកាល័យនាយករដ្ឋមន្ត្រី ដែលតែងតាំងដោយព្រះរាជក្រឹត្យ។ ១១- ប្រធានពិធីការរបស់ព្រះមហាក្សត្រ ប្រធានពិធីការរបស់ប្រធានព្រឹទ្ធសភា ប្រធានពិធីការរបស់រដ្ឋសភា និងប្រធានពិធីការរបស់នាយករដ្ឋមន្ត្រី។ ១២- មន្ត្រីការទូតចាប់ពីអនុព័ន្ធឡើងទៅដែលត្រូវទៅធ្វើការនៅស្ថានទូតនិងកុងស៊ុលនៅបរទេស។ ១៣- លិខិតឆ្លងដែនការទូតចេញថ្វាយនិងប្រគេនសម្ដេចព្រះអគ្គមហាសង្ឃរាជាធិបតី សម្ដេចព្រះសង្ឃរាជទាំងពីរគណៈ និងមន្ត្រីសង្ឃដែលមានងារជាសម្ដេច។វិទ្យាសាស្ត្រនយោបាយ
Look up another word in the Khmer Dictionary
More words
យដ្ឋិ កម្លាំងនយោបាយ ក្រមសីលធម៌វិជ្ជាជីវៈ ការបោះឆ្នោតសកល ការផ្ទុះឡើង ទោសនយោបាយ បុគ្គលនិយម តវ នយោបាយចម្រុះពណ៌ នយោបាយបង្កក បៀវត្សរ៍ ស្ថានតំណាង លិខិតឆ្លងដែនផ្លូវការ វិទ្យាសាស្ត្រនយោបាយ ជនកុម្មុយនីស្ត អ្នកទោសនយោបាយ លែន អាក់សេស សេវូបករណ៍ យូអអិល អត្ថនាម សិត្តាបៃ សមកាល សហគមន៍ភាសា
Source: Samdech Chuon Nath Khmer dictionary and Khmer lexicons.