Skip to content

លេខាធិការដ្ឋានអាស៊ាន

  1. វិទ្យាសាស្ត្រនយោបាយ លេខាធិការដ្ឋានដែលត្រូវបានបង្កើតឡើងដោយកិច្ចព្រមព្រៀងដែលចុះហត្ថលេខាដោយរដ្ឋមន្ត្រីការបរទេសអាស៊ានក្នុងសន្និសីទកំពូលនៅទីក្រុងបាលីនៃប្រទេសឥណ្ឌូណេស៊ី នាឆ្នាំ១៩៧៦ ដើម្បីលើកកម្ពស់ការសម្របសម្រួលនិងការអនុវត្តគោលនយោបាយ គម្រោង និងសកម្មភាពនៃអង្គភាពនានារបស់អាស៊ាន។ លេខាធិការដ្ឋាននេះស្ថិតនៅទីក្រុងហ្សាការតានៃប្រទេសឥណ្ឌូណេស៊ី។ សន្និសីទកំពូលនៅប្រទេសសិង្ហបុរី នាខែមករា ឆ្នាំ១៩៩២ បានព្រមព្រៀងពង្រឹងលេខាធិការដ្ឋានអាស៊ានដើម្បីឱ្យលេខាធិការដ្ឋាននេះអាចគាំទ្រគំនិតផ្ដួចផ្ដើមរបស់សន្និសីទកំពូលប្រកបដោយប្រសិទ្ធភាព។ កិច្ចប្រជុំថ្នាក់រដ្ឋមន្ត្រីការបរទេសអាស៊ានលើកទី២៥ នៅទីក្រុងម៉ានីលនៃប្រទេសហ្វ៊ីលីពីន នាខែកក្កដា ឆ្នាំ១៩៩២ បានចុះហត្ថលេខាលើពិធីសារមួយដើម្បីធ្វើវិសោធនកម្មកិច្ចព្រមព្រៀងស្ដីពីការបង្កើតលេខាធិការដ្ឋានអាស៊ាន។ ពិធីសារនេះបានកំណត់រចនាសម្ព័ន្ធថ្មីរបស់លេខាធិការដ្ឋានអាស៊ាន ព្រមទាំងបានផ្ដល់ដល់លេខាធិការដ្ឋាននូវមុខងារនិងការទទួលខុសត្រូវទូលំទូលាយដើម្បីផ្ដួចផ្ដើម គំនិត ផ្ដល់យោបល់ សម្របសម្រួល និងអនុវត្តសកម្មភាពរបស់អាស៊ាន។ កិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ាន នៅទីក្រុងគូឡាឡាំពួនៃប្រទេសម៉ាឡេស៊ី ខែឧសភា ឆ្នាំ១៩៩៧ បានព្រមព្រៀងបង្កើតនូវមុខតំណែងបន្ថែមគឺអគ្គលេខាធិការរងនៅលេខាធិការដ្ឋានអាស៊ាន។ អគ្គលេខាធិការរងមួយរូបនឹងជួយអគ្គលេខាធិការលើកិច្ចការតំបន់ពាណិជ្ជកម្មសេរីអាស៊ាន(ASEAN Free Trade Area: AFTA) និងសហប្រតិបត្តិការសេដ្ឋកិច្ច។ រីឯអគ្គលេខាធិការរងមួយរូបទៀតជួយលើកិច្ចការសហប្រតិបត្តិការតាមវិស័យ កិច្ចសហប្រតិបត្តិការអាស៊ាន និងទំនាក់ទំនងដៃគូសន្ទនា ព្រមទាំងកិច្ចការរដ្ឋបាល ហិរញ្ញវត្ថុ និងបុគ្គលិក។ លេខាធិការដ្ឋានអាស៊ានមានការិយាល័យចំនួន៤គឺការិយាល័យតំបន់ពាណិជ្ជកម្មសេរីអាស៊ាន ការិយាល័យសហប្រតិបត្តិការសេដ្ឋកិច្ច ការិយាល័យសហប្រតិបត្តិការតាមវិស័យជំនាញ និងការិយាល័យសហប្រតិបត្តិការអាស៊ាននិងទំនាក់ទំនងដៃគូសន្ទនា។
    វិទ្យាសាស្ត្រនយោបាយ

Look up another word in the Khmer Dictionary

More words

រលូន ការជួញដូរ កៀរគរ ជំងឺមហារីក បាល់ ខនិ ប្រព័ន្ធកម្លាំង ដែកសរសៃ បន្ទុកខ្យល់ ចម្រោះ រ៉ូប៊ីណេ ជាតិពុល ថើប មទ្រី ប៉ែតសិប សាលដីកា ផលិតផលថ្នាំជក់ សិក្ខាសាលា វគ្គបណ្ដុះបណ្ដាល លិខិតបញ្ជាក់ អស្សាមិករណ៍ ម្ចាស់ទំនិញ សំណល់រឹង សេវាបំណុល

Source: Samdech Chuon Nath Khmer dictionary and Khmer lexicons.