Skip to content

ល្មុត

  1. ន ( ស. លះមុត អ. ថ. ល៉ៈមុត ) ឈ្មោះឈើដំណាំ ប្រើផ្លែទុំជាអាហារ, មានពីរប្រភេទគឺ ល្មុតសែដា ផ្លែថ្លោសៗមានច្រើនបែប; ល្មុតខ្មែរ ( ស. លះ-មុតសីដា ឬ លះមុតទៃយ អ. ថ. ល៉ៈមុតស៊ីដា ឬ —ថៃ "ល្មុតសៀម" ) ដើមធំស្លឹករង្វើលៗ ផ្លែសណ្ឋានស្រដៀងនឹងផ្លែព្កុលតែធំជាង វេលាទុំជោរឡើងសម្បុរក្រហមក្រមៅ សាច់ផុសៗបន្តិច មានរសផ្អែមស្រាល ច្រើនមានគ្រាប់តែមួយៗ; ល្មុតបារាំង ឬ ល្មុតទេស ដើមតូចជាងល្មុតសែដា ស្លឹកញឹកជិត ផ្លែមានច្រើនបែបខ្លះរាងមូល សាច់ស, ខ្លះរាងទ្រវែង សាច់ក្រហមស្ទើរ, ផ្លែធំៗប៉ុនស៊ុតមាន់ឬស៊ុតទាក៏មាន ទ្រើសជាងនុះក៏មាន តូចៗចុះពីនុះមកក៏មាន, ផ្លែទុំសាច់ជ្រាយមានរសផ្អែមឈ្ងុយ ( បែបដែលមានផ្លែរាងទ្រវែងសាច់ស្ទើរក្រហមនោះ អ្នកស្រុកខ្លះច្រឡំហៅថា សែដា ក៏មាន ) ។
    វចនានុក្រម សម្ដេចសង្ឃរាជ ជួនណាត
  2. ន ( ស. លះមុត អ. ថ. ល៉ៈ— ) ឈ្មោះខ្នុរមួយប្រភេទ ផ្លែទុំសាច់ក្លែបជ្រាយបន្តិចជាងខ្នុរណាំង ប៉ុន្តែជ្រាយមិនដល់ខ្នុរបាយស្រាទេ, មានរសផ្អែមឆ្អិត
    ខ្នុរល្មុត ក្នុងប្រទេសកម្ពុជា ពុំសូវសម្បូរប៉ុន្មានទេ គួរពួកកសិករឆ្លៀតដាំឲ្យកើតច្រើនឡើង ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ជិវ្ហា វិកតិកត្តា កន្ថោរ រំឥល ខ្ជាយ ប្រហួរ ស្រយម ព្ររឹត បាកដ បឋវី ព្អឹះ វចីទុច្ចរិត ពន្យុយ ពង្រឹត ពលៃ ប្រពូន ពពូលថ្ម ប៉ផ្ដៀច ព្រៀប ខ្នន់ ក្រវេមក្រវាម ព្រលយ ផ្ដែរ អលំ

Source: Samdech Chuon Nath Khmer dictionary and Khmer lexicons.