Skip to content

វង្ស

[វង់; បើជាបទសមាស. អ. ថ. វ័ង-ស: ឬវង់ស:]
  1. ន ( បា. វំស; សំ. វំឝ ) ពូជ, ជំបួរ, ជួរ, ក្រសែ, របា, ត្រកូល, តំណត្រកូល; ជាតិ ។ ឫស្សី; ប៉ី; ខ្លុយ; ស្រឡៃ; ស្នួ ។ ល ។ វង្សករ ឬ វង្សក្រឹត បុព្វបុរសរបស់ត្រកូល, មនុស្សដើមត្រកូល ។ វង្សក្ស័យ ដំណើរផុតវង្ស ។ វង្សចរិត ប្រវត្តិ, លំអាន របស់ពូជពង្ស; ពង្សាវតារជាតិ ។ វង្សនាថ ឬ វង្សប្រមុខ អ្នកដែលជាចម្បងរបស់ត្រកូលឬប្រមុខរបស់ត្រកូល ។ វង្សភោជ្យ (­­­­­­­­­­­­­­­­ –­­ភោច ) អ្នកដែលត្រូវស៊ីទ្រព្យសម្បាច់របស់ត្រកូល ។ វង្សវឌ្ឍនៈ ឬ វង្សវ័ឌ្ឍន៍ សេចក្ដីចម្រើនរបស់ត្រកូល ។ វង្សវឌ្ឍី អ្នកដែលចម្រើនត្រកូល; បើស្រ្តីជា វង្សវឌ្ឍិនី។ វង្សសមាចារ ប្រពៃណី ឬទំនៀមល្អរបស់ត្រកូល ។ វង្សស្ថិតិ ការតាំងនៅនៃវង្ស ។ ល ។ វង្សានុវង្ស ( < វង្ស + អនុវង្ស ) វង្សតៗតាមលំដាប់មក ។ វង្សាវលី ដូចគ្នានឹង ពង្សាវលី ។ ល ។ បើរៀងពីខាងចុងសព្ទដទៃ អ. ថ. វង់, ដូចជា : ខត្តិយវង្ស វង្សក្សត្រិយ៍ ។ ពុទ្ធវង្ស វង្សព្រះពុទ្ធ ។ ភូធរវង្ស, រាជវង្ស វង្សស្ដេច ។ សក្យវង្ស ឬ សាក្យ– វង្សសក្យៈ ។ សមណវង្ស វង្សសមណៈ ។ ល ។ ( ម. ព. ពង្ស ផង ) ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

បាត់បង់ សម្រួល ពិភពលោក បណ្ដាញ ព្រេង យោង ពលរដ្ឋ ភេទ សេចក្ដីសម្រេច របរ ឆាប់ ក្បួន បែរ ប្រយ័ត្ន គោលការណ៍ រាវ ចៅ បួន ប៉ែក ហ៊ាន រាជ្យ លឿង ញី ថែ

Source: Samdech Chuon Nath Khmer dictionary and Khmer lexicons.