Skip to content

វិរុទ្ធនិទស្សន៍សមាសភាព

  1. ទស្សនវិទ្យា ប្រភេទនៃការផ្ដល់ហេតុផលខុស ដែលអះអាងថាបើផ្នែកនីមួយៗនៃអង្គទាំងមូលមានលក្ខណសម្បត្តិជាក់លាក់ណាមួយ នោះអង្គទាំងមូលក៏មានលក្ខណសម្បត្តិដូចនោះដែរ។ ឧ. បើគ្រឿងបង្គុំនីមួយៗរបស់រថយន្តមួយមានគុណភាពល្អនោះ រថយន្តនោះក៏មានគុណភាពល្អដែរ។ បច្ចេកសព្ទនេះក៏ត្រូវបានគេប្រើដែរសម្រាប់ទឡ្ហីករណ៍មួយដោយផ្ដើមចេញពីមូលបដិញ្ញាដែលថាធាតុនីមួយៗនៃបណ្ដុំមួយមានលក្ខណសម្បត្តិជាក់លាក់ណាមួយឈានទៅដល់ការសន្និដ្ឋានថាបណ្ដុំនោះក៏មានលក្ខណសម្បត្តិដូចនោះដែរ។ ទឡ្ហីករណ៍នេះ គ្មានសុពលភាពទេ ព្រោះវាសន្មត ដោយខុសឆ្គងថាអង្គទាំងមូល ឬបណ្ដុំជាការផ្គុំគ្នាយ៉ាងសាមញ្ញមួយនៃផ្នែកឬធាតុនីមួយៗ។ ដោយបញ្ច្រាសមកវិញ វិរុទ្ធនិទស្សន៍បំបែកដែលមានលក្ខណសម្បត្តិជាក់លាក់ណាមួយ ធាតុឬផ្នែកនីមួយៗក៏មានលក្ខណសម្បត្តិដូចនោះដែរ។ ឧ. សហរដ្ឋអាម៉េរិកជាប្រទេសអ្នកមាន ដូច្នេះពលរដ្ឋអាម៉េរិកម្នាក់ៗក៏ជាអ្នកមានដែរ។ វិរុទ្ធនិទស្សន៍នេះមិនដឹងថាមិនមានទំនាក់ទំនងផ្ទេររវាងអង្គទាំងមូលនិងផ្នែកផ្សេងៗរបស់វាទេ។ ទាំងវិរុទ្ធនិទស្សន៍សមាសភាព ទាំងវិរុទ្ធនិទស្សន៍បំបែក ជាគំរូរបស់វិរុទ្ធនិទស្សន៍នៃភាពមិនច្បាស់លាស់ ពីព្រោះជាញឹកញាប់វិរុទ្ធនិទស្សន៍ទាំងពីរនេះជាប់ពាក់ព័ន្ធនឹងការភាន់ច្រឡំរវាងការប្រើប្រាស់ដាច់ដោយឡែកៗនិងការប្រើប្រាស់បែបប្រមូលផ្ដុំនៃពាក្យមួយ។ (ពាក្យនេះ គេប្រើនៅក្នុងតក្កវិជ្ជា)
    ទស្សនវិទ្យា

Look up another word in the Khmer Dictionary

More words

អចលនវត្ថុពីភ័ព្វវាសនា អាជ្ញាបណ្ណហ្វ្រេកង់ស៍ អ្នកចុះកិច្ចសន្យាបន្ត អ្នកជាប់ពន្ធអនិវាសនជន អ្នកទទួលដោះស្រាយវិវាទ អ្នកធ្វើដំណើរកម្សាន្ត ឧបករណ៍នេសាទឧស្សាហកម្ម ការវាយតម្លៃ-Appraisal តម្លាភាព-Transparency យុទ្ធសាស្រ្ត-Strategy សង្គតិភាព-Consistency អ៊ីដ្រូកាបួអាលីហ្វាទិក អាទិទេពវិចារណញ្ញាណនិយម កាលសម័យប្រវត្តិសាស្ត្រ ចក្រភពខ្មែរ(សម័យអង្គរ) ចក្រភពអាណានិគមអេស្ប៉ាញ ចក្រភពអាណានិគមអង់គ្លេស អត្រាលទ្ធភាពមានកូនទូទៅ ក្បាច់លាវង់កណ្ដាលឆ្វេង ក្បាច់លាវង់កណ្ដាលស្ដាំ ក្បាច់លៀមឈរទាបបិទឆ្វេង ក្បាច់លៀមឈរទាបបិទស្ដាំ ក្បាច់លៀមឈរទាបបើកឆ្វេង ក្បាច់លៀមឈរទាបបើកស្ដាំ

Source: Samdech Chuon Nath Khmer dictionary and Khmer lexicons.