សក្ដិ
[ស័ក]- ន ( សំ. ឝក្ដិ; បា. សត្ដិ ) អំណាច, សេចក្ដីអង់អាច, សេចក្ដីក្លាហាន; កម្លាំង; ព្យាយាម; រឹងប៉ឹង; ការខ្លាំងពូកែ; ការជំនាញ; សេចក្ដីធន់, ការប៉ិនធន់ទ្រាំ; លំពែងអ្នកមានស័ក្ដិ, ស័ក្ដិតូច, ស័ក្ដិធំ, ស័ក្ដិស្មើគ្នា ។វចនានុក្រម សម្ដេចសង្ឃរាជ ជួនណាត
- ន ឥស្សរិយាភរណៈដែលប៉ាក់ដោយចេសមាសឬចេសប្រាក់ជាដើម សម្រាប់ដាក់ភ្ជាប់នឹងអាវរបស់មន្ត្រី សម្គាល់ឲ្យដឹងថ្នាក់ធំតូចពាក់ស័ក្ដិ, ស័ក្ដិមាស, ស័ក្ដិប្រាក់, ស័ក្ដិ១, ស័ក្ដិ ២, ... ។វចនានុក្រម សម្ដេចសង្ឃរាជ ជួនណាត
- ន សក្ដិត្រ័យ ( ស័ក-ក្ដិ-ត្រៃ ) ប្រជុំ ៣ នៃស័ក្ដិ ឬអង្គ ៣ នៃរាជស័ក្ដិគឺ ព្រះរាជា, អមាត្យ ឬ មន្ត្រី, ពលស័ក្ដិ ( ពលរដ្ឋដែលមានកេរ្តិ៍ឈ្មោះ ) ។សក្ដិធរ ( ស័ក-ក្ដិ-ធ ) អ្នកទ្រទ្រង់ស័ក្ដិ ( អ្នកមានស័ក្ដិ ); អ្នកកាន់លំពែង ។ ស័ក្ដិ ៩ ហ៊ូពាន់ ( ម. ព. ហ៊ូពាន់ ) ។ ស័ក្ដិយស (–យស់ ) អំណាចនិងបរិវារ, ទ្រព្យសម្បត្ដិ, កេរ្ដិ៍ឈ្មោះល្អ, សេចក្ដីរាប់អាននៃអ្នកដទៃ ( និយាយថា យសស័ក្ដិ ក៏បាន "បរិវារនិងអំណាច" ឬ "អំណាចលើបរិវារ" ) ។ ស័ក្ដិសម ( –សំ )សមដោយអំណាច ។ សមស័ក្ដិ ( សំ– ) អំណាចដ៏សមរម្យ ឬអំណាចស្មើគ្នា ។ ព. បុ. ថា : ស័ក្ដិពុំស្មើយស នាអ្នកខ្ពង់ខ្ពស់ ពុំស្មើចិត្តជា ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
អាករពិសេស អ្នកផ្គត់ផ្គង់សេវា វត្តមានពាណិជ្ជកម្ម រញ្ជួយ កូប សង្ឃរាជ ចោត ទ្រនាប់ រ៉ស់ ស្រែង ត្រសក់ សាធនៈ ពាក្យក្លាយ រំពត់ ខ្ទម ច្បារ ឃ្វាង វេរ រលួស ស៊ីសង កែន ស្ញែង កៀង រវាម
Source: Samdech Chuon Nath Khmer dictionary and Khmer lexicons.