សន្ធិសញ្ញាមិនរីកសាយភាយអាវុធនុយក្លេអ៊ែរ
- វិទ្យាសាស្ត្រនយោបាយ សន្ធិសញ្ញាអន្តរជាតិដែលបានចុះហត្ថលេខានៅឆ្នាំ១៩៦៨ និងចូលជាធរមាននៅឆ្នាំ១៩៧០ ដែលមានចំណុចសំខាន់ៗចំនួន៣ ជាសសរទ្រូងនៃសន្ធិសញ្ញានេះ រួមមាន ១- ការមិនរីកសាយភាយអាវុធនុយក្លេអ៊ែរ : នៅក្នុងចំណុចនេះ សន្ធិសញ្ញាមិនរីកសាយភាយអាវុធនុយក្លេអ៊ែរ មានគោលដៅទប់ស្កាត់កុំឱ្យមានការផលិតនុយក្លេអ៊ែរបន្ថែមដោយប្រទេសដែលមានអាវុធនុយក្លេអ៊ែររួចហើយ និងហាមឃាត់ប្រទេសដែលគ្មានអាវុធនុយក្លេអ៊ែរកុំឱ្យផលិតអាវុធនេះ។ ដើម្បីសម្រេចបានតាមគោលដៅនេះ សន្ធិសញ្ញាមិនរីកសាយភាយអាវុធនុយក្លេអ៊ែរ ចែងពីវិធានការមួយចំនួនដូចតទៅ គឺ ក) ទទួលស្គាល់ប្រទេសជាសមាជិកចំនួន៥គឺអាម៉េរិក អង់គ្លេស បារាំង ចិន និងរុស្ស៊ី ដែលមានអាវុធនុយក្លេអ៊ែររួចហើយថាជាមហាអំណាចនុយក្លេអ៊ែរ។ ខ) ហាមប្រទេសទាំង៥នេះមិនឱ្យជួយប្រទេសផ្សេងទៀតក្នុងការផលិតអាវុធនុយក្លេអ៊ែរ បើទោះជាជួយក្នុងរូបភាពណាក៏ដោយ(ផ្ទេរបច្ចេកវិទ្យាឬក៏ជួយជាថវិកាក៏ដោយ)។ គ) ហាមមហាអំណាចនុយក្លេអ៊ែរទាំង៥ មិនឱ្យប្រើអាវុធនុយក្លេអ៊ែរវាយប្រហារទៅលើប្រទេសផ្សេងទៀត ដែលមិនមានអាវុធនុយក្លេអ៊ែរ ហើយដែលជាសមាជិកសន្ធិសញ្ញាមិនរីកសាយភាយអាវុធនុយក្លេអ៊ែរ។ ឃ) ហាមឃាត់ប្រទេសជាសមាជិកដែលមិនមានអាវុធនុយក្លេអ៊ែរមិនឱ្យផលិតអាវុធនុយក្លេអ៊ែរ ទោះបីមានឬគ្មានជំនួយពីប្រទេសមហាអំណាចនុយក្លេអ៊ែរក៏ដោយ។ ២- ការរំសាយអាវុធនុយក្លេអ៊ែរ : ត្រង់ចំណុចនេះ សន្ធិសញ្ញាមិនរីកសាយភាយអាវុធនុយក្លេអ៊ែរ គ្រាន់តែចែងអំពីគោលដៅជារួមថាត្រូវឱ្យរដ្ឋជាសមាជិកខិតខំប្រឹងប្រែងចរចាកាត់បន្ថយអាវុធនុយក្លេអ៊ែរ ដើម្បីឈានទៅរំសាយអាវុធនុយក្លេអ៊ែរឱ្យអស់ជាស្ថាពរតែម្ដង។ ៣- ការប្រើប្រាស់បច្ចេកវិទ្យានុយក្លេអ៊ែរក្នុងវិស័យស៊ីវិល : សន្ធិសញ្ញាមិនរីកសាយភាយអាវុធនុយក្លេអ៊ែរហាមតែកម្មវិធីនុយក្លេអ៊ែរយោធាប៉ុណ្ណោះ។ ចំពោះកម្មវិធីនុយក្លេអ៊ែរក្នុងវិស័យស៊ីវិល ជាពិសេសការផលិតថាមពលអគ្គិសនី រដ្ឋជាសមាជិកអាចធ្វើទៅបាន។ មហាអំណាចនុយក្លេអ៊ែរទាំង៥ ក៏អាចផ្ទេរបច្ចេកវិទ្យានុយក្លេអ៊ែរស៊ីវិលទៅឱ្យប្រទេសជាសមាជិកផ្សេងទៀតបានដែរ។ ក៏ប៉ុន្តែ រាល់កម្មវិធីនុយក្លេអ៊ែរស៊ីវិលទាំងអស់ត្រូវតែធ្វើឡើងដោយតម្លាភាព ក្រោមការត្រួតពិនិត្យរបស់ទីភ្នាក់ងារថាមពលបរមាណូអន្តរជាតិ (International Atomic Energy Agency-IAEA)។ ជាផ្លូវការ សន្និសីទអន្តរជាតិស្ដីពីការត្រួតពិនិត្យមើលការអនុវត្តសន្ធិសញ្ញាមិនរីកសាយភាយអាវុធនុយក្លេអ៊ែរត្រូវបានប្រទេសជាសមាជិករៀបចំធ្វើរៀងរាល់៥ឆ្នាំម្ដង ដើម្បីត្រួតពិនិត្យមើលអំពីការអនុវត្តសន្ធិសញ្ញាក្នុងឆ្នាំកន្លងហួសនិងពិនិត្យមើលចំណុចខ្វះខាតដែលត្រូវបំពេញបន្ថែម។ បន្ទាប់មកដើម្បីធ្វើការកែលម្អដោយធ្វើយ៉ាងណាឱ្យការអនុវត្តសន្ធិសញ្ញានេះកាន់តែមានប្រសិទ្ធភាពថែមទៀត។ គិតត្រឹមឆ្នាំ២០២០ សន្ធិសញ្ញាមិនរីកសាយភាយអាវុធនុយក្លេអ៊ែរមានប្រទេសចំនួន១៩១ជាសមាជិក។ សមាជិកភាពនៃសន្ធិសញ្ញានេះចែកចេញជាពីរប្រភេទ : ទី១ ប្រទេសដែលបានសាកល្បងអាវុធនុយក្លេអ៊ែរ មុនឆ្នាំ១៩៦៧ ដែលជាសមាជិកអចិន្ត្រៃយ៍នៃក្រុមប្រឹក្សាសន្តិសុខនៃអង្គការសហប្រជាជាតិ និងទី២ ប្រទេសដែលគ្មានអាវុធនុយក្លេអ៊ែរ។ ប្រទេសដែលមិនចុះហត្ថលេខាក្នុងសន្ធិសញ្ញានេះគឺគុយបា អ៊ីស្រាអែល ឥណ្ឌា ប៉ាគីស្ថាន និងកូរ៉េខាងជើង។វិទ្យាសាស្ត្រនយោបាយ
Look up another word in the Khmer Dictionary
More words
ការទូទាត់តាមវិធីចម្រុះ-Hybrid Payment ការបំពានកិច្ចសន្យា-Breach of Contract កំណត់ហេតុចរចា-Minutes of Negotiations ទំនាស់ផលប្រយោជន៍-Conflict of Interest វិនិយោគិនផ្នែកភាគទុន-Equity Investors សន្និសីទមុនដេញថ្លៃ-Pre-Bid Conference ការវិភាគរីក្រេសិន-Regression Analysis ក្របខណ្ឌវាយតម្លៃ-Evaluation Framework ថវិកាសមិទ្ធកម្ម-Performance Budgeting ពិនិត្យពិនិស្ច័យថវិកា-Budget Scrutiny របាយការណ៍ហិរញ្ញវត្ថុ-Financial Report ម៉ាស៊ីនប្រតិបត្តិការធនាគារស្វ័យប្រវត្ត អង្គការសន្ធិសញ្ញាអាស៊ីអាគ្នេយ៍(សេអាតូ) ព្យញ្ជនៈសន្លឹកអណ្ដាត(ព្យញ្ជនៈឡាមីណាល់) កន្លែងស្នាក់នៅជាសំខាន់របស់កម្មសិទ្ធិករ ការគ្រប់គ្រងបច្ចេកវិទ្យាព័ត៌មានទូទៅរួម ការបញ្ជាក់យថាប្រភេទទំនិញរបស់អ្នកនាំចូល ការប្រើប្រាស់អតិរេក (អតិរេកសាច់ប្រាក់) ការរៀបចំនិងការអភិវឌ្ឍអាជីវកម្មធនធានរ៉ែ ការរៀបចំរចនាសម្ព័ន្ធបំណុលសាធារណៈឡើងវិញ កាលបរិច្ឆេទមានប្រសិទ្ធភាពនៃការចុះបញ្ជី កិច្ចធានាចំពោះហានិភ័យអធិបតេយ្យ ឬនយោបាយ ក្របខ័ណ្ឌហិរញ្ញវត្ថុសាធារណៈរយៈពេលមធ្យម ចំណាយទាក់ទិននឹងលក្ខន្តិកៈរបស់ក្រុមហ៊ុន
Source: Samdech Chuon Nath Khmer dictionary and Khmer lexicons.