Skip to content

សភា

[សៈ–]
  1. ន ( សំ. បា. ) ទីប្រជុំ, ការប្រជុំ, ទីសម្រាប់ប្រជុំពិភាក្សាកិច្ចការ; សមាគម
    កណ្ដាលសភា កណ្ដាលទីប្រជុំ, កណ្ដាលជំនុំ ។
    វចនានុក្រម សម្ដេចសង្ឃរាជ ជួនណាត
  2. ន សភាគារ ( សំ. បា. សភា + អគារ "ផ្ទះ, រោង" ) ផ្ទះ, រោង, មន្ទីរ សម្រាប់ប្រជុំ; សាលាជំនុំការ ( ហៅ សភាគ្រឹះ ឬ សភាមន្ទីរ, –មាល; –ស្ថាន ក៏បាន ) ។ សភាចារ ( សំ. បា. សភា + អាចារ ) បែបបទ, ច្បាប់, សណ្ដាប់ របស់ការប្រជុំ ។ សភានាយក ( –យក់ ) នាយក, អធិបតី របស់ក្រុមជំនុំ; ចាងហ្វាងក្រុមជំនុំ; បើស្ត្រីជា សភានាយិកា ( ហៅ សភាធិបតី, សភាបតី អ. ថ. –ប៉ៈដី ក៏បាន; បើស្រ្តីជា សភាធិបតានី, សភាបតានី អ. ថ. –ប៉ៈ– ) ។ សភានុនាយក ( –យក់; សំ. បា. សភា + អនុ "រង, លំដាប់, បន្ទាប់" + នាយក ) នាយករង, អធិបតីរង របស់ក្រុមជំនុំ ( បើស្រ្តីជា សភានុនាយិកា ) ។ សភាលិបិការ ស្មៀនរបស់ក្រុមប្រជុំប្រឹក្សាកិច្ចការ ( បើស្ត្រីជា សភាលិបិការិកា ) ។ សភាលេខាធិការ, សភាលេខានុការ លេខាធិការ, លេខានុការ របស់ក្រុមប្រជុំពិភាក្សាកិច្ចការ ( បើស្ត្រីជា សភាលេខាធិការិកា, សភាលេខានុការិកា ) ។ សភាវិសាមញ្ញ ( –ម៉ាញ់ ) សភាជាវិសាមញ្ញ, សន្និបាតប្លែកពីធម្មតា, ការប្រជុំប្លែកខុសពីពេលធម្មតា ដែលបានកំណត់ទុកពីមុនមក
    រដ្ឋសភា តែងបើកសភាវិសាមញ្ញក្នុងករណីដែលមានកិច្ចការជាពិសេសហើយជាបន្ទាន់។
    វចនានុក្រម សម្ដេចសង្ឃរាជ ជួនណាត
  3. ន សភាស័ទ អ្នកខ្នះខ្នែងកិច្ចការក្នុងទីប្រជុំឬក្នុងសមាគម ។ សភាសមាជិក ( –សៈម៉ា– ) ក្រុមជំនុំ ( ក្រៅពីសភានាយកនិងសភានុនាយក ); បើស្ត្រីជា សភាសមាជិកា ។ សភាសាមញ្ញ សន្និបាតតាមធម្មតា គឺការប្រជុំតាមពេលវេលាដែលបានកំណត់ទុកជាស្រេច ។ ល ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

កម្ពស់ ឈាម ភ្លាម ក្សត្រ សួរ ហ្នឹង ព្រហ្ម តារាងខួប ចក្រភព ទាក់ ថ្លា កំពូល រោង ធនាគារ កសិកម្ម ដូង ប្រហោង លោ ព្យាបាល ផ្ទុយ តុ ប្រជាជាតិ ម៉ាសអាតូម ជញ្ជាំង

Source: Samdech Chuon Nath Khmer dictionary and Khmer lexicons.