សមាន
[សៈម៉ាន៉ៈ]- គុ ( សំ. បា. ) ស្មើ, ស្មើគ្នា, ប៉ុនគ្នា, ដូច, ដូចគ្នា, ជាមួយគ្នា; ដែលត្រូវគ្នា ។ សមានគតិ (–គៈតិ ) ដំណើរប្រព្រឹត្តស្មើគ្នា; អ្នកដែលមានគតិស្មើគ្នា, ដែលមានសេចក្ដីយល់ត្រូវគ្នា ។ សមានគុណ គុណស្មើគ្នា; អ្នកដែលមានគុណសម្បត្តិស្មើគ្នា ។ សមានគោត្ត ឬ –គោត្រ គោត្រស្មើគ្នា; អ្នកដែលមានគោត្រស្មើគ្នា, ដែលមានសែត្រូវគ្នា ( ប្រើជា សមគោត្ត ឬ –គោត្រ ក៏បាន ) ។ សមានចិត្ត ចិត្តស្មោះស្មើ, ចិត្តដែលមានសភាពទោរទន់រកគ្នាដោយសេចក្ដីស្រឡាញ់មានសមានចិត្ត, ប្រកបដោយសមានចិត្ត ។វចនានុក្រម សម្ដេចសង្ឃរាជ ជួនណាត
- គុ សមានច្ឆន្ទ ( សៈម៉ាន៉ាច់-ឆ័ន-ទៈ ឬ –ឆ័ន ) បំណងស្មើគ្នា; អ្នកដែលមានបំណងស្មើគ្នា ។ សមានជន ជនស្មើភាពគ្នា, ជនស្មើស័ក្ដិ ។ សមានជាតិ ជាតិស្មើគ្នា, ជាតិត្រូវគ្នា ( សមជាតិ ) ។ សមានជាតិក ឬ –ជាតិកៈ អ្នកដែលមានជាតិស្មើគ្នា ( បើស្ត្រីជា សមានជាតិកា ) ។ សមាននាម ឈ្មោះត្រូវគ្នា, អ្នកដែលមានឈ្មោះត្រូវគ្នា ។ ( ព. វ. សាធារណនាម ) ។ សមានសំវាស ឬ –សង្វាស ( –ស័ង ឬ សង់-វ៉ាស ) សង្វាសស្មើគ្នា គឺការនៅរួមគ្នា ។ ព. ពុ. ការធ្វើឧបោសថសង្ឃកម្មរួមគ្នាបាន; ភិក្ខុដែលរួមធ្វើសង្ឃកម្មជាមួយគ្នាបាន ( មិនរង្កៀសចិត្តនឹងគ្នា ) ។ សមានានុភាព ( សៈម៉ាន៉ា–; បា. < សមាន + អានុភាវ ) អានុភាពស្មើគ្នា; អ្នកដែលមានអានុភាពស្មើគ្នា ។ សមានាសន (សៈម៉ាន៉ាសៈន៉ៈ; បា. < សមាន + អាសន ) កន្លែងអង្គុយស្មើគ្នា ។ សមានាសនិក អ្នកដែលមានកន្លែងអង្គុយស្មើគ្នា ( បើស្ត្រីជា សមានាសនិកា ) ។ ល ។ ( ម. ព. សម គុ. ផង ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ក្រសោប ខើច ទ្រនុង មេមត់ សន្មតិ ជ្រើម បុត្ត វាងវៃ នឹម ចម្រាញ់ សំណ អម្ពិល ពពែ កំពត ភ្លៅ សម្បើម វេញ កុហក កន្លង់ អ្នកផង ត្បាល់ តម្រា ពោះវៀន ទំពាំង
Source: Samdech Chuon Nath Khmer dictionary and Khmer lexicons.