សាលព្រឹក្ស
[សាល៉ៈព្រឹក]- ន ( សំ. សាល + វ្ឫក្ស; បា. សាល + រុក្ខ ) ឈ្មោះឈើមួយប្រភេទ មានស្លឹកវែងៗ ស្រួចៗ ជាឈើធំ មានផ្កាចេញទងពីតួដើម និងពីមែកធំៗផ្កាមូលៗធំៗ ( មានសណ្ឋានស្រដៀងនឹងនាគម៉ុងសាយចិន ) សម្បុរក្រហមលាយលឿង មានក្លិនក្រអូបឈ្ងប់ រីកហើយឆាប់រោយទៅវិញ ជ្រុះត្របកនិងកេសរមករោយរាយលើផែនដី ផ្លែមូលៗធំៗជាងផ្លែក្របៅ ក្នុងមួយឆ្នាំៗជ្រុះស្លឹកអស់រលីងច្រើនដង ហើយលាស់ត្រួយខ្ចីភ្លាមៗ មិនបង្អង់យូរ ។ ល ។ ព្រះសិទ្ធត្ថសក្យមុនីគោតម ទ្រង់ប្រសូត្រទាំងទ្រង់បរិនិព្វានផងដែរនៅក្រោមដើម សាលព្រឹក្ស នេះ (ខ្មែរធ្លាប់យល់មកថា ដើមរាំងភ្នំ ផ្ទុយពីការពិត ) ។ ឈើនេះមានឈ្មោះហៅបានបីយ៉ាងគឺហៅថា សាលព្រឹក្ស ក៏បាន, ហៅ អស្សកណ្ណព្រឹក្ស ក៏បាន, ហៅ សជ្ជព្រឹក្ស ក៏បាន ។ កាលពីក្នុងបុរាណសម័យ ឈើនេះមានតែឯប្រទេសឥណ្ឌា, សព្វថ្ងៃនេះមានសម្បូរណ៍ក្នុងប្រទេសកម្ពុជា ច្រើនតែក្នុងវត្តអារាមនៃភិក្ខុសង្ឃ, ជាឈើមានគ្រាប់ងាយបណ្ដុះងាយដាំតាមតែដីបែបណាក៏ដាំបានដែរ ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
សយ្យាសន៍ ផ្ទំ សរទរដូវ សព្វញ្ញូ សរស្វតី មេន ហ្ល័ក រ៉ឹង សារត្រា សារធម្ម ព្រាហ្មណី សារូប សុជាតា ភាស៊ី សុល្ក សូករ សូទៈ ស៊ុបទ្រុប សេទជ សោតប្បសាទ ប៉ក ស្រគុក ច្រកផ្លូវ ស្កាញ
Source: Samdech Chuon Nath Khmer dictionary and Khmer lexicons.