សុរ
[—រ៉ៈ]- ន ( សំ. បា. ) ទេវតា ។ សុរកុល រោងឬអាស្រមប្រតិស្ឋានទេវរូប ។ សុរក្រឹត ដែលកើតអំពីទេវតាធ្វើ, ដែលទេវតានិមិ្មតរូបសុរក្រឹត ។វចនានុក្រម សម្ដេចសង្ឃរាជ ជួនណាត
- ន សុរគជ ( —គច់ ) ដំរីឯរាវ័ណ ។ សុរគណៈ ឬ សុរនិកាយ ពួកទេវតា ។ សុរគត (—គត់) ទៅកើតជាទេវតាហើយ (ស្លាប់); ខ្មែរប្រើជាពាក្យហៅការទទួលមរណភាពនៃខត្តិយជាតិ តាំងពីទីព្រះអង្គម្ចាស់ចុះមក ។ សុរគិរី ភ្នំព្រះសុមេរុ៍ ។ សុរចាប ធ្នូទេវតា (ឥន្ទធនូ) ។ សុរជន ជនជាទេវតា (ទេវតា) ។ សុរជេដ្ឋ ( —ជេត ) ព្រហ្ម ។ សុរដ្ឋាន ឬ —ស្ថាន ដូចគ្នានឹង សុរកុល ។ សុរទ្រុម ដូចគ្នានឹង សុរព្រឹក្ស ។ សុរបតី ( —ប៉ៈដី), សុរាធិបតី ( —រ៉ា-ធិ-ប៉ៈដី; សំ. បា. < សុរ + អធិបតិ ) ឬ សុរនាថ ព្រះឥន្រ្ទ ។ សុរបថ ( —បត់ ) ផ្លូវទេវតា (អាកាស) ។ សុរព្រឹក្ស ដើមកល្បព្រឹក្ស ។ សុររាជ ស្ដេចទេវតា; ព្រះឥន្រ្ទ ។ សុរលោក ឋានសួគ៌ ។ សុរស្ត្រី ឬ សុរាង្គនា ( —រ៉ាង-គៈនា; សំ. < សុរ + អង្គនា "ស្រ្តី" ) ស្ត្រីអប្សរ, ស្រីសួគ៌ ។ សុរាទ្រិ ( —រ៉ា-ទ្រិ; សំ. < សុរ + អទ្រិ "ភ្នំ" ) ភ្នំព្រះសុមេរុ៍ ។ សុរានុភាព ( សំ. បា. < សុរ + អានុភាវ ) អានុភាពនៃទេវតា ។ សុរាយុធ ឬ សុរាវុធ( សំ. < សុរ + អាយុធ ឬ បា. < សុរ + អាវុធ ) អាវុធទេវតា ។ សុរាល័យ ( —រ៉ាល៉ៃ; សំ. បា. < សុរ + អាលយ "លំនៅ") ឋានសួគ៌; ប្រាសាទឬរោងជាដើម ដែលសន្មតថាជាលំនៅនៃទេវតា ( ប្រើក្លាយជា សុលាល័យ ក៏មាន ) ។ សុរាស្រ័យ ( សំ. < សុរ + អាឝ្រយ ) ភ្នំព្រះសុមេរុ៍ ។ សុរិន្ទ ឬ សុរេន្ទ្រ ( បា. < សុរ + ឥន្ទ ឬ សំ. < សុរ + ឥន្ទ្រ) អ្នកដែលជាធំជាងពួកទេវតា, ស្ដេចទេវតា ( ព្រះឥន្រ្ទ ) ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
កិតនាម សាធារណដ្ឋាន វ័ណ្ដ សារតាំង សារភាព ព្រះបរមសាស្តា បំពេញរាជ្យ ហារិនី សុជាត សិញ នាកាល រូបា មំសៈ ស៊ូទ្រូ ឈើសូល សើក ស្រប៉េក ក្រវេច សេក្ខបុគ្គល សោតា អសេក្ខបុគ្គល សោទរ សោភិនី បាបគ្រោះ
Source: Samdech Chuon Nath Khmer dictionary and Khmer lexicons.