សូរសព្ទភាសា
- ភាសាវិទ្យា នៅក្នុងសៀវភៅ Cours de linguistique générale របស់គាត់ ភាសាវិទូឈ្មោះ Ferdinand de Saussure បានប្រើបច្ចេកសព្ទ “signe linguistique” ជំនួស “mot” ពីព្រោះនៅពេលនោះ គេយល់ថា “mot” ជាសំណេរឬជាផ្លាក(plaque/étiquette)មួយសម្រាប់ដាក់លើវត្ថុ(objet)មួយ។ តាមគាត់ ការយល់បែបនេះជាការភាន់ច្រឡំទាំងស្រុង ពីព្រោះ “ពាក្យ” មិនមែនជាផ្លាកមួយសម្រាប់ដាក់លើវត្ថុមួយឬជាសហកម្ម(union)រវាងឈ្មោះមួយនិងវត្ថុមួយនោះទេ ប៉ុន្តែជាសហកម្មមិនអាចបំបែកបានរវាង “image acoustique” និង “concept”។ ក្រោយមក លោក Saussure ហាក់ដូចជាបារម្ភក្រែង “image acoustique” នាំគេឱ្យគិតទៅដល់គ្រឿងដែលទាក់ទាញភ្នែក ផ្ទុយពីអ្វីដែលគាត់ចង់ឱ្យគេយល់តាមគាត់ (ទោះមានពាក្យ “acoustique” អមផងក៏ដោយ)។ តាមគាត់ “image acoustique” ជាសូរសុទ្ធសាធ ជាទម្រសូរដែលយើងស្ដាប់ឮ កាលណា “signe linguistique” ត្រូវបានគេបន្លឺឡើង។ ដោយគាត់បារម្ភអំពីន័យមិនច្បាស់លាស់របស់ “image acoustique” នេះផងនិងដោយ “concept” ជាពាក្យធម្មតាដែលខ្វះ “បច្ចេកភាព” ផង ភាសាវិទូរូបនេះបានជំនួសពាក្យទាំងនេះ ជាលំដាប់លំដោយ ដោយ “signifiant” និង “signifié”។ បើយើងប្រែចំៗ ពាក្យមួយសងពាក្យមួយ យើងអាចប្រែ “signe linguistique” ថា “សញ្ញាភាសា” ប៉ុន្តែ ដោយក្នុងភាសាខ្មែរ “សញ្ញា” ច្រើនសម្គាល់គំនូស យើងសូមប្រែ “signe linguistique” ថា “សូរសព្ទភាសា” វិញ ដើម្បីឱ្យឃ្លាតឆ្ងាយពីគំនិតខុស ដែលយល់ថា “ពាក្យ” ជាសំណេរនោះឯង។ ដូច្នេះ សូរសព្ទភាសាជាសហកម្មមិនអាចបំបែកបានរវាង “signifiant” និង “signifié” *។ លោក Saussure អាចរក្សាទុកនូវពាក្យ “mot” ហើយគ្រាន់តែប្រកាសបញ្ជាក់ថា “mot” មិនមែន ជាសំណេរទេ (សំណេរគ្រាន់តែជាការកត់ត្រា “mot” ដោយអក្សរប៉ុណ្ណេះ) ប៉ុន្តែ បើគាត់ធ្វើបែបនេះ គាត់មិនអាចកម្ចាត់គំនិតខុសបានឡើយពីព្រោះ ឱ្យតែឮ“mot”ភ្លាម គេគិតទៅដល់សំណេរភ្លាម។ ដោយសារការប្រើពាក្យ “signe linguistique” គាត់បានកម្ចាត់ការភាន់ច្រឡំថា “mot” ជាសំណេរបានដោយជោគជ័យ កំណត់សម្គាល់ : យើងប្រែ “signifiant” ថា “ន័យករ” និង “signifié” ថា “ន័យបញ្ញត្តិ” ជាលំដាប់លំដោយ។ភាសាវិទ្យា
Look up another word in the Khmer Dictionary
More words
ត្រូម៉ា សញ្ញាណ និទាឃរដូវ ភី ហូប ឧត្តមគតិ តម្លៃសច្ចភាព រើសអើង មូលធននិយម អ្នកពាក់ព័ន្ធ ទេសភាព ផ្លាញ មូលតា សម្ព័ន្ធវិទ្យា ខ្នងអណ្ដាត ចក្រភពរ៉ូម ម៉ែត្រគូប អ្នកការទូត បម្លាស់លំនៅ ខ្សែអេក្វាទ័រ នវានុវត្តន៍ ប៉ៃលិន មនុស្សធម៌ ការរំលោភបំពាន
Source: Samdech Chuon Nath Khmer dictionary and Khmer lexicons.