សូហ្វ៊ីស
- ទស្សនវិទ្យា កាលពីដំបូង ពាក្យ សូហ្វីស សំដៅយកមនុស្សដែលប្រកបដោយគតិបណ្ឌិតដូចជាកវីនិពន្ធ អ្នកព្យាករ ព្រឹទ្ធាចារ្យប្រកបដោយភាពឈ្លាសវៃ។ ប៉ុន្តែនៅក្នុងសតវត្សរ៍ទី៥ មុនគ្រិស្តសករាជ ពាក្យ សូហ្វីស សំដៅយកបច្ចេកសព្ទពិសេសមួយដែលមានន័យថា គ្រូបង្រៀន ជំនាញដែលបានដើរផ្សងព្រេងពីទីក្រុងមួយទៅទីក្រុងមួយ ដើម្បីបង្រៀនមុខវិជ្ជាជាច្រើន ដែលមិនធ្លាប់មានពីមុនមកដូចជាវោហារសាស្ត្រ ភាសាវិទ្យាជាដើម ដែលយុវជនក្រិកត្រូវការជាចាំបាច់ដើម្បីបញ្ចុះបញ្ចូលអ្នកនយោបាយ។ សូហ្វីស បានយកថ្លៃបង្រៀនពីសិស្ស ដែលមករៀនជាមួយពួកគេ។ នៅក្នុងពេលនោះ ពាក្យ សូហ្វីស មិនមានន័យអវិជ្ជមានឬន័យអាក្រក់ទេ។ ពួកសូហ្វីសមិនមែនចេញមកពីនិកាយណាមួយ ហើយភាគច្រើននៃពួកគេក៏មិនមែនជាទស្សនវិទូដែរ។ ក្នុងចំណាមពួកសូហ្វីសដែលល្បីល្បាញបំផុតមានប្រូតាហ្គោរ៉ាស(Protagoras) ហ្គ័រហ្ស៊ីយ៉ាស(Gorgias) ត្រាស៊ីម៉ាជុស(Thrasymachus) ប្រូឌីគុស(Prodicus) ហ៊ីប្យាស(Hippias)។ ក្រោយពីជំនាន់ពួកសូហ្វីសខាងលើមកពាក្យសូហ្វីសមានអត្ថន័យអវិជ្ជមានរហូតមកដល់បច្ចុប្បន្ន។ ការប្រែប្រួលដ៏ធំនេះ មកពីការឃោសនាជំទាស់របស់ប្លាតុងនិងអារីស្តូតដែលចោទពួកសូហ្វីសថាជាអ្នករកលុយពីការបង្រៀនរបស់ពួកគេនិងយកតម្លៃខ្ពស់ក្នុងការបង្រៀនបច្ចេកទេសយកឈ្នះក្នុងការតស៊ូមតិ។ ពួកសូហ្វីសជាច្រើនជាគោលដៅចំអកនៅក្នុងអត្ថបទសន្ទនារបស់ប្លាតុង ហើយក្រោយមកពួកសូហ្វីសត្រូវបានញែកចេញពីអ្នកប្រកបមុខវិជ្ជាខាងបញ្ញាដោយពិតប្រាកដ។ ប៉ុន្តែផ្ដើមពីការខ្វះខាតខាងព័ត៌មានសម្រាប់ដំណើរការពួកសូហ្វីសប្រៀបដូចជាអ្នករួមគ្នា បង្កើតចលនាសេរី ដែលបង្កជាភាពសង្ស័យក្នុងប្រពៃណី និងក្នុងចំណុចខ្លះនៃការបំភ្លឺ។ ពួកសូហ្វីសបានរួមវិភាគទានដ៏សំខាន់នៅក្នុងប្រវត្តិសាស្ត្រនៃការគិតក្នុងជំនាញវេយ្យាករណ៍និងទ្រឹស្តីភាសាវិទ្យា សីលធម៌ និងទ្រឹស្តីនយោបាយ ទ្រឹស្តីអំពីធម្មជាតិ និងប្រភពរបស់មនុស្សនិងសង្គម។ ដោយគ្មានសំណេររបស់សូហ្វីសណាម្នាក់នៅសល់ ដូច្នេះវាជាការលំបាកក្នុងការកែតម្រូវបុរេនិច្ឆ័យពីមុនដែលប្រឆាំងនឹងពួកសូហ្វីស។ (ពាក្យនេះ គេប្រើនៅក្នុងទស្សនវិជ្ជាក្រិកបុរាណសម័យ។ )ទស្សនវិទ្យា
Look up another word in the Khmer Dictionary
More words
ហ្វូស្វរ អង់ទីម៉ន អ៊ែប្យូម អាល់ស៊ីន អេល៉្យូម គុណូបការ លូធែនិយម វិញ្ញុជន វិញ្ញូជន សាកលរូបី ស៊ីរ៉េណៃ សម្មាសតិ អទេវនិយម អសារនិយម អេកាស្យា នាដ្យកថា បច្ចេករស ប្រលោមរស ពាហិរទាន សង្គមធម៌ សីលបារមី សុន្ទររស ឈ្នាប់ចង ពាក្យគោល
Source: Samdech Chuon Nath Khmer dictionary and Khmer lexicons.