Skip to content

ស្តាលីននិយម

  1. វិទ្យាសាស្ត្រនយោបាយ ទ្រឹស្តីនិងមនោគមវិជ្ជាកុម្មុយនីស្តស្ដីពីគោលការណ៍នយោបាយសេដ្ឋកិច្ចនិងសង្គម និងគោលនយោបាយដែលត្រូវបានបង្កើតឡើងនិងអនុវត្តក្នុងចន្លោះឆ្នាំ១៩២៨ដល់ឆ្នាំ១៩៥៣ ដោយលោក ចូសែប ស្តាលីន(Joseph Stalin) នៅពេលដែលគាត់ជាអគ្គលេខាធិការនៃគណៈកម្មាធិការកណ្ដាលនៃបក្សកុម្មុយនីស្តសហភាពសូវៀត។ មនោគមវិជ្ជានេះគាបសង្កត់យ៉ាងខ្លាំងទៅលើទស្សនៈនយោបាយឬមនោគមវិជ្ជាដែលមាននិន្នាការប្រឆាំងការប្រមូលផ្ដុំអំណាចនៅក្នុងដៃមនុស្សម្នាក់និងគោលនយោបាយអន្តរជាតិបែបឈ្លានពាន។ មនោគមវិជ្ជាស្តាលីននិយមស្ដែងចេញពីការប្រកួតប្រជែងពង្រឹងគោលជំហរមនោគមវិជ្ជានៅក្នុងនយោបាយសហភាពសូវៀត ដែលបានបន្តពង្រីកឥទ្ធិពលនិងអំណាចពេញមួយសម័យកាលនៃសហភាពសូវៀត ដោយឈរលើគោលការណ៍៣ធំៗ គឺ ១- ការធ្វើសហករណ៍នីយកម្មកសិកម្ម, ២- ការធ្វើឧស្សាហូបនីយកម្មឆាប់រហ័ស, ៣- ការធ្វើបដិវត្តន៍វប្បធម៌ដោយផ្លាស់ប្ដូរអ្នកដឹកនាំពួកគហបតីដោយដាក់ផ្លាស់ប្ដូរអ្នកដឹកនាំពួកគហបតីហើយជំនួសដោយមេដឹកនាំក្រហម។ ឧ. ក្នុងអំឡុងពេលធ្វើសហករណ៍នីយកម្មកសិកម្ម កសិដ្ឋានរបស់កសិករឬកសិករដែលមានជីវភាពធូរធាររាប់លាននាក់ត្រូវបានដកហូត ហើយបង្ខំឱ្យទៅធ្វើការក្នុងកសិដ្ឋានសមូហភាពដ៏ធំ។ ប្រសិនបើពួកគេប្រឆាំង(ឬក៏ត្រូវបានគេសង្ស័យថាទំនងជាប្រឆាំង) ពួកគេត្រូវបានបាញ់សម្លាប់ឬបញ្ជូនទៅជំរំការងារដោយបង្ខំនៅស៊ីបេរី ឱ្យអត់ឃ្លានឬត្រជាក់ខ្លាំងរហូតដល់ស្លាប់។ ជាលទ្ធផល កង្វះខាតស្បៀងអាហារ រួមមានគ្រោះទុរភិក្សនៅអ៊ុយក្រែនក្នុងចន្លោះឆ្នាំ១៩៣២-១៩៣៣ ដែលមនុស្សជាច្រើនលាននាក់បានអត់ឃ្លាន ហើយមនុស្សជាច្រើនទៀតបានរងគ្រោះដោយកង្វះអាហារូបត្ថម្ភ និងជំងឺផ្សេងៗ។
    វិទ្យាសាស្ត្រនយោបាយ

Look up another word in the Khmer Dictionary

More words

សម្រុតល្បាយ សសរគ្រឹះខួង សសរគ្រឹះបុក អ័ក្សរង្វិល កសិកម្មនិយម ថាច់ឈ័រនិយម បដិបក្ខនិយម ប្រជាភិថុតិ រដ្ឋទ្រនាប់ រដ្ឋសមរភូមិ សត្រូវសួពូជ សុខុមាលរដ្ឋ អំពើអាទិទេព ច្បាប់គ្រីម ឆ្មូលសទ្ទតា តំណទេសយោបាយ ទម្លាប់វាចា បច្ឆិមបូរណ៍ បទបង្កើតសូរ បម្លែកសង្គម បំបែកសទ្ទតា ភាសាបងប្អូន វិធីសមបទសូរ សមានកម្មសូរ

Source: Samdech Chuon Nath Khmer dictionary and Khmer lexicons.