ហិរញ្ញប្បទាន
- វិទ្យាសាស្ត្រសេដ្ឋកិច្ច ១) ការផ្ដល់ហិរញ្ញវត្ថុ ការឱ្យខ្ចី ការផ្ដល់ប្រាក់ ការផ្ដល់ទុន ឬការផ្ដល់ឱ្យនូវធនធានសម្រាប់ទ្រទ្រង់ដំណើរការអនុវត្តគម្រោងធុរកិច្ចណាមួយ។ ដំណើរនៃការធ្វើហិរញ្ញប្បទានគឺជាប់ពាក់ព័ន្ធទាំងអ្នកផ្ដល់និងអ្នកទទួលឬអ្នកសុំខ្ចី។ ដូច្នេះក្នុងការអនុវត្តជាក់ស្ដែងពាក្យ«ហិរញ្ញប្បទាន»គឺសំដៅដល់ការផ្ដល់និងការទទួលប្រាក់ឬមូលនិធិសម្រាប់គាំទ្រដំណើរ ការគម្រោងធុរកិច្ចអ្វីមួយ។ ២) តាមទស្សនាទានទំនើបពាក្យ«ហិរញ្ញប្បទាន»មានពីរប្រភេទគឺហិរញ្ញប្បទានទ្រព្យម្ចាស់និងហិរញ្ញប្បទានបំណុល(equity financing and debt financing)។ ហិរញ្ញប្បទានទ្រព្យម្ចាស់គឺសំដៅដល់ការកៀរគរធនធានហិរញ្ញវត្ថុតាមរយៈការបោះផ្សាយនិងលក់នូវមូលបត្រទ្រព្យម្ចាស់(equity securities)ដូចជាសន្លឹកហ៊ុនជាដើម។ ចំណែកឯហិរញ្ញប្បទានបំណុលគឺសំដៅដល់ការកៀរគរធនធានហិរញ្ញវត្ថុ តាមរយៈការបោះពុម្ពផ្សាយនិងលក់នូវមូលបត្របំណុល(debt securities)ដូចជាសញ្ញាបណ្ណនិងបណ្ណបំណុលដទៃទៀតនៅក្នុងទីផ្សារហិរញ្ញវត្ថុឬផ្សារទុន។វិទ្យាសាស្ត្រសេដ្ឋកិច្ច
Look up another word in the Khmer Dictionary
More words
កាច បែង បង្គាប់ ឆ្ពោះ សែន អគ្គ កម្រើក ច្រមុះ សុទ្ធ ដង្ហើម ចួន ដូរ ទីប្រឹក្សា នត្ថិ សើច លំនៅ ភ្លេច អាស៊ី កោះ ជ័រ ស្ងួត ក្រដាស បូជា យោធា
Source: Samdech Chuon Nath Khmer dictionary and Khmer lexicons.