Skip to content

អនិច្ច

[អៈនិច-ចៈ ឬ —និច]
  1. គុ ( បា. < ន > អ "មិន, ពុំ, ឥត" + និច្ច "ទៀង" ; សំ. អនិត្យ ) ដែលមិនទៀង, មិនឋិតថេរ, ពុំប្រាកដ; ដែលតែងតែប្រែប្រួលតាមធម្មតា ។ ព. ផ្ទ. និច្ច, និត្យ ។ បើរៀងភ្ជាប់ពីខាងដើមសព្ទដទៃ អ. ថ. អៈនិច-ចៈ, ដូចជា អនិច្ចកម្ម កម្មមិនទៀង; ( សេចក្ដីស្លាប់ ) : ទទួលអនិច្ចកម្ម ( ព. គ. សម្រាប់សាធារណជនជាគ្រហស្ថ ) ។ អនិច្ចកាល កាលមិនទៀង; មិនមែនរាល់កាល ( ព. ផ្ទ. និច្ចកាល ) ។ អនិច្ចតា ឬ —ភាព ភាវៈឬដំណើរមិនទៀង ។ អនិច្ចតាធម៌ ធម៌គឺភាវៈមិនទៀង, សេចក្ដីមិនទៀង ។ អនិច្ចធម្ម ធម៌មិនទៀង ( សេចក្ដីស្លាប់ ) : ទទួលអនិច្ចធម្ម ( សម្រាប់ប្រើចំពោះតែបព្វជិត ) ។ អនិច្ចលក្ខណៈ ការសម្គាល់ឃើញ ឬគ្រឿងកំណត់ឃើញថា បញ្ចក្ខន្ធឬអាយតនៈជាដើមមិនទៀង ។ អនិច្ចសញ្ញា សេចក្ដីសម្គាល់ឃើញថាបញ្ចក្ខន្ធឬអាយតនៈជាដើមមិនទៀង ។ អនិច្ចានុបស្សនា ( —ប៉័ស-សៈន៉ា ) ប្រាជ្ញាដែលពិចារណាឃើញថាបញ្ចក្ខន្ធឬអាយតនៈជាដើមជាអនិច្ចតាធម៌ ។ អនិច្ចានុបស្សី ( —ប៉័ស-សី ) អ្នកដែលតែងតែពិចារណាឃើញនូវអនិច្ចតាធម៌ ( បើស្ត្រីជា អនិច្ចានុបស្សិនី ) ។ ល ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

អនាកុល អនាកូល អនាគត— អនាគមា អនាគារ អនាចារ អនាទរ— អនាមយ— អនាល័យ អនាវាស អនាសវ— អនាសវា អនិយម— អនុទូត អនុបធិ អនុបមា អនុយោគ អនុសារ អនេសនៈ អនេសនា អនោកាស អន្តរ— អន្តាយ អន្តឺត

Source: Samdech Chuon Nath Khmer dictionary and Khmer lexicons.