Skip to content

អន្តរ

[អ័ន-ដ ឬ អន់-តៈរ៉ៈ]
  1. ន ( សំ. បា. ) ចន្លោះ, រវាង; ដទៃ; រយៈ; ប្រហោង, រូង, រន្ធ; ទោសភ្លាំងភ្លាត់; ឱកាស; ចំណែកឬប៉ែកខាងក្នុង; ចិត្ត, វិញ្ញាណ; សំពត់, សំពត់ស្លៀក ។ អន្តរកប្ប ( —ក័ប ) កប្បជាចន្លោះឬក្នុងរវាងនៃកប្បមួយៗ ។ ច្រើននិយាយថា កើតអន្តរកប្ប ( —អន់-ដ-រ៉ៈក័ប ឬ អន់-ដ-ក័ប ) សំដៅសេចក្ដីថា "កើតជម្លោះវាយកាប់ចាក់គ្នា" : កំពុងតែសុខៗ ស្រាប់តែស្រុកទេសកើតអន្តរកប្ប ។ អន្តរការណ៍ ឬ —ហេតុ ការណ៍ដែលនាំឲ្យទើសទាក់, រឿងហេតុទើសទាក់, ឧបសគ្គ; ហេតុជាទោស ។ អន្តរកាល ឬ —សម័យ កាលឬសម័យដែលមានហេតុនាំឲ្យទើសទាក់ពុំស្រួល ។ អន្តរគវេសី ( —គៈ— ) អ្នកស្វែងឬរំពៃរកទោសគេ ( បើស្ត្រីជា អន្តរគវេសិនី ) ។ វេវ. រន្ធគវេសី, រន្ធគវេសិនី ។ អន្តរគ្រឹះ ចន្លោះផ្ទះ ។ អន្តរជាតិ ជាតិដទៃ, ជាតិនានា ។ អន្តរាត្ម័ន ឬ អន្តរាត្មា ( < អន្តរ + អាត្មន៑, អាត្មា ) ចិត្តឯង, ខ្លួនឯង; ក្នុងចិត្ត; ក្នុងខ្លួន ។ អន្តរាបត្តិ ( < អន្តរ + អាបត្តិ ) អាបត្តិក្នុងចន្លោះ គឺអាបត្តិសង្ឃាទិសេសដែលភិក្ខុត្រូវក្នុងកាលកំពុងនៅបរិវាស ( ព. វិ. ពុ. ) ។ ល ។ ប្រើរៀងភ្ជាប់ពីខាងចុងសព្ទដទៃក៏បាន, ដូចជា ពុទ្ធន្តរ, លោកន្តរ ជាដើម ( ម. ព. ទាំងនេះ ) ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

គ្រវាត់ កាស អាណិត ទ័ល សមាគម រក្ស បណ្ដឹង ទោះជា យុត្តិធម៌ សេរីភាព ស្ម័គ្រ បេតុង ផ្ដោត គណបក្ស ប្រយោគ ស៊ូ សភាវៈ វង់ កល់ ទំនុកបម្រុង ផ្ទៀង អៀន តំណ អចលនវត្ថុ

Source: Samdech Chuon Nath Khmer dictionary and Khmer lexicons.