អប្ប
[អ័ប-ប៉ៈ]- គុ ( បា.; សំ. អល្ប ) តិច; តូច; ស្ដួចស្ដើងឬស្ដើងស្ដួច ។វចនានុក្រម សម្ដេចសង្ឃរាជ ជួនណាត
- គុ ប្រើរៀងភ្ជាប់ពីខាងដើមសព្ទដទៃ, ដូចជា អប្បគ្ឃព័ស្តុ, —ភណ្ឌ ឬ —វត្ថុ ( អ័ប-ប៉័ក-ឃៈ— ) របស់ដែលមានតម្លៃតិច ។ អប្បទ្រព្យ ឬ —ធន ទ្រព្យតិច; អ្នកដែលមានទ្រព្យតិច ( ម. ព. អបទ្រព្យ ឬ អបធន ក្នុងពាក្យ អប និ. ផង ) ។ អប្បបញ្ញា ឬ —ប្រាជ្ញា ប្រាជ្ញាតិច, ប្រាជ្ញាអន់ ។ អប្បបរមា ( អ័ប-ប៉ៈប៉ៈរ៉ៈម៉ា ) ន. ឬ គុ. ( បា. ស. < អប្ប + បរម គុ. ) កម្រិតយ៉ាងតិចឬយ៉ាងតូចបំផុត; ដែលតិចបំផុត, ដែលមានកំណត់យ៉ាងតូចបំផុត : អប្បបរមានៃសីតុណ្ហភាពនៅប្រទេសកម្ពុជា គឺ ១៤ អង្សា ( បារ. Minimum ) ។ ព. ផ្ទ. អតិបរមា ។ អប្បបរិមាណ ( —ប៉ៈរ៉ិម៉ាន ) បរិមាណតិច, ចំនួនយ៉ាងតិច ( ម. ព. បរិមាណ ផង ) ។ អប្បពុទ្ធិ
( —ពុត-ធិ ) ដែលមានសេចក្ដីចេះដឹងតិច; ដែលមិនឈ្លាស; ល្ងង់ ។ អប្បភោគ ភោគៈតិច; អ្នកដែលមានភោគៈតិច ( ម. ព. អបភោគ ក្នុងពាក្យ អប និ. ផង ) ។ អប្បលាភ លាភតិច; អ្នកដែលមានលាភតិច ។ អប្បមូល ថ្លៃតិច; ដែលមានតម្លៃតិច : របស់អប្បមូល ។ អប្បវ័យ ដែលនៅក្មេង ។ អប្បវិជ្ជ ឬ អល្បវិទ្យ
( —វិច ឬ អ័ល-ប៉ៈវិត ) អ្នកដែលមានវិជ្ជាតិច, ដែលចេះដឹងតិច ។ អប្បសក្តិ ឬ —ស័ក្តិ ស័ក្តិតូច, អ្នកដែលមានស័ក្តិតូច ( ម. ព. អបសក្តិ ឬ —ស័ក្តិ ក្នុងពាក្យ អប និ. ផង) ។ អប្បសុខ សុខតិច; អ្នកដែលមានសុខតិច ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
សួន អាល័យ ហៃ ពិគ្រោះ ពំនាក់ ធី អារក្ស អំណរ យារ ក្រី ហោះ ទោះបីជា អាវុធនុយក្លេអ៊ែរ ក្រាល កប៉ាល់ អម វ័យ យក្ស ក្រូច មាយា ស្ងោរ តោង ដាវ អន្តរាយ
Source: Samdech Chuon Nath Khmer dictionary and Khmer lexicons.