អភិបាល
[អៈ—]- ន ( សំ. បា. ) អ្នកគ្រប់គ្រង; អ្នកបីបាច់រក្សា, អ្នកថែរក្សា ។ ការគ្រប់គ្រង; ការបីបាច់, ការថែរក្សា ។ អភិបាលខេត្ត ឬ —ខែត្រ មន្ត្រីរក្សាខែត្រ គឺមន្ត្រីអ្នកត្រួតត្រាការរាជការក្នុងខែត្រទាំងមូល ( ចៅហ្វាយខែត្រ ) ។ អភិបាលខែត្ររង មន្ត្រីមានឋានៈរងពីអភិបាលខែត្រមក ។ អភិបាលស្រុក មន្រ្តីរក្សាស្រុកក្នុងខែត្រ ( ចៅហ្វាយស្រុក ) ។ អភិបាលស្រុករង មន្រ្តីមានឋានៈរងពីអភិបាលស្រុកមក ។ ប្រើជា កិ. ផងក៏បាន "គ្រប់គ្រង; បីបាច់, ថែរក្សា" : មាតាបិតាអភិបាលបុត្រ ។ បើរៀងភ្ជាប់ពីខាងដើមសព្ទដទៃ អ. ថ. អៈភិប៉ាល៉ៈ, ដូចជា អភិបាលជន ជនអ្នកអភិបាល ។ អភិបាលជេដ្ឋ អ្នកដែលជាធំក្នុងអភិបាល ។ អភិបាលភាព ភាវៈនៃអភិបាល ។ ល ។ ប្រើរៀងភ្ជាប់ពីខាងចុងសព្ទដទៃក៏បាន អ. ថ. —បាល, ដូចជា ក្សេត្រាភិបាល ឬ ខេត្តាភិបាល អ្នករក្សាខេត្ត; អ្នកចំាស្រែ ។ គ្រឹហាភិបាល ( គ្រឹះហ៊ា— ) អភិបាលផ្ទះ; អ្នកចាំផ្ទះ ។ ទេសាភិបាល អ្នកគ្រប់គ្រងប្រទេស; អធិបតីខែត្រ ។ ទ្វារាភិបាល ឆ្មាំទ្វារ ។ រោគាភិបាល អភិបាលរោគ; អ្នករក្សាជំងឺ ។ សុខាភិបាល អភិបាលឲ្យបានសេចក្ដីសុខ ( មិនឲ្យមានជំងឺ ) : ក្រុមសុខាភិបាល ក្រុមពេទ្យអ្នកថែរក្សាការពារមិនឲ្យសាធារណជនមានជំងឺ . . . ។ ក្រសួងសាធារណសុខាភិបាល ( —រៈណៈ— ) ឈ្មោះក្រសួងពេទ្យក្នុងប្រទេសកម្ពុជា ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ឫកពា កីឡា អធិបតី ផ្ដួច ស្អិត ក្រអូម ខួង ចន្ទ គង បន្ទាន់ អធិប្បាយ វេជ្ជ អនាគត កន្លះ រលាស់ បត្រ សន្និបាត អនុសញ្ញា និរន្តរភាព ទ្រព្យសកម្ម ជលផល ទទឹក កន្ទេល វេច
Source: Samdech Chuon Nath Khmer dictionary and Khmer lexicons.