Skip to content

អសុរ

[អៈសុរ]
  1. ន (សំ. បា. ) គំនិតអាក្រក់; វិញ្ញាណជ្រោកជ្រាក ។
    វចនានុក្រម សម្ដេចសង្ឃរាជ ជួនណាត
  2. ន អមនុស្សពួកមួយ, ទីទៃពីពួកទេវតា, នៅក្នុងអសុរភព មានវេបចិត្តិអសុរិន្ទជាស្ដេច, ជាសត្រូវនៃពួកទេវតានៅឋានត្រ័យត្រិង្ស
    ពួកអសុរ (បើស្ត្រីជា អសុរី អ. ថ. អៈសុរ៉ី, ប៉ុន្តែខ្មែរប្រើក្នុងកាព្យ សំដៅសេចក្ដីថា "អសុរប្រុស" ឬ "យក្សអង់អាច" ក៏មាន, ចួនប្រើជា អសុរា (អៈសុរ៉ា) សំដៅចំពោះអសុរប្រុសច្រើននាក់ឬតែម្នាក់ក៏មាន; ចំពោះយក្សប្រុសច្រើននាក់ឬតែម្នាក់ក៏មាន) ។
    វចនានុក្រម សម្ដេចសង្ឃរាជ ជួនណាត
  3. ន បើរៀងភ្ជាប់ពីខាងដើមសព្ទដទៃ អ. ថ. អៈសុរ៉ៈ, ដូចជា អសុរកញ្ញា ឬ ––កន្យា កូនក្រមុំនៃអសុរ (ហៅចំពោះនាងសុជាតាជាធីតានៃវេបចិត្តិអសុរិន្ទដែលបានមកជាជាយានៃព្រះឥន្ទ)
    នាងសុជាតាអសុរកញ្ញា ។
    វចនានុក្រម សម្ដេចសង្ឃរាជ ជួនណាត
  4. ន អសុរកាយ អទិស្សមានកាយច្រើនពួក ជាអបាយសត្វ កើតអាស្រ័យនៅក្នុងមនុស្សលោក ជាពួកនិសាចរ ច្រើនត្រាច់ក្នុងវេលាយប់ រកស៊ីអសុចិវត្ថុមានគំរង់ជាដើម, ចួនកាលពួកខ្លះលងបន្លាចមនុស្សក៏មាន, ខ្លះនៅអែបអាងអាស្រ័យទីកន្លែងដែលមនុស្សអ្នករាប់អានជឿខ្មោចបិសាច ធ្វើឲ្យនៅក៏មាន (ខ្មោចអារក្ស ក៏រាប់ចូលក្នុងពួកអសុរកាយនេះដែរ) ។ អសុរភព ឬ ––លោក ឋានលំនៅពួកអសុរ (នៅនាជើងភ្នំព្រះសុមេរុ៍) ។ អសុររាជ ស្ដេចនៃពួកអសុរ (ព្រះបាទវេបចិត្តិឬវេបចិត្តិអសុរិន្ទ ) ។ អសុរវិមាន វិមាននៃអសុរ ។ ល ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

បញ្ចង្គ ប្រតិស្ឋ បង្វែង ចេរ អបទេស ឆៀង ស្លង់ បព្វជ្ជា តដាក បាសក ផ្កាកម្រង អារម្ភកថា និវាស វរជន នមស្ការ បង្កោង បំណែ ប្រណីត ប្លូច ប៉ផ្ងើក ទ្រព្យា ប្រតិទិន ភគិនី ពពូន

Source: Samdech Chuon Nath Khmer dictionary and Khmer lexicons.