អាមេណ្ឌិត
[—មេន-ឌិតៈ ឬ— មេន-ឌិត]- គុ (បា. ; សំ. អាម្រេឌិត) ដែលផ្ទួនពីរដង, ដែលផ្ទួនៗ, ថែមៗ, ដែលថាដដែលៗ, ច្រំដែល (ប្រើចំពោះតែសម្ដី : ពាក្យថា ផ្សេងៗ, ទីទៃៗ, តូចៗ, ធំៗ, កុំៗ, ទេៗ ជាដើមជាសម្ដី អាមេណ្ឌិត) ។វចនានុក្រម សម្ដេចសង្ឃរាជ ជួនណាត
- គុ ប្រើជា ន. ក៏បាន "ពាក្យផ្ទួន" (ដូចគ្នានឹង អាមេណ្ឌន) ។ បើរៀងភ្ជាប់ពីខាងដើមសព្ទដទៃ អ. ថ. —មេន-ឌិតៈ, ដូចជា អាមេណ្ឌិតពាក្យ ឬ— វាចា, —វាទ ពាក្យផ្ទួន, សម្ដីថែមៗ ដូចយ៉ាង ទៅៗ!, កុំៗ, បងៗ ជាដើម (ហៅ អនុលាប ក៏បាន) ។វចនានុក្រម សម្ដេចសង្ឃរាជ ជួនណាត
- គុ អាមេណ្ឌិតលេខ ឬ អាមេណ្ឌិតសញ្ញា លេខផ្ទួនឬគ្រឿងសម្គាល់ពាក្យផ្ទួន ។ ខ្មែរប្រើជាឈ្មោះវណ្ណយុត្តមួយប្រភេទ មានសណ្ឋានខាងក្បាលឬខាងលើជាលេខ ២ ប៉ុន្តែខាងកន្ទុយឬខាងក្រោមទាញចុះ (ៗ) នេះសម្រាប់សរសេររៀងពីខាងមុខពាក្យដែលត្រូវថា ផ្ទួន, ដូចជា ផ្សេងៗ, ទីទៃៗ, បងៗ, ប្អូនៗ ជាដើម, ប៉ុន្តែពាក្យ បា. ដូចយ៉ាង អាបោ អាបោ ជាដើមកុំប្រើ អាបោៗ ត្រូវប្រើ អាបោ អាបោ តាមរូបដើម (ហៅ លេខទោ ក៏បាន ។ ម. ព. វណ្ណយុត្ត ទៀតផង) ។វចនានុក្រម សម្ដេចសង្ឃរាជ ជួនណាត
- គុ អាមេណ្ឌិតវាទី អ្នកដែលច្រើនតែនិយាយផ្ទួនៗ, ដូចជា លោកៗ, អ្នកៗ, តាៗ, យាយៗ ជាដើម (បើស្ត្រីជា អាមេណ្ឌិតវាទិនី) ។វចនានុក្រម សម្ដេចសង្ឃរាជ ជួនណាត
- គុ អាមេណ្ឌិតសព្ទ សព្ទផ្ទួនៗ, ដូចជា បា. អាបោ អាបោ "ទឹកៗ"; ភិយ្យោ ភិយ្យោ, សំ. ភូយស៑ ភូយស៑ "ច្រើនៗ (ច្រើនក្រៃលែង)" ជាដើម; ខ្មែរដូចជា ផ្សេងៗ, ទីទៃៗ; ច្រើនៗ; តិចៗ; ដដែលៗ ជាដើម ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
អាចម៍សត្វ អាចរិយុ–– អាចរិយោ–– អាចិណ្ណ–– អាត្មាធីន អានាប្រាណ អានីតភណ្ឌ អាបុច្ឆនៈ អាមាតិសារ អាមាស្រ័យ អាមាសយរោគ អាមេណ្ឌនៈ អាយតនិបាត អាយលម្ពាយ អាយុត្តកៈ អារញ្ញកា— អាល័ក្ខណ៍ អាល័ក្សណ៍ អាលិង្គនៈ អាលោកកសិណ អាសភិវាចា អាហ្រ្វិក អ៊ិកអ៊ាក់ ឥណ្ឌូស៊ីន
Source: Samdech Chuon Nath Khmer dictionary and Khmer lexicons.