អារម្មណ៍
[—រ៉ម់]- ន ( បា. អារម្មណ; សំ. អារម្ពណ ឬ អាលម្ពន ) គ្រឿងតោង; គ្រឿងព្យួរ; គ្រឿងទាញឬទាញទាក់; គ្រឿងតោងរបស់ចិត្ត; គំនិត; ការដឹង;... ។ ដែលប្រើដោយច្រើន, សំដៅត្រង់ គ្រឿងតោងរបស់ចិត្ត មាន ៦ ប្រភេទគឺ រូបារម្មណ៍ ( សម្រាប់ភ្នែក ), សទ្ទារម្មណ៍ (សម្រាប់ត្រចៀក), គន្ធារម្មណ៍ (សម្រាប់ច្រមុះ), រសារម្មណ៍ ( សម្រាប់អណ្ដាត ), ផោដ្ឋព្វារម្មណ៍ ( សម្រាប់សព៌ាង្គកាយ លើកអាយតនៈ ៥ ចេញ ), ធម្មារម្មណ៍ ( សម្រាប់ចិត្តសុទ្ធ )អារម្មណ៍ល្អ, អារម្មណ៍មិនល្អ, អារម្មណ៍មិនទៀង ( ម. ព. អាយតនៈ ផង ) ។វចនានុក្រម សម្ដេចសង្ឃរាជ ជួនណាត
- ន សំដៅត្រង់ គំនិត និង ការដឹង, ដូចជា កៀងអារម្មណ៍ កៀងប្រមូលគំនិតមិនឲ្យទាសរសេមរសាម ។ ឃ្វាងអារម្មណ៍ ឃ្វាងគំនិត ។ ចាប់អារម្មណ៍ ចាប់ចិត្ត, ជាប់ចិត្ត, ជាប់គំនិត ។ ជិះអារម្មណ៍ ផ្ទួនគំនិត ។ ជោកអារម្មណ៍ ជោកគំនិត, ស៊ប់ចិត្តពេញទី ។ ទទួលអារម្មណ៍ ទទួលដឹង, បានដឹង (ដោយភ្នែកឃើញរូបជាដើម) ។ ទប់អារម្មណ៍ ទប់គំនិត ។ ទាញអារម្មណ៍ ទាញគំនិត ។ ទាសអារម្មណ៍ ឬ អារម្មណ៍ទាស ទាសគំនិត ឬគំនិតទាស ។ ទាស់អារម្មណ៍ ទាស់ចិត្ត, ទាស់អធ្យាស្រ័យ; មិនត្រូវធាតុគ្នា ។ ប៉ះអារម្មណ៍ ឬ ប្រទះអារម្មណ៍ ប៉ះឬប្រទះរូបារម្មណ៍ជាដើម; ទង្គុកចិត្តគ្នា ។ ប្រមូលអារម្មណ៍ ប្រមូលគំនិត, ធ្វើឲ្យមូលចិត្ត ។ រងអារម្មណ៍ ឬ សោយអារម្មណ៍ ទទួលអារម្មណ៍, ចាប់អារម្មណ៍ ។ ស្ទាក់អារម្មណ៍ ស្ទាក់ផ្លូវគំនិត ។ ល ។បើរៀងភ្ជាប់ពីខាងដើមសព្ទដទៃ សរសេរជា អារម្មណ (អ. ថ. —រ៉័ម—ម៉ៈណៈ), ដូចជា អារម្មណប្បភេទ ដំណើរផ្សេងនៃអារម្មណ៍ជាដើម ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ទំហំ រុក្ខជាតិ ខាត ពន្លឺ នីតិវិធី រាជការ ត្រួត វិជ្ជា ដំបូង ផលិតកម្ម ចាក បន្ថែម ក្រុមប្រឹក្សា អន្តរជាតិ ចិញ្ចឹម ឈឺ ប្រធាន រចនាសម្ព័ន្ធ ស្ទើរ លទ្ធិ ចំណុច ស្រែ ឆ្នោត សូ
Source: Samdech Chuon Nath Khmer dictionary and Khmer lexicons.